Регионалната соработка е клучна за надминување на енергетската криза

ФЕС - Битиќи, Нуредини, Бочварски: Регионалната соработка е клучна за надминување на енергетската криза, реализацијата на Зелената агенда за Балканот бара регионална соработка.

Фондацијата Фридрих Еберт, во соработка со Амбсадата на Сојузна Република Германија во Македонија, денеска организираа конференција на тема „Интензивирана соработка: Обновениот Берлински процес и иднината на регионалната соработка во Југоисточна Европа“ на која се обратија министри од земјата и регионот, координатори, советници и претставници на граѓански организации.

Вицепремиерот задолжен за економски прашања, координација на економските ресори и инвестиции Фатмир Битиќи потенцираше дека регионалната соработка е клучна за успехот од надминување на енергетската криза.

„Решавањето на проблемите кои произлегоа од оваа криза не може да се решат индивидуално, туку заедно со меѓусебна поврзаност и конкурентност.

Буџетската поддршка од 80 милиони евра која Европката Унија ни ја дава за справување со кризата за нас е важна, но за регионот се исклучително важни оние 500 милиони евра кои ЕУ ќе ги обезбеди за земјите од Западен Балкан за заеднички инвестиции во енергетска стабилност и диверзификација.

Ова на дело ќе ја покаже нашата подготвеност за соработка и заедничко премостување на кризата“, рече Битиќи.

Министерот за животна средина и просторно планирање Насер Нуредини истакна дека реализацијата за Зелената агенда за Балканот бара регионална соработка и градење на регионално усогласени зелени политики.

Во однос на постигнувањето на климатските цели и постигнувањето на економија со нула емисии, најголем предизвик е декарбонизација, бидејќи од една страна се соочуваме со енергетска криза, а од друга страна со застарени технологии во најголемите енергетски капацитети. Тие се уште користат јаглен од причина што историски гледано како држава многу малку сме инвестирале во овој сектор, особено во промената на енергенсите што ги користат и нивно ориентирање кон обновливи извори на енергија. Патот кон декарбонизација иако на национално ниво е јасно зацртан, тој мора да се потпира и врз регионално усогласени политики за спроведување на праведна зелена транзиција“, истакна Нуредини.

Министерот за транспорт и врски Благој Бочварски информираше дека регионалната соработка и регионалното инфраструктурно поврзување е високо на агендата на Министерството за транспорт и врски.

„Отвораме нови можности за граѓаните и за економијата, го градиме и модернизираме стратешки значајниот Коридор 8, со цел забрзана интеграција на целиот Западен Балкан. Република Македонија преку отворање на "зелените коридори" на границите овозможи непречен и забрзан проток на стока и услуги, со што значајно придонесовме кон заедничката регионална соработка и забрзан економски развој. Продолжуваме со реализацијата на крупни капитални проекти за транспортно и енергетско поврзување, придонесувајќи кон еден поврзан и развиен регион“, посочи Бочварски.

Генералниот секретар на Коморскиот инвестициски форум - асоцијација на шесте национални комори од регионот на Западен Балкан Татјана Штерјова Душковска потенцираше дека економските аспекти на соработката во рамките на Берлинскиот процес се движат паралелно со прогресот на политичките аспекти на овој процес, па од овие причини, разбирливо е можеби што во изминатиот период прогресот на спроведувањето на зацртаното во Акцискиот план за заедничкиот регионален пазар не беше на посакуваното ниво, имајќи го предвид и оддолжувањето во интегративните процеси на земјите од Западен Балкан кон ЕУ.

„Определбата на приватниот сектор е дека воведувањето на регион со целосна примена на четирите слободи (слободно движење на лица, стоки, услуги и капитал низ регионот на Западен Балкан) е клучно за обезбедување на поконкурентни и резистентни компании во регионот, и Берлинскиот процес игра клучна улога во реализацијата на оваа цел. Коморскиот инвестициски форум го следи прогресот на спроведувањето на Акцискиот план со фокус на гледиштата и ставовите на приватниот сектор во однос на придобивките кои ги носи оваа регионална економска соработка, а извештајот за 2022 година ќе биде презентиран во текот на оваа недела. Паралелно со ова, како асоцијација на стопанските комори од регионот работиме на подигнување на капацитетите на приватниот сектор во рамките на програмата за развој на добавувачи, што треба да придонесе за подигнување на нивните капацитети за спроведување на Зелената агенда во Западен Балкан“, порача Штерјова Душковска.

Асистент професор на школата за бизнис во Копенхаген Олимпија Хритова Заевска посочи дека еден од клучните фактори да изградиме просперитетен регион за нас и привлечен регион за инвестиции, е заеднички - регионално да ја ревитализираме и изградиме нашата технолошка, научна и истражувачка инфраструктура.

„Во моментот учеството на земјите од Западен Балкан во пан-европски истражувачки проекти е незабележително. Во ера на Индустрија 4.0 мораме да сме поамбициозни во научна и технолошка смисла бидејќи токму тоа ни недостасуваше во последните три декади и не успори во градење на компетитивност на регионот. Да не се залажуваме дека можеме да сме компетитивни и привлечни без инвестиции во образование и наука“, додаде Христова Заевска.

Државниот секретар во Министерство за економија Размена Чекиќ Дурович инфорнираше дека со последните измени на Законот за енергетика кој беше објавен во Службениот весник обезбеден е и правен основ за развој на овој национален план за развој на енергија и клима и на две години ќе се прави посебен извештај за реализација на мерките кои се предвидени на националниот план за енергетика и клима.

„Тоа ќе го правиме заедно во соработка со Министерството за животна средина и просторно планирање. Во овој план се предвидени многу мерки и активности, 63 конкретни политики и мерки, но се во различни дејности и сектори. Во делот на декарбонизација предвидуваме реализација на активности и за ублажување на климатските промени со тоа што ќе се намалат емисиите на стакленички гасови“, потенцираше Чекиќ Дурович.


Колку е штетна течноста за плакнење уста? (фото)

 Стоматолог тврди дека со неа ги уништуваме забите...

Совети за орална хигиена.

Кога станува збор за здравјето на забите, кариесот е еден од најголемите проблеми. Стоматологот Ками Хос предупредува дека некои секојдневни навики би можеле сериозно да ја загрозат состојбата на забите, нагласувајќи дека здравјето на усната шуплина има значајно влијание врз целокупното здравје на организмот.

Течности за плакнење на уста

Стоматологот Хос особено укажува на штетноста на течностите за плакнење на уста, нагласувајќи дека тие можат да предизвикаат сериозно оштетување на забите. Огорчен од нивното дејство, тој тврди дека овие течности убиваат голем број микроби во устата, оставајќи простор за репродукција на најопасните. Ваквиот пристап, според д-р Хос, може да доведе до катастрофални последици.

Хос советува дека усната шуплина треба да се гледа како градина, со многу добри и лоши бактерии од кои треба да се ослободите исто како од плевелот.

- Ако во градината имавте плевел, сигурно немаше да го полевате со киселина. Токму тоа го правиме кога користиме средство за плакнење на устата, тоа убива сè што живее во неа - вели д-р Хос, а пишува Ординација.хр

Совети за одржување на оралното здравје

За да се зачува здравјето на усната шуплина, д-р Хос дава низа совети кои вклучуваат промена на секојдневните навики. Препорачува утринска орална нега пред појадокот, со користење на блага течност за плакнење на устата со цел да се обнови pH вредноста на усната шуплина и да се отстранат наслагите, како и редовно чистење на забите со конец и интердентална четка.

- Исчистете го јазикот со средство за таа намена, бидејќи на него може да се наталожат наслаги штетни за здравјето на усната шуплина. На забите им наштетуваме кога ги негуваме со производи што содржат алкохол или други состојки кои можат да ја променат микробиотата во устата, која се развила во текот на милиони години – тврди стоматологот Хос.

За да се зачува здравјето на усната шуплина, од клучно значење редовните посети на стоматолог, како и употребата на благи препарати за нега на усната шуплина и правилна хигиена.

Тргнала да истражува пукнатина во карпа, а потоа одеднаш исчезнала (видео)

Луѓето со страв и неверување гледаат каде завршила оваа жена! 

Необичните адреналински авантури во последно време стануваат сè повеќе популарни.

Многумина од нас се подготвени да се испробаат во многу активности за да ја тестираат сопствената издржливост, форма и пред сè сопствената бестрашност. Додека некои се занимаваат со спортски вештини и акробации за кои е потребна исклучителна физичка подготвеност, некои се одлучуваат за екстремни спортови, алпинизам и слично.

На социјалната мрежа Tикток се појави видео на кое е прикажана млада жена која, како дел од екстремните спортови, се занимава со вовлекување во пукнатини и дупки на карпи. Додека повеќето добро би размислиле дали да се впуштат во таква авантура или не, или би побарале посебни услови што би им гарантирале некаква безбедност, оваа жена не го сторила тоа. Исклучително храбра и бестрашна, таа се осмелила да ѕирне во внатрешноста на голема карпа, на чија површина има пукнатина.

Таа вешто се спушта внатре, додека кацигата ѝ ѕирка над земјата. Меѓутоа, членовите на нејзиниот тим прво ѝ ја вадат кацигата за таа да може непречено да влезе во пукнатината на карпата, а потоа и ја подаваат за да биде побезбедна за време на нејзината експедиција. Колку што може да се види од површината, дупката е длабока, но е затрупана со камења и затоа местото е небезбедно, бидејќи во случај на одрон, би можела да се случи голема несреќа. За среќа, жената со насмевка излегува од дупката, додека нејзините колеги и пријатели воодушевено го надгледуваат нејзиниот подвиг.

Клаустофобите признале дека не би се шегувале со вакви ситуации и дека не можат ни да ја замислат ситуацијата во која се впуштила оваа жена.

- Како излезе од таму?

-Зарем не се сеќавате на момчето што се заглави и умре?

- Мојата клаустрофобија.

- Би испаничила ако блузата ми се закачи на лицето.

- Зошто некој си го ризикува животот? Ова за мене нема смисла – коментираат дел од корисниците на мрежата.

Меѓу коментаторите, некои изјавиле дека никаква парична сатисфакција не би ги натерала на ваква авантура. Други прашале дали постои некаков спасувачки тим и дали жената е безбедна. Подобро упатените во ваквите екстремни спортови одговориле дека има доброволци кои ги придружуваат авантуристите во нивните потфати, а за понапорни истражувања и влез во пукнатини и дупки ги придружуваат и пожарникари.

Сепак, мнозинството корисници се согласи дека не треба да се биде толку сигурен бидејќи безбедноста никој не ја гарантира и дека паниката би го направила своето дури и кај оние кои себеси се сметаат за бестрашни.

@unilad I feel claustrophobic just watching! 🤢 🎥 @bonniemaelyons #unilad #fyp #foryou #foryoupage #hole #holes #tighthole #claustrophobia #claustrophobic #climbing #adventure ♬ Suspenseful and tense orchestra(1318015) - SoLaTiDo

Видео: На Северина и долета штикла на бината, ја потшиша и ја врати

Северина минатата недела настапи во Минхен, а на Инстаграм објави неколку снимки од концертот.

Додека таа ја пееше песната „Моја штикла“, една обожавателка и ја фрли својата штикла на бината. Северина го фати чевелот и го потпиша.

„Ти благодарам драга Северина што ја потпиша штиклата“, објави обожувателката под видеото објавено на Инстаграм.

Извор: Индекс.хр

притисни ентер