Македонија

Расколот меѓу Таравари и Села ќе заврши во судска битка за печатите?

По одлуката на Централното собрание на Алијанса свикано од Села, да иницираат до Конгресот во недела разрешување на Таравари, неговите приврзаници децидни дека нема да присуствуваат на таков нелегален конгрес. 

Пратеникот Халил Снопче за Канал 5 вели кворумот бил во Куманово, а не во Скопје. Не ја исклучува можноста превирањата да се решават директно на суд, но во ваков случај според него не е важно на кого судот ќе го додели печатот, туку со кого е народот.

- Фарса, нема што да одиме на конгресот во недела. АА има легитимен конгрес на кој како легитимен претседател е Арбен Таравари. Делегатите на тој конгрес се одобрени од подограноците, ограноците. И Таравари може да го разреши само конгресот на партијата што го избрал. Со две тритини од гласовите. Значи невозможно е разрешување на Арбен Таравари. Во хотел Буши беа комплет други личности тие немаа ниту една третина од делегатите, ова е една тенденција да се направи фалсификат што е кривично дело. Ако се оди по оваа фарса тие со помош на ДУИ најверојатно ќе одат на судска постапка. Џабе им е. Ако ние ја имаме поддршката од народот, гласачите, членовите, нема кој да не сопре, без разлика дали имаме или не печати,- Снопче.

Од друга страна крилото на Села, очекува по Конгресот викендов да ја преземат контролата врз партијата. Во интервју за Клан порача дека тој го направил Таравари политичар и немало да дозволи да ја подели партијата.

- Таравари реши годинава да ги заобиколува партиските тела, не доаѓаше на состаноци, а одеше на тајни средби со други лидери без при тоа со него да отиде и друг член на раководството на партијата. Покажа детско однесување што не доликува на лидер. И почна да прифаќа директиви од надвор. Скандалозно е на средба со косовскиот премиер Албин Курти што отиде сам, без ниту еден член на Претседателството на АА. Но додека дишам, нема да дозволам под директива Алијанса да дејствува. Ние сме сериозна партија. Самостоен настап на АА не значи дека им помагаме на ДУИ. Која е таа логика?, изјави Села.

Во меѓувреме Таравари интензивно ја договора коалициската соработка со опозициската тројка Касами, Гаши и Меџити кои на завчерашната средба во Гостивар му дадоа поддршка после расколот во партијата. Следниве денови се очекува да биде потврден претседателскиот кандидат на албанскиот опозициски блок и заеднички листи за парламентарните избори

Свет

Зеленски се надева дека Европа и САД ќе учествуваат во евентуалните мировни преговори

 Украинскиот претседател Володимир Зеленски се надева дека Европа и САД ќе учествуваат во евентуалните преговори за прекин на војната со Русија, пренесуваат светските агенции, повикувајќи се на неговите претходно дадени изјави за новинарите.

На заедничката прес-конференција со молдавската претседателка Маја Санду, Зеленски рече дека Украина, исто така, мора да учествува во преговорите за прекин на војната за тие да имаат значајно влијание.

„Што се однесува до тоа каква ќе биде организацијата на преговорите: Навистина се надевам дека Украина ќе учествува, Америка, Европа и Русите“, рече Зеленски, кратко откако појасни дека сè уште не е воспоставена рамка.

„Да, навистина би сакал Европа да учествува, бидејќи ние ќе бидеме членки на Европската унија“, нагласи украинскиот претседател.

Зеленски прецизираше дека верува оти новиот американски претседател Доналд Трамп може да стави крај на војната, но дека тоа ќе може да го направи само ако ја вклучи Украина во преговорите.

„Тој може да го направи тоа само со Украина, во спротивно нема да успее. Затоа што Русија не сака да ја заврши војната, додека Украина го сака тоа“, додаде Зеленски.

Живот

Папата Франциск повика на слобода на печатот и ослободување на затворените новинари

 Папата Франциск укажа денеска на тешката состојба на затворените новинари ширум светот, за кои рече дека ги „има „многу“ и повика на почитување на слободата на печатот на глобално ниво.

„Сакам да се сетам на сите оние кои се затворени само затоа што останаа верни на професијата новинар, фотограф, снимател, затоа што сакаа да одат да видат со свои очи и се обидоа да раскажат што виделе“, рече папата во Ватикан во говор по повод Светскиот ден на комуникациите, пренесе италијанската новинска агенција АНСА.

Папата Франциск истакна дека слободата на новинарите е „слобода за секој од нас“.

„Барам од оние кои имаат моќ да овозможат сите неправедно затворени новинари да бидат ослободени. Нека им се отвори „вратата“ преку која ќе се вратат на слободата, бидејќи со слободата на новинарите се зголемува и слободата на сите нас“, рече папата Франциск.

Тој упати нов апел за одбрана и зачувување на слободата на печатот и слободата на мислата, заедно со правото на информирање.

„Бесплатното, одговорното и точното информирање се наследство на знаење, искуство и доблест кои мора да се чуваат и унпаредуваат. Без тоа, ризикуваме повеќе да не ја разликуваме вистина од лага. Без тоа, ние се изложуваме на пораст на предрасудите и поларизацијата, кои ги уништуваат врските на граѓанскиот соживот и го спречуваат обновувањето на братството“, рече папата Франциск.

Свет

Во Пакистан четири лица осудени на смрт поради бласфемија

Судот во пакистанскиот град Равалпинди денеска осуди четири лица на смртна казна поради богохулење откако наводно на социјалните мрежи објавиле навредливи содржини за исламските верски личности и куранот.

Нивниот адвокат најави жалба на пресудата.

Согласно пакистанските закони, секој што ќе биде прогласен за виновен за навреда на исламот или неговите религиозни личности може да биде осуден на смрт.

Судијата Тарик Ајуб изјави дека бласфемија непочитувањето на светите ликови и сквернавењето на Куранот се непростливи злосторства и не оставаат простор за милост.

Покрај смртните казни, судот на обвинетите им изрече парични казни во вкупна вредност од околу 16.500 американски долари, како и затворски казни во случај повисокиот суд да ја укине смртната казна.

Законот против богохулење, воведен во Пакистан во 80-тите години од минатиот век. Оттогаш, многу луѓе се обвинети за навреда на религијата, сквернавење на нејзините свети текстови или пишување навредливи пораки на ѕидовите на џамиите.

Критичарите на законот сметаат дека тој често се злоупотребува за решавање на лични конфликти.

притисни ентер