Реакција на ВМРО-ДПМНЕ на интервјуто на Зоран Заев за Дојче Веле

Не само што лаже во Македонија, туку лаже и во странство, Заев е прототип за Пинокио. 

Реакција на интервју на Зоран Заев за Дојче Веле

Не само што лаже во Македонија, туку лаже и во странство, Заев е прототип за пинокио. Не само што не креирал 100.000 работни места за четири години, туку во последната година Заев предизвика отпуштање на 60.000 луѓе.

Тоа што народот се иселува не е и не може да биде намалување на невработеноста.

Ако сите со ниски примања добијат отказ, тоа не значи покачување на просечната плата, туку само зголемување на јазот меѓу богатите и сиромашните.

Над 65% од работниците во Македонија земаат плата под 25.000 денари. Тоа е тажната реалност во Македонија поради Заев.

Корупцијата ја нагриза државата во сите аспекти. Заев заборави да каже дека нема истрага за него, брат му и братучедите. Главниот обвинет во Рекет, кажа дека парите од Рекет завршиле кај Зоран и Вице Заеви. Шоферот на Трајче Заев беше фатен како шверцува дрога во акција од американската ДЕА, а Трајче Заев, братучед на Зоран Заев не беше ниту повикан на разговор во МВР.

Правдата во Македонија со Заев е мртва и таа не важи за никој. Политички неподобните се шиканирани, а семејството Заеви и ним блиските непречено прават криминал.

Заев треба да каже дека 111-то место на листата за перцепција на корупција се должи на него и на неговото семејство, на рекетот на Вице, на лиценците на Трајче и на туцињата пари во торба на Ден Дончев.

Со Заев нема правда, уште помалку европски просперитет. Потребно е Заев да си замине, за државата да тргне напред.

Време е за Македонија за сите луѓе!

Центар за комуникации на ВМРО-ДПМНЕ

Нина Бадриќ ја провоцира Лепа Брена со фотографија од Хвар

Хрватската ѕвезда Нина Бадриќ на својот Инстаграм објави фотографија од Хвар, на која што покажа како изгледа глетката од ресторан кон морето.

„Утро“, напишала пејачката на германски јазик со фотографијата.

Летната сцена воодушеви многумина.

„Не е лошо“, „Рај на земјата“, „Прекрасна“, „Рааај“, „Уживајте“, се некои од коментарите.

Одговори и Лепа Брена.

„Малку не измачуваш, нели? се пошегува пејачката.

„Те чекаме“, и` порача Нина.

Инаку, минатата година Лепа Брена и Нина заедно уживаа на летниот одмор на островот Вис, а се чини дека пејачките и оваа година ќе поминат неколку дена заедно.

Во Узбекистан е произведена првата серија на руската вакцина Спутник

Првите серии на руската вакцина Спутник В против коронавирус се произведени во погоните на лабораторијата Јурабек во Узбекистан, се наведува во соопштението на Рускиот фонд за директни инвестиции (РДИФ).

Вакцината произведена во Узбекистан ќе се користи во националната програма за вакцинација, се наведува понатаму во соопштението, објави ТАСС.

Спутник V е сертифициран во земјата во февруари 2021 година.

RDIF организирал трансфер на технологија за производство на вакцините во Узбекистан.

Серијата за валидација биле испратени до центарот на Гамалеја за контрола на квалитетот, наведува Фондот и додава дека комерцијалната продукција на Спутник V е предмет на успешна контрола на квалитетот на сериите за валидација.

До денес, вакцината Спутник В е регистрирана во 69 земји низ светот со вкупно население од над 3,7 милијарди луѓе.

Податоците добиени од регулаторните тела на бројни земји за време на вакцинацијата на населението, вклучувајќи ги Аргентина, Бахреин, Унгарија, Мексико, Сан Марино, ОАЕ и други, покажуваат дека Спутник V е една од најбезбедните и најефикасните вакцини против коронавирусот.

Математичарка од Кембриџ без тренер и клуб освои олимписко злато и го шокира светот (ФОТО)

Ана Кисенхофер не била глобално позната спортистка пред Олимпијадата, но влезе во историјата во Токио и освои злато во велосипедизмот, во дисциплината трки на патишта.

Нејзината животна приказна е фасцинантна, а светските медиуми пренесуваат дека тоа е едно од најголемите изненадувања во историјата на Игрите. Имено, шансите за нејзина победа кај повеќето светски обложувалници биле поголеми од 500, и според тој критериумот таа била убедливо најмалата фаворитка за подиумот.

Ваквите предвидувања можеби не се невообичаени со оглед на тоа што австриската велосипедистка пристигна на Игрите како 94 -ти на светската ранг -листа. Пред пет години, таа го освои својот прв аматерски турнир во Шпанија, на 25 -годишна возраст. Таа наскоро потпишала професионален договор со Лото Судал Дами, но во 2017 година се откажала од спортување. Две години подоцна се вратила како аматер.

Така, Кисенхофер пристигнала на Игрите без договор со професионален клуб, но и без тренер. Таа се подготвувала за натпреварот, со уште неколку аматери, далеку од идејата за каков било медал. "Порано имав тренери, а сега се правам сама. Тренирам, се грижам за исхраната и закрепнувањето. Направив план за трката. Знаев точно како да започнам, од каде ќе се обидам да ги нападнам конкурењнтите и што би јадела пред трката “, рече таа по историскиот успех.

Сцената од крајот на трката долга 137 километри е можеби најдобриот доказ за тоа колку е бизарна нејзината победа. Имено, уште четири велосипедисти влегле со неа во последната етапа од трката. Мислеле дека борбата за медали е само меѓу нив и не ни знаеле дека Кисенхофер е пред нив. Во еден момент таа имала предност од дури пет минути.

Така, Холанѓанката Анемиек ван Влејтен, втора во рангирањето, влегла во финишот славејќи со кренати раце, мислејќи дека штотуку го освоила олимпиското злато. Во реалноста, таа заостанувала минута и половина зад Австријката и морала да се задоволи со сребрениот медал.

За да ја заврши приказната за чудото, Кисенхофер е дипломирана математичарка од Кембриџ. Пред осум години, таа докторирала на Универзитетот во Барселона. Интересно, оваа година таа спровела истражување за влијанието на топлината врз човечкото тело под напор, а голем дел од јавноста верува дека поради тоа се подготвила многу подобро од конкуренцијата за тешките услови во Токио.

Кисенхофер нема да стане професионалец ниту по најголемото злато во светот на спортот. "Штом сум на целта значи дека сум подготвена и сакам да победам, но исто така сум реална. Пред Игрите ги анализирав моите шанси и би била среќна да бидам меѓу најдобрите 25. Ова сеуште е незамисливо за мене, дека го земав златниот медал. Не сакам професионална кариера, без оглед на успехот. Сакам да уживам во возењето велосипед и мислам дека ќе возам на пробно возење “, рече креаторката на најголемото чудо на Игрите.

Патем, за Австрија го освои првото злато од Летните олимписки игри во Атина во 2004 година и првото злато во велосипедизам од Игрите во 1896 година.

притисни ентер