Македонија

Радев дава зелено светло за Албанија, за Македонија ќе требало уште време

„Да“ за Албанија, „не“за Македонија. Бугарскиот претседател Радев уште еднаш го потврди ставот дека засега нема промена во нивната позиција околу евроинтеграциите на двете земји.

Тој дава целосна поддршка за Албанија што поскоро да ги почне преговорите за членство во ЕУ, а од друга страна, и по средбата со неговиот португалски колега остана на оценката дека Македонија не ги исполнила барањата од пакетот 4+1 и треба уште да работи за Софија да даде зелено светло.

- Беше изгубено значајно време да се бараат други начини за да се отвори вратата за почетни преговори за членство. Така што ќе ни треба повеќе време, а на Македонија посебно да ги исполни барањата на тој пакет, изјави Радев.

Ако до јуни не се тргне ветото за земјава, Албанијаќе го зголемува притисокот кај клучните европски играчи за самата да продолжи по европскиот пат, оценува професорот на Универзитетот во Грац, Марко Кмезиќ, кој беше во Скопје за дебата организирана од Институтот за европска политика..

- Мораме да ја гледаме и геополитичката ситуација, кризата во Украина и што се не. Такви сигнали пристигнуваат особено од Германија кадешто има нова влада, дека би можело да дојде до тоа раздвојување на претпристапните преговори на Македонија и Албанија, изјави проф. Кмезиќ.

Иван Новосел од хрватскиот институт за човекови права, пак е дециден дека ЕУ не смее да прифати билатераалните прашања да станат услов за интеграцијата на земјите од Западен Балкан..

- Јас мислам дека е ужасно голем проблем билатералните прашања да го оптеретуваат процесот на пристапни преговори. Хратска го имаше тоа искуство со Словенија поврзано со Пиранскиот Залив со границата на море и на копно, што со политички притисок успеа да се надмине. Понатаму ние не успеавме да го решиме тоа билатерално прашање. Мислам дека треба политички да се инсистира дека тие работи не треба да се носат во процесот на преговарање., вели Новосел.

До каде се преговорите меѓу Скопје и Софија околу спорните политичките прашања, информација нема, но во Бугарија се појавија сомнежи кај дел од владините коалицони партнери и кај опозиицјата, дека премиерот Петков дал ветување во ЕУ дека во јуни ќе го крене ветото. Тие особено се подгреаа по средбата на германската шефица на дипломатијата Бербок со бугарската колешка Генчовска, па ГЕРБ во петок ја повика во собранието да реферира за состанокот и позициите..

Македонија

По обилните врнежи во тетовско над 20 интервенции на пожарникарските екипи

Над 20 интервенции имало синоќа во поплавени куќи во Тетово по обилниот дожд.

Тетовските пожарникари ноќта имале повеќе од 20 повици за испумпување на вода од поплавени куќи, дворови, подруми и улици. Најголем дел од поплавените куќи биле во селата Мала и Голема Речица.. Поради обилните врнежи пожарникарите вчера извлекувале и неколку возила..Најкритично било во Желино каде во подвозникот по кој поминува локален пат в насобраната вода се заглавило комбе со 11 патници., кои не можеле да излезат , и по интервенција на тетовските пожарникари успешно биле извлечени од комбето и патниците и возачот

Свет

Шефот на иранската дипломатија од Дамаск повика на прекин на огнот во Либан и Газа

Шефот на иранската дипломатија, Абас Арагчи, денеска повика на прекин на огнот во Либан и Газа, неколку дена откако Техеран истрела над 280 балистички ракети кон Израел, јави ДПА.

При посетата на сирискиот главен град Дамаск, Арагчи го опиша прекинот на огнот како „најитното прашање“, пренесе ИРНА.

Шефот на дипломатијата рече дека Израел е главната пречка за мирот и ја повика меѓународната заедница да се спротивстави на израелските „воени злосторства“ за да се постигне мирот во регионот.

Израел се закани дека ќе возврати по ракетните напади на Техеран, а една од можните цели се нападите врз иранските нуклеарни постројки, пренесува ДПА./МИА

Фудбал

Директорот на Наполи: Разговараме со Кварацхелија за нов договор

Спортскиот директор на Наполи Џовани Мана информира дека клубот е во преговори со напаѓачот Квича Кварацхелија за продолжување на неговиот договор.

- Комуницираме за нов договор. Не брзаме и не сме под притисок. Фудбалерот има уште три години од актуелниот договор. Смирени сме и преговараме, го цитира Мана на социјалната мрежа Икс инсајдер Фабрицио Романо.

На 1 октомври беше објавено дека клубот му нуди на 23-годишниот Грузиец плата од шест милиони евра годишно за продолжување на договорот.

Кварацхелија игра за Наполи од јули 2022 година. Во тековната сезона постигна три гола и две асистенции на девет натпревари за тимот од Неапол.

Актуелниот договор на Грузиецот со италијанскиот клуб е со важност до крајот на јуни 2027 година. Сегашната плата на Кварацхелија изнесува 4,6 милиони евра годишно./МИА