Рамо до рамо со граѓаните на Дебар, Радовиш и Струмица

Заедно да го отвориме патот кон нашата крајна цел, да станеме дел од ЕУ

Во рамки на караванот теренски активности на СДСМ, „Рамо до рамо до победа“, генералниот секретар Миле Зечевиќ Вардарски денеска беше на маалска средба со граѓаните на Дебар.

-Имаме историска шанса за обезбедување на европска иднина за целиот наш народ, за сите граѓани, а пред идните генерации имаме обврска, затоа да истраеме и заедно да го отвориме патот кон нашата крајна цел, да станеме дел од ЕУ, порача Зечевиќ.

Ние знаеме дека на заедништвото почива заедничкиот успех, кажа Зечевиќ.

-На народот, на граѓаните им треба и мир, стабилност, соживот и сигурна иднина. Нашите граѓани, без разлика на етничка припадност, сакаат да бидат дел од ЕУ, да живеат достоинствено и подобро во својата држава. Не само животниот стандард и европските вредности, исклучително е важно да бидеме седнати на големата маса во ЕУ, рамноправни, рамо до рамо со големите државотворни народни на Европа. Заради заедничко доброто на идните генерации и заради доброто на земјата. Гласот за Европа е глас за европска иднина. Да се обединиме околу европскиот пат, на заедништвото почитува и заедничкиот успех, рече генералниот секретар на СДСМ, Миле Зечевиќ Вардарски.

Во рамките на теренските активности на СДСМ, под мотото „Рамо до рамо, до победа“, денеска со граѓаните на Радовиш, беа Гоце Георгиевски и Кирил Парталов, а во Струмица, Никола Рлак и Вангелија Велева.

ИПАРД е нашата успешна приказна, ние сме лидери во регионот, имаме број на инвестиции колку Србија, Црна Гора и Албанија заедно. Имаме најголема искористеност од 98% на средствата од ИПАРД 2 програмата со склучени 2369 договори, нула евра поврат на средства за целиот ИПАРД 2 период и први во регионот ние започнуваме со ИПАРД 3 програмата, истакна Георгиевски во Радовиш, додавајќи дека успехот се мери во инвестиции по европски стандарди за модернизација на земјоделството и зголемен рурален развој.

Георгиевски нагласи дека преку ИПАРД 2 програмата се ивестирани 60 милиони евра, а ЕУ за ИПАРД 3 додели 97 милиони евра, односно вкупно 128 милиони евра за нови преработувачки капацитети, објекти за рурален туризам, фарми, модерна земјоделска механизација, системи за наводнување, мали бизниси од рурални средини.

Рамо до рамо со граѓаните на Струмица заедно со Вангелија Велева беше Никола Рилак, кој пред граѓаните најави дека од први јули оваа година, повторно ќе имаат можност да користат евтина дневна тарифа на електричната енергија.

Изминатата кризна година покажа колку е важно да се има знаење и посветеност за енергетскиот сектор. Во време на криза го зголемивме домашното производство на струја за 44 проценти, цената за граѓаните не се зголеми, а за 72.000 компании на регулираниот пазар, цената на електрична енергија се намали за 20 проценти, рече Рилак, додавајќи дека потонаа сите лаги на опозицијата за енормно поскапување на струјата и за рестрикции.

Рилак истакна дека фокусот во енергетиката е на зелената транзиција, во чии рамки, во мандатот на оваа влада се инсталирани и пуштени во мрежа 210 мегавати обновливи извори на електрична енергија, што е доволно да снабди со електрична енергија околу 76.000 домаќинства.

Парис Хилтон го прослави роденденот со супер луксузна забава во приватниот авион (ФОТО)

Славната Парис Хилтон го прослави својот 43-ти роденден за време на викендот, а со своите следбеници на Инстаграм сподели видеа од нејзината луда забава.

Парис во приватен авион тргна на патување со сопругот Картер Реум и нивниот едногодишен син Феникс Барон.

Иконата од почетокот на 2000-тите првпат сподели видео од Реум како го носи нивното машко бебе додека оди кон црн автомобил, додека му кажува како „ќе се забавува за роденденот на мама“. Таа потоа објави уште едно видео на кое се гледа надворешноста на приватниот авион украсен со десетици балони.

Кога се качила во авионот, Хилтон ја насочила камерата кон неколку маси украсени со цвеќиња, шишиња шампањ, слатки и бели очила за сонце во облик на срце. Во кадарот можеа да се видат и колачиња и голема кутија Шанел, потенцијален роденденски подарок за Парис.

Во третото видео што Хилтон го сподели на Инстаграм, таа се појави пред камера облечена во крзнена капа од Луј Витон, црна јакна и пижами со леопард принт. Иако таа го држеше синот во кадрите, нивната ќерка Лондон Мерилин не беше во ниту една од кадрите, но таа се отвори за својот живот како мајка на две деца во објава на Инстаграм во саботата.

- Се чувствувам благословено. Од мајчинство до женските должности и залагање за она што е правилно... Ова беше најдобрата година досега! – напиша Парис, пренесува Јутарњи лист.

Да потсетиме, наследничката на една од најголемите империи во светот, Парис Хилтон, во 2023 година доби две деца со помош на сурогат мајка.

Прво го доби синот Феникс, а потоа и ќерката Лондон.

„Кралот на криптовалутите“ ќе биде екстрадиран во САД, одлучи судот во Подгорица

Јужнокорејскиот државјанин До Квон ќе биде екстрадиран во Соединетите Американски Држави, кои го товарат за злосторничко здружување и други кривични дела, одлучи денеска Вишиот суд во Подгорица.

Одлуката не е правно обврзувачка и адвокатите на До Квон имаат право на жалба, пренесува Вијести.

Апелацискиот суд претходно објави дека конечната одлука за екстрадиција на „кралот на криптовалутите“ До Квон е надлежен суд, а не министерот за правда и дека Високиот суд не утврдил кој прв побарал негова екстрадиција, нa чија земја тој е државјанин, на Јужна Кореја или САД.

Апелациониот суд, пак, ја поништил првостепената одлука на Вишиот суд, со која се утврди дека се исполнети законските предуслови за екстрадиција на До Квон за кривично гонење за повеќе кривични дела по барање на двете земји.

До Квон и неговиот деловен партнер беа уапсени на 23 март минатата година на аеродромот во Подгорица кога користеле фалсификувани пасоши од Костарика при пасошка контрола на лет за Дубаи.

„Вива“ заедно со најголемите светски брендови на Gulfood 2024

На глобалниот саем за храна и пијалаци Gulfood 2024, што се одржува во Дубаи од 19 до 23 февруари, учествува и најголемиот македонски производител на природни овошни сокови,нектари, пијалаци, смути и преработувач на овошје – Вива.

На глобалниот саем за храна и пијалаци Gulfood 2024, што се одржува во Дубаи од 19 до 23 февруари, најголемиот македонски производител на природни овошни сокови,нектари, пијалаци, смути и преработувач на овошје – Вива, ја потврдува својата тридецениска успешна приказна во оваа индустрија на светската сцена.

Оваа година, Вива се издвојува како сребрен спонзор на настанот, што е огромен успех затоа што за првпат една македонска компанија се стекнува со вакво признание на Gulfood, кој се смета за најпрестижниот и највлијателен саем во секторот на храна и пијалаци на Блискиот исток, но и глобално.

Како единствена македонска компанија која учествува на годинешниот Gulfood, Вива прикажува спој на квалитет и иновативност во прехранбената и преработувачката индустрија, рамо до рамо со светските брендови во оваа деловна сфера.

притисни ентер