Македонија

Расте бројот на невработени, бизнисот бара итни мерки за спас на работните места

Државната помош итно да продолжи за да нема нов бран отпуштања, апелираат работодавачите, откако вчера Државниот завод за статистика и Агенцијата за вработување објавија загрижувачки бројки за невработеноста во земјава.

Бројката на невработени во јуни рипнала на 27 639 лица во однос на февруари, односно пред појавата на Корона кризата. Ангел Димитров од Организацијата на работодавачи, смета дека наглиот раст на бројките покажуваат на итност од носење на нови мерки за поддршка на стопанството.

„Факт е дека во услови кога престана мерката која беше од Владата за поддршка на вработеноста, дека фирмите останаа сами на себе и дел од нив кои имаа голем пад на производството и на капацитетите се одлучија во таков момент, да отпуштат дел од работниците./ Ова укажува дека е неопходно итно Владата меѓу првите мерки што ќе ги донесе, во таканаречениот четврт пакет на мерки за поддршка на стопанството, овој пат да биде малку попрецизна.“ вели Ангел Димитров, Организација на работодавачи

Според Димитров, овој пат помошта треба да бидат подобро селектирана. Секоја фирма да добие финансиска инјекција според загубите кои ги има.

„Сите оние мерки кои беа насочени кон одржување на ликвидноста на компаниите околу оние безкаматни кредити, одлободување од придонеси и така натаму, беа добро таргетирани и тие треба да продолжат и понатаму, единствена измена треба да се направи во мерката за поддршка на вработеноста, за да таа стане поправична кон сите компании, за да може сите да конкурираат во зависност од висината на изгубените приходи, таква треба да биде и помошта.“ истакна Ангел Димитров, Организација на работодавачи

Вкупниот број на невработени во земјава изнесува 133 455 лица. Коморите веќе апелираа – ако не се донесе нов пакет мерки, отпуштањето работници ќе земе поголем замав.

Премиерот Заев пред неколку дена, ги повика газдите да не отпуштаат работници оти пари за четврт пакет мерки има, и наскоро ќе биде донесен.

Фудбал

Ужас во Колумбија: Фудбалер е погоден со нож во глава на дерби натпревар (ВИДЕО)

Потресна сцена е видена на едно од најголемите дерби натпревари во Јужна Америка, дербито во Меделин помеѓу Атлетико Национал и Индепендиенте, каде навивач фрли нож врз играч на Атлетико.

Ова дерби се рангира како едно од најголемите во Јужна Америка, но и во светот, а особено е интересно поради историјата и влијанието на наркокартелите, но и најголемиот нарко бос на сите времиња, Пабло Ескобар, кој своевремено управуваше еден од овие два клуба - Атлетико Национал.

Дека во Колумбија не е безбедно ниту на фудбалски терен, можевме да видиме на овој натпревар, каде што беше забележана шокантна сцена.

Во самиот финиш на натпреварот, кој на крајот заврши со резултат 2:2, кога играчот на Атлетико, Пабло Чепелини се подготвуваше да изведе корнер, од трибините кон него полета нож и го удри во глава. Веднаш се наведна со болна гримаса на лицето, а до него беше судијката, која ножот за среќа ја промаши, откако се одби од Чапелини.

Интересно, Чепелини реши веднаш да стане и да го продолжи мечот, како ништо да не се случило, само за натпреварот да дојде до крајот, иако го имаше секое право на светот да остане на земја и да побара од судијата да го прекине натпреварот , што ќе му дадеше на неговиот тим три бода.

Свет

Американска сенаторка е уапсена под сомнение дека извршила кражба во куќа (ВИДЕО)

Сенаторката на американската сојузна држава Минесота,  Никол Мичел (49) од градот Вудбери е уапсена под сомнение за кражба, соопшти полицијата на округот Детроит Лејкс.

Диспечерите примиле повик околу 4:45 часот во понеделникот од сопственикот на куќата, кој пријавил „провална кражба во тек“, а полицијата пристигнала на местото и ја уапсила Мичел, пренесува ABC News.

Не е познато дали Мичел имала задржано адвокат, а таа е уапсена додека Сенатот е на одмор до вторник поради празникот Пасха.

Според ABC News, нејзиното апсење дојде во незгодно време за демократите во Сенатот, кои имаат предност од еден сенатор во однос на републиканците, така што нејзиното отсуство може да биде проблем во донесувањето на законите доколку недостига поддршка од двете партии.

Пред да биде избрана за сенатор во 2022 година, Мичел работела како метеоролог за Армијата на САД, како и за ТВ КСТП и Јавното радио на Минесота.

Таа сè уште има чин потполковник во Воздухопловната национална гарда и е командант на метеоролошката единица.

Маќеата на Мичел живее на истиот блок куќи во Детроит Лејкс, каде што била уапсена сенаторката, според ABC News.

Македонија

Агелер: Ништо нема да се постигне со негласање

Амбасадорката на Соединетите Американски Држави во Македонија Анџела Агелер на официјалниот фејсбук профил на Амбасадата упати порака до граѓаните да излезат на гласање и да гласаат за кандидат кој ги одразува нивните очекувања за иднината.

-Граѓаните и гласачите на оваа земја треба да поставуваат тешки прашања на кандидатите, а потоа тие гласачи... мора да гласаат. Тие мора да излезат таму и да го изберат кандидатот што ги одразува нивните соништа за иднината, и ништо нема да се постигне со негласање, стои во пораката на aмбасадорката Агелер.

Во земјава утре ќе се одржи првиот круг од Претседателските избори, на кои во трката за Вила Водно се седум кандидати. Вториот круг заедно со Парламентарните избори ќе се одржи на 8 мај.

притисни ентер