Тоа на необичен начин го презентираше и рускиот Претседател, Владимир Путин, кој јавајќи на мечка ја носи вакцината која би го спасила светот.
Русија го спасува светот – вакцината против коронавирусот ќе биде обезбедена за многу земји, - Владимир Путин претседател на Русија.
Додека Русија триумфално ја соопшти „Спутник 5“ како вакцина победник, дваесет и пет останати конкуренти се се уште вакцината ја тестираат на волонтери. Но, сепак скептицизмот на западот е висок за безбедноста и ефектот на руската вакцина, најмногу поради нетранспарентноста на процесот и методологијата на изработката. САД стравуваат дека избрзувањето да се пласира вакцината на пазарот може да доведе до недоверба на луѓето во останатите производители.
-Скептицизмот е оправдан во овој момент, ние стварно не знаеме што тестирале, какви резултати виделе, а во овој момент сета работа е базирана на нивниот збор што не е типично за тоа како достигнуваме научни заклучоци, вели др Мишел Мекмјури – Хит.
Македонското министерство за здравство кое соопшти дека не е во преговори за набавка вакцината од Русија, додавајќи дека нејзината достапност зависи од политиката на производителот.
Властите од земјава велат дека се дел од Ковакс механизмот кој се очекува во брзо време да резултира со изнаоѓање на вакцината, а во моментот кога тие ќе ја обезбедат, веднаш ќе биде достапна и за нашата земја.
Во меѓувреме Белата куќа соопшти уште еден огромен договор со фармацевтска компанија Модерна, тежок една и пол милијарда долари, преку кој ќе обезбеди сто милиони дози од експерименталната вакцина.
-На пат сме по брза постапка да обезбедиме сто милиони дози од вакцината, штом таа ќе се одобри, а 500 милиони ќе бидат обезбедени веднаш потоа, изјави Доналд Трамп – Претседател на САД.
На глобално ниво 25 вакцини се веќе на човечки испитувања, а помеѓу водечките во конкуренцијата се произведувачките компании „Модерна“, „Џонсон-Џонсон“, Фајзер, Астразенека, Иновио и Новавакс.