Путин ги повика Русите да гласаат за измена на Уставот, ќе може да остане на власт до 2036 година

Владимир Путин денеска ги повика Русите да гласаат за уставни измени што ќе му овозможат да се кандидира за претседател уште два мандата, нарекувајќи ја реформата гаранција за стабилност, безбедност и просперитет.

Путин ја испрати пораката во последните седум дена од прогласувањето за промена на уставот, прва од 1993 година, а анкетите предвидуваат дека повеќе од две третини од гласачите ќе ги поддржат.

Се предлагаат измени што ќе му овозможат на Путин да се кандидира за два шестгодишни мандати, откако овој ќе му истече во 2024 година.

Тоа би можело да го задржи на власт 67-годишниот претседател до 2036 година, иако самиот Путин тврди дека сè уште не донел одлука за тоа што ќе прави.

"Ние не гласаме само за амандмани. Ние гласаме за земјата во која сакаме да живееме, со современ систем на образование и здравствена заштита, за земјата во која работиме и сакаме да ја оставиме на нашите деца и внуци", рече Путин.

"Само преку развој можеме да гарантираме стабилност, безбедност, просперитет и живот вреден за живеење на луѓето. Нашиот суверенитет зависи од нашата одговорност, нашите искрени чувства на патриотизам и грижа за татковината", додаде тој.

Вучиќ: Вакцините за Македонија се пријателски и братски потег

Српскиот претседател Александар Вучиќ на прес конференцијата изјави дека вакцините за Македонија се пријателски и братски потег и дека Србија може да биде задоволна само ако и соседите се задоволни.

-Разговаравме со Македонија во рамките на т.н. мини Шенген. Би сакал да констатирам дека нема ништо да ни вреди сите нас да бидеме здрави, а луѓето во соседството да имаат безброј проблеми. Ние можеме да бидеме среќни само ако и соседите се среќни и задоволни. Секако дека треба да му помогнете на некого кога му е тешко, онолку колку што можеме да помогнеме, ќе помогнеме. На премиерот Зоран Заев кој бараше и се бореше за својата земја да обезбеди нешто и јас мислам дека ова не е само пријателски и братски потег кон народот во Македонија, ова ја покажува и нашата одговорност, дека не живееме во затворен сад, туку дека мора да размислуваме и за нашите комшии, како што сум сигурен дека и тие нас би ни помогнале, изјави Вучиќ.

Тој додаде дека доколку утре Република Српска и Босна иХерцеговина и Албанија побараат вакцини, дека исто така ќе помогне.

Пендаровски со честитка по повод христијанскиот празник Богојавление – Водици

Претседателот, Стево Пендаровски, по повод големиот христијански празник Богојавление – Водици, упати честитка до поглаварот на МПЦ-ОА, митрополит Скопски, архиепископ Охридски и Македонски и на Јустинијана Прима, г.г. Стефан.

-Имам особено задоволство и чест Вам лично и на членовите на Светиот архиерејски синод, на преподобното монаштво и свештенство, како и на сите православни верници, да ви го честитам големиот христијански празник Богојавление – Водици, и да ви посакам да го поминете во добро здравје, исполнети со радост и со среќа. Годинава, за жал, Богојавление – Водици го празнуваме во несекојдневни околности предизвикани од пандемијата на Ковид-19, која ги загрози нашите животи, здравје, благосостојба, но и предизвика преиспитување на нашите вредности и уверувања. Сепак, и без масовните собири покрај нашите води, како и со сите останати рестрикции согласно со безбедносните протоколи, повторно ќе ја посведочиме светата тајна на крштевањето. Повторно ќе ги наполниме нашите срца со верба, надеж и со љубов, вели Пендаровски.

-Во овие тешки времиња посакувам овој голем празник да ни биде духовна поткрепа за да истраеме во солидарноста, трпението, одговорноста и во грижата за сите наши сограѓани. Нека ни е честит и вековит големиот христијански празник! Бог се јави!, стои во честитката од шефот на државата Пендаровски.

Утре без струја дел од Карпош

Без електрична енергија утре ќе останат: корисниците од дел од ул.Копенхагенска, ул.Софиска, ул.Петар Драганов и ул.Стокхолмска, во општина Карпош.

Како што информира РЦУК Скопје, по известување од ЕВН Македонија АД, прекинот во снабдувањето со електрична енергија ќе биде во периодот од 9-12 часот.

притисни ентер