„Ние сме со векови дел од истата држава, а нашите историски врски се длабоки“, рече Путин, отворајќи ја средбата со Пашинјан и Алиев.
„Не би сакал да пропаднат. Напротив, мора да се обидеме да ги обновиме и одржуваме“, посочи тој, пренесе ТАС С.
„Многу е направено во изминатата година за да се реши ситуацијата во Нагорно-Карабах, но, за жал, не се решени сите проблеми, рече рускиот претседател, отворајќи ги трилатералните разговори со претседателот на Азербејџан и премиерот на Ерменија по повод првата годишнина од потпишувањето на заедничка изјава на 9 ноември 2020 година по воените дејствија во зоната на конфликтот во Нагорно-Карабах.
„Навистина, многу е направено во овој период. За жал, не се решени сите проблеми. Знам за инцидентите на границата и за трагичните инциденти кога луѓе загинаа и беа ранети од двете страни“ - рече Путин.
Според рускиот претседател, ваквите случувања бараат посебно внимание на лидерите.
„Впрочем и затоа се собравме денеска овде - да избегнеме вакви инциденти во иднина. Но, генерално, многу е направено во текот на годината“ – рече Путин.
Ерменија е подготвена да го започне процесот на разграничување со Азербејџан, изјавил премиерот на Ерменија, Никол Пашинјан на средбата со Путин и Алиев во Сочи.
„ Отворањето на сите сообраќајни и економски комуникации ни е исто така многу важно и искрено сме заинтересирани за решавање на овие прашања“ - посочил тој.
Баку високо ја цени поддршката на Москва во дефинирањето на границата меѓу Азербејџан и Ерменија, изјави азербејџанскиот претседател Илхам Алиев за време на трилатералната средба.
„Ние, исто така, високо ја цениме поддршката, вклучително и консултативната помош, (во однос на разграничувањето на азербејџанско-ерменската граница). Границата меѓу Азербејџан и Ерменија не е демаркирана. Затоа во повеќе наврати изјавивме дека сме подготвени што поскоро да го започнеме процесот на демаркација“, посочи тој.