Путин ѝ одговори на студентка, која го обвини дека морала да ги откаже студите во Виена

„Европските земји порано или подоцна ќе го вратат својот суверенитет, но може да потрае некое време“, изјави рускиот претседател Владимир Путин по повод Денот на руските студенти.

„Се разбира, сигурно ќе дојде време, и нема сомнеж во тоа, кога Европа некако ќе го врати својот суверенитет. Очигледно, тоа може да потрае некое време“, рече Путин, пренесе руската новинска агенција ТАСС.

Студентка од втора година на Универзитетот РУДН, Дарија Семјонова, му кажа на Путин како била принудена да ги откаже студиите во Виена набргу откако Русија ја започна својата специјална воена операција. Државниот универзитет каде студирала транснационална комуникација барал од неа, вели таа, да потпише документи со кои ја поддржува Украина и ја означува Русија како „државен спонзор на тероризмот“.

Путин рече дека нејзината приказна е „пример што потврдува дека на Европа ѝ недостасува независност“ и дека тоа воопшто не го изненадува.

Путин потоа зборувал за целите на војната. „Одбраната на Русија и нејзиниот народ е цел на специјална воена операција“, рече Путин. „Целта на специјалната воена операција, како што многупати претходно кажав, е првенствено да го заштити народот и самата Русија од заканите што му се претставени во нашите историски земји што граничат со нашата територија. Не можеме да дозволиме тоа да се случи“, рече Путин.

Владислав Олеиник, студент на Државниот педагошки универзитет во Луганск, му раскажал на Путин, пишува ТАСС, како учествувал во војната. „Претседателот му се заблагодари нему и на неговите соборци за учеството во борбата за одбрана на нацијата и нашите сонародници“, пишува Тасс.

„Путин ја пофали амбицијата на младиот човек да ја продолжи кариерата во Федералната служба за безбедност (ФСБ), но рече дека жали што студентот на Државниот педагошки универзитет во Луганск не планира да стане професор, бидејќи има побарувачка за такви луѓе во училишта и високообразовни институции“, пишува ТАСС.

„Ви посакувам сѐ најдобро и секако ќе ја земам предвид вашата желба да работите за Федералната служба за безбедност“, му рекол Путин на студентот.

Повици за единство до опозицијата повторно испрати лидерот на ВМРО-ДПМНЕ

Лидерот на ВМРО-ДПМНЕ Христијан Мицкоски повторно со повик за обединување до македонската опозиција. 

По митингот во Охрид, вчера и од Крива Паланка, се обрати до дел од опозициските партии ЗНАМ и Левица и ги повика на национално единство за борба против СДСМ и ДУИ. Прифаќањето на подадената рака, според него, ќе значи искрена и чесна борба за иднината на Македонија.

- Сакам да се обратам и до македонската опозиција. До партиите кои по разни основи се расцепкани. Јас доколку не повикам на национално обединување би го погазил супстратот и идеологијата на мојата партија, затоа што ВМРО е и Демократска партија за македонско национално единство. Пред сликата на руините и хаосот кој го прави оваа власт, ви велам дека секоја наша разлика со било која опозициска партија, било тоа да е Левица или ЗНАМ е помала од големата и заедничка работа пред нас, а тоа Македонија и нашата борба да кажеме дека има надеж и дека има иднина, потенцираше Мицкоски.

Повиците на Мицкоски за македонско единство ги искоментира и лидерот на СДСМ, Димитар Ковачевски на синоќешниот митинг во Струга. Според него на Македонија ѝ е потребно национално единство за интеграција во ЕУ, за да оди напред, наместо за мораториум.

- Мицкоски зборуваше за некакво македонско единство и за мораториуми. За жал, се повеќе и повеќе луѓе сфаќаат дека единствен мораториум во главата на Мицкоски е мораториумот за интеграција на државата во ЕУ. Исто како што го блокираше изминативе две години, тој е спремен да го одложува членството во ЕУ уште 11 години, исто како што правеше неговиот ментор Груевски. Наместо национално единство за мораториум, на Македонија ѝ е потребно национално единство за интеграција во ЕУ. Тоа е вистинскиот пат за промени и токму тоа е одлуката што треба да ја донесете на овие избори, изјави Ковачевски.

Претходно, лидерот на ЗНАМ и претседателски кандидат Максим Димитриевски изјави дека позитивно гледа на повикот од лидерот на ВМРО-ДПМНЕ, но вели, можни разговори за идна влада ќе бидат условени со дефинирани црвени линии за Македонија. Димитриевски повтори дека не планира да коалицира со СДСМ.

Сепак, дел од аналитичарите во понудите за национално единство гледаат политички пинг понг на митинзи и предизборна реторика за глас повеќе, отколку за некаква заедничка стратегија по изборите.

- Повеќе сум склон да верувам дека сегашната реторика и повиците за обединување и одговорите од партиите се дел од предизборната реторика. Ние сме во период со високи емоции, со потреба за освојување на глас повеќе и тоа треба да се гледа низ таа призма. Точно е во политичка смисла дека после изборите ќе треба поголемите партии да седнат и да направат некаква заедничка визија, не само за уставните измени и патот кон ЕУ, туку и за оние проблеми кои долго ја мачат државата. Криминал и корупција, здравство, образование... тоа се проблеми кои надминуваат еден мандат и не може само една партија да ги реши. Но, не верувам дека сега партиите одбивањето или прифаќањето за понудите за национален консензус се предмет на некој поопсежна политичка анализа, оценува Петар Арсовски за Канал 5.

Во меѓувреме партиите продолжуваат со презентација на изборните програми. Во истовреме продолжува и кампањата за претседателските избори на неполна недела до првиот круг за избор на шеф на државата.

Тошковски: Бојмацалиев нема потреба да оди до Меџитлија, обрасците се во магацинот на МВР

Изјава на министерот за внатрешни работи во техничката влада, Панче Тошковски.

Тошковски вели дека 30.000 обрасци за патни исправи се пристигнати и дека се наоѓаат во магацинот на МВР. Тој додаде дека Бојмацалиев нема потреба да оди до Меџитлија за да ги види обрасците.

Министерот за проблемот со долгото чекање за издавање на пасоши го обвини претходниот менаџмент на МВР, бидејќи, како што вели, не успеале да набават дополнителни машини за печатење.

притисни ентер