Путин би требало да биде уапсен ако дојде во Македонија

Путин се најде на листата на обвинети за воени злосторства од интернационалниот суд заедно со поранешниот либиски претседател Муамер Гадафи и некогашниот судански претседател Омар ал-Башир. 

Ако стапне во Македонија, Путин може да биде уапсен, бидејќи нашата земја е една од оние што го признава Меѓународниот кривичен суд и неговите одлуки, кој пак, вчера објави потерница по него поради наводи дека рускиот претседател е одговорен за воени злосторства, поточно, за илегална депортација на деца од окупираните делови на Украина во Русија. Иако Меѓународниот кривичен суд со седиште во Хаг нема овластување да апси осомничени во Русија, односно без соработка на било која влада во светот, оваа одлука ќе влијае на Путин, бидејќи ако не сака да биде приведен ќе внимава каде ќе патува, па нема да може да оди во околу 120 земји низ светот кои ја признаваат јурисдикцијата на овој суд. Сепак помеѓу нив не се поголемите земји како САД, Кина, Израел и Турција.

Додека Русија ваквите обвинувања целосно ги отфрли оценувајќи за „неважечки“ и „безобразни“ налогот за апсење на Путин наиде на одобрување од американскиот претседател Џо Бајден.

-Сметам дека е оправдано, но интернационално, сепак не е признаен и од страна на САД. Но мислам дека има силна поента. Очигледно има направено воени злосторства.- Џо Бајден – Претседател на САД

Тврдењата на меѓународниот суд се фокусираат на незаконска депортација на деца од Украина во Русија по руската инвазијата во 2022, а оттаму кажаа дека освен Путин, за истото дело се сомничи и руската комесарка за правата на децата, Марија Лвова-Белова.

-Забрането е со меѓународното право за окупирачките сили да пренесуваат цивили од територијата на која што живеат на друга територија.- Пјотр Хофмански – Претседател на Меѓународен кривичен суд

Путин се најде на листата на обвинети за воени злосторства од интернационалниот суд заедно со поранешниот либиски претседател Муамер Гадафи и некогашниот судански претседател Омар ал-Башир. Но, ниту тие никогаш не беа уапсени за воени злосторства и не одговарале пред Меѓународниот кривичен суд за вакви дела.

Обвиненијата и потерата нема да ги одложат ни плановите на Путин за средба со кинескиот претседател Си Џинпинг закажана за наредната недела во Москва. Во меѓувреме, западните земји ја предупредија Кина да не ја снабдува Русија со оружје.

Таткото на починатата 6- годишна Јана: Лекарите ѝ дадоа гликоза додека имаше 9- ка шеќер

„Мојата Јана која во септември ќе наполнеше шест годинки почина поради лекарска грешка бидејќи докторите на 9 –ка шеќер во крвта и дадоа ѝ дадоа гликоза во инфузија после што ѝ се крена шеќерот на 19.“ 

Ова во изјава за Канал 5 го вели триесет и шестгодишниот Стојче Христовски, од битолско Кравари, татко на девојчето што вчера попладне почина, неколку часа откако со неговата сопруга го однеле во битолската болница поради симптоми на настинка. Христовски раскажува дека со неговата сопруга сведочеле на она што се случувало откако настанале компликациите по првата инфузија, кога лекарите спремиле втора, ама не можеле да ја боцнат поради тоа што вените на детето му прскале.

„До колата си одеше, добра беше, влезе во автомобилот и отидовме до болница. За да не се мачи, дека беше омалаксана на раце ја однесов до детското одделение. Веднаш докторката рече да направиме крвна слика, направивме, а го измерија и шеќерот, беше 9-ка. Дури, во лабораторија ни напоменаа за шеќерот. Го вратив во детско одделение детето. Му дадоа гликоза, 100% гликоза, сопругата беше внатре, знаеше што ѝ ставаат. Протече инфузијата, но состојбата се влоши... Шеќерот се крена 19...Ви кажаа зошто? Ништо не ни кажаа, девојчето почина, а тие не ни кажаа од што, од срцето, мускулно заболување, не знам што. Детето немаше никакво заболување, немаше проблем, си играше, трчаше, не се задишуваше...

Христовски обвинува дека лекарите не знаеле што да прават па телефонски барале консултации. Вели, повеќе од два часа чекавме да ни кажат дека моето дете повеќе не е живо, а за утеха ни раскажуваа за сличен случај со двегодишно дете кое починало пред два месеци. Тој ни потврди дека обдукцијата е завршена, а семејството чека да ги види резултатите.

Директорот Обедниковски во телефонски разговор за Канал 5 не сакаше да ги коментира тврдењата дека девојчето починало од инфузија, но кажа дека примало, а по застојот на срцето на девојчето, имало обиди за реанимација кои траеле 40 минути.

Од Обвинителството за Канал 5 велат дека по насоки на јавен обвинител се превземаат дејствија за испитување на конкретниот случај, се обезбедува комплетната медицинска документација, а се чекаат и резултатите од обдукцијата. Кога ќе се заврши со постапките ќе има детали.

Тоти: Почина татко ми, а потоа разбрав дека жена ми ме изневерува, ништо не е исто

Еден од најдобрите италијански фудбалери на модерната ера и принцот од Рим, Франческо Тоти (46), призна дека по разводот минатата година и смртта на неговиот татко поради последиците од корона, паднал во депресија.

Светскиот шампион со Италија и играчот кој целата своја кариера ја помина во саканата Рома минатото лето се разведе од поранешната сопруга Илара Бласи со која беше 20 години, од кои 17 години во брак. Причината била неверство, а Тоти рекол дека доказите ги нашол во нејзиниот мобилен телефон.

„Поради короната го изгубив татко ми, а сопругата не беше со мене. Го проверив нејзиниот мобилен телефон за да потврдам, нешто што никогаш не сум го направил и ги најдов пораките. Не можев да спијам повеќе. Се преправав дека сѐ е во ред, но тоа повеќе не бев јас“, призна Тоти.

Познатиот Италијанец е во врска со својата нова девојка Ноеми Боки, додека Блази почнала да се гледа со германскиот претприемач Бастијан Мулер. Тоти и Блази имаат три деца: Кристијана, Изабел и Шанел.

Судот во Хаг одговори на заканите од Русија

Меѓународниот кривичен суд (МКС) со седиште во Хаг одговори на заканите на Русија, изразувајќи жалење за обидите на земјата да ги опструира „меѓународните напори да обезбеди одговорност“ за кршење на меѓународното право.

„Претседателството на Собранието нагласува дека Судот, неговите избраници и неговиот персонал имаат силна поддршка од Собранието на државите членки на Римскиот статут“, се вели во соопштението. „Ја потврдуваме неговата целосна доверба во Судот како независна и непристрасна судска институција и ја повторуваме нашата силна посветеност да ги поддржуваме и браниме принципите и вредностите содржани во Римскиот статут и да го зачуваме неговиот интегритет без никакви закани“, се додава во соопштението.

Да потсетиме, Рускиот истражен комитет објави дека отвори кривична постапка против обвинителите и судиите на Меѓународниот кривичен суд (МКС) кои во петокот издадоа налог за апсење на претседателот Владимир Путин под обвинение за воени злосторства.

Одборот, кој е одговорен за истрага на сериозни злосторства, рече дека нема основа за кривична одговорност против рускиот претседател Путин и дека шефовите на држави уживаат апсолутен имунитет од јурисдикцијата на странските земји.

Постапките на обвинителот на МКС покажуваат знаци на кривично дело според рускиот закон, рече Комитетот, истакнувајќи дека станува збор за свесно обвинување на невино лице за кривично дело и „подготвување напад врз претставник на странска држава, кој ужива меѓународна заштита, со цел да се комплицираат меѓународните односи“.

Потегот на Русија е симболичен гест на пркос како одговор на налогот за апсење на Путин, обвинувајќи го него и комесарот за правата на децата за воено злосторство за депортирање на деца од Украина во Русија.

Кремљ одлуката на МКС ја нарече срамотна и правно неважечка, имајќи предвид дека Русија не е потписник на договорот со кој е основан МКС.

притисни ентер