Свет

Путин: Русија има право да ја брани својата безбедност

Москва има право да ја брани својата безбедност, но и причина да верува дека Украина ќе распореди оружје доколку се приклучи на НАТО, изјави рускиот претседател Владимир Путин, ден по средбата со американскиот колега Џо Бајден.

Руските и американските официјални лица ќе побрзаат да разговараат за „оваа сложена, конфронтирачка ситуација“ по вчерашниот двочасовен виртуелен разговор за Украина, соопшти Кремљ, при што Путин најавил дека ќе испрати предлози за продолжување на разговорите за една недела, а Москва предлага да ги вклучи САД во решавањето на конфликтот во Украина.

Русија нема да го прифати вклучувањето на соседната земја Украина во НАТО, рече Путин.

„Русија го дели ставот на САД дека секоја земја има право да избира свои партнери, но таквите партнерства не смеат да бидат на штета на безбедноста на другите земји, рече Путин.

„За жал, блокот на НАТО избра конфронтација со Русија, а западната воена алијанса ја гледа Русија како противник“, рече Путин.

Тој ги нарече „провокации“ сугестиите дека Русија планира напад врз Украина и рече дека Русија има право да се брани.

„Русија води мирна надворешна политика, но има право да ја брани својата безбедност и да му дозволи на НАТО да се приближи до руските граници без да реагира, би било криминално“, рече Путин.

Москва има причина да верува дека Украина ќе распореди оружје доколку влезе во НАТО, рече Путин.

Вчера Путин ги нарече разговорите отворени и конструктивни и што е најважно, отвораат можност за продолжување на дијалогот.

Договорот за продолжување на разговорите меѓу двете страни беше главниот опиплив резултат од разговорите меѓу американскиот и рускиот претседател кои изразија спротивставени ставови за Украина, пишува Ројтерс.

„Претседателите се согласија да назначат свои претставници кои итно ќе започнат дебата за оваа сложена, конфронтирачка ситуација, дебата за стратешки безбедносни прашања на континентот“, рече портпаролот на Кремљ, Дмитриј Песков.

Тој не кажал кога и како ќе почнат разговорите меѓу двете страни.

Одделно, официјален претставник на руското Министерство за надворешни работи рече дека САД за прв пат би можеле да бидат вклучени во групата земји кои работат на ставање крај на седумгодишниот конфликт меѓу украинските владини сили и проруските сепаратисти.

РИА пренесува дека функционерот на МНР не гледа причина зошто САД не би се приклучиле на т.н. Група Нормандија, која ја сочинуваат Русија, Украина, Франција и Германија.

Свет

Северна Кореја истрела неидентификуван проектил во Јапонското Море

Северна Кореја истрела неидентификуван проектил во Јапонското Море, соопшти Заедничкиот комитет на началници на Генералштабот на Јужна Кореја.

Пентагон соопшти дека САД сакаат да разговараат за спорните прашања со Северна Кореја.

Ова е четврто истрелување ракета од страна на Пјонгјанг оваа година. Претходните се извршени на 5, 11 и 14 јануари. Во првите два случаја, Северна Кореја соопшти дека успешно тестирала хиперсонични ракети. На 14 јануари, две балистички ракети со краток дострел беа истрелани од железнички ракетен комплекс.

Македонија

Средба на претседателот Пендаровски со Ана Лирман, германска државна министерка за Европа

Претседателот Стево Пендаровски денеска ја прими Ана Лирман, државна министерка за Европа во Министерството за надворешни работи на Сојузна Република Германија.

Честитајќи ѝ за преземањето на функцијата, претседателот Пендаровски оцени дека посетата на министерката Лирман набрзо по нејзиното именување, ја демонстрира јасната посветеност на германските власти за аспирациите на државите од Западен Балкан за членство во Европската Унија. Претседателот Пендаровски се заблагодари што проширувањето на Европската Унија и Западниот Балкан се меѓу клучните приоритети на новата Влада на канцеларот Олаф Шолц.

Претседателот Пендаровски истакна дека Република Македонија останува посветена на европската агенда и го реафимираше очекувањето за скорешен почеток на пристапните преговори за членство во Европската Унија. Во таа насока, претседателот Пендаровски посочи на подготвеноста на нашата држава за продолжување на дијалогот со Република Бугарија, во духот на добрососедските односи, со цел надминување на блокадата во однос на европските интеграции.

Во контекст на билатералните односи, претседателот Пендаровски оцени дека Германија е клучен политички и економски партнер на земјава и еден од најзначајните трговски партнери во годините наназад. Претседателот Пендаровски изрази очекување за натамошно јакнење на пријателството и партнерството меѓу двете држави, вклучувајќи го сојузништвото во НАТО, како и очекување за натамошно зголемување на трговската размена.

Македонија

Водата во Скопје безбедна и квалитетна за пиење

Водата во Скопје изминатата недела била безбедна и квалитетна за пиење, покажуваат примероците за физичко-хемиска и микробиолошка анализа земени од 47 мерни места во Град Скопје, информираат од ЈП „Водовод и канализација – Скопје".

Ова го покажува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, во кој земените 196 примероци за физичко-хемиска и 196 примероци за микробиолошка анализа на вода за пиење, од 47 мерни места во град Скопје, во периодот од 10 до14 јануари 2022 покажува дека сите примероци одговараат на Правилникот за барања за безбедност и квалитет на водата за пиење.