Путин бара конкретен договор за неширење на НАТО кон исток

Рускиот претседател Владимир Путин денеска повика на „конкретен договор“ кој ќе го спречи ширењето на НАТО на исток и распоредувањето на вооружени системи во близина на руската граница и предложи да се разговара за ова прашање.

Веста доаѓа во време кога тензиите меѓу Русија и Западот продолжија да растат во последните неколку недели, бидејќи западните земји изразија загриженост поради можна руска инвазија на Украина.

„Во дијалогот со САД и нивните сојузници, ќе работиме на постигнување конкретен договор кој би спречил какво било проширување на НАТО на исток и распоредување на вооружени системи кои ни се закануваат во непосредна близина на руската територија“, рече Путин.

„Предлагаме да започнат важни преговори за ова прашање“, додаде тој на церемонијата на приемот на акредитивните писма од странските амбасадори во Кремљ.

„Потребни ни се правни гаранции бидејќи нашите западни колеги не ги почитуваа нивните усмени обврски“, рече рускиот претседател.

Според него, „сите знаат дека беа дадени усни гаранции за непроширување на НАТО на исток (по распадот на СССР), а тие го направија токму спротивното.

Путин ја обвини Северноатлантската алијанса дека „на тој начин ги игнорира легитимните руски безбедносни грижи и продолжува да ги игнорира“.

Русија сака „цврсти и долгорочни безбедносни гаранции“, нагласил тој, додавајќи дека договорот мора да ги земе предвид интересите на Русија и на сите евроатлантски земји.

„Мирот и стабилноста мора да бидат обезбедени во целиот свет и тие имаат потреба од целиот свет“, додаде Путин.

Киев, НАТО, Вашингтон, Париз и Берлин ја обвинуваат Русија за собирање сили во близина на украинската граница за можна инвазија, што Кремљ силно го отфрла.

Москва, од друга страна, ги обвинува западните земји и НАТО за спроведување воени вежби во близина на нејзините граници, а Киев дека сака да се здобие со западно оружје.

Русија и Украина влегоа во отворен конфликт по доаѓањето на прозападната влада во Киев во 2014 година, по што Москва го анектира Крим, со што започна конфликт меѓу украинските сили и проруските сепаратисти во источна Украина.

Србија: Над 17.000 нови случаи со Ковид-19, починале 28 лица

Во последните 24 часа се регистрирани уште 17.318 новозаразени со коронавирусот во Србија.

Од последиците на Ковид-19 починале 28 лица.

На респиратори се наоѓаат 112 пациенти.

Како што е наведено, во последните 24 часа се анализирани 36.434 примероци а 2.619 лица се наоѓаат на болничко лекување.

„Intel“ планира да произведува чипови за рударење на Биткоин

„Intel“ најави дека следната генерација на системи за рударење на Биткоини би можела да се испорачува со „Intel Inside“ налепници.

Компанијата ги најави плановите за тоа дека на нивната претстојна конференција ќе се дискутира за „Bonanza Mine“ чип за рударење на Биткоин.

„Bonanza Mine“ е опишан како ефикасен, „ASIC“ за рударење на Биткоин со ниска потрошувачка, според податоците и документацијата кои се потпишани од страна на тројца претставници на „Intel“.

Засега, програмата не укажува на тоа дали „Intel“ навистина планира да го испорача „Bonanza Mine“ како завршен производ или само како истажувачки проект.

„Intel“ претходно објави планови за блокчеин, како и дека тие нема да вклучваат стандардни процесори или графички карти. Тоа не претставува изненадување, со оглед на тоа дека Биткоин рударењето одмана е преминато на „ASIC“.

„Intel“ нема објавено информации за моќноста за рударање на новиот уред ниту дали ќе биде оптимизиран само за Биткоин.

Американските телекомуникациски компании ги одложуваат услугите во 5G мрежата

Извршните директори на големите американски авиокомпании предупредија на непосредна „катастрофална“ воздухопловна криза откако „AT&T“ и „Verizon“ ќе воведат услуги на 5G мобилните мрежи.

Американските телекомуникациски компании „AT&T“ и „Verizon Communications“ се согласија да го одложат воведувањето услуги во 5G мрежата, одложувајќи го вклучувањето на базните станици во близина на клучните аеродроми за да се спречат прекини во сообраќајот.

Извршните директори на големите американски авиокомпании предупредија на непосредна „катастрофална“ воздухопловна криза откако „AT&T“ и „Verizon“ ќе воведат услуги на 5G мобилните мрежи.

„Ќе има хаос меѓу авиокомпаниите“

Новата услуга би можела да направи значителен број авиони со широки трупови неупотребливи, оставајќи „десетици илјади Американци заробени во странство“ и „хаос“ на летовите во Соединетите Држави, соопшти здружението „ Airlines for America“.

Федералната управа за авијација (FAA) предупреди дека потенцијалните пречки може да влијаат на чувствителните инструменти во авионот, како што се висиномерите, и значително да го попречат летањето со слаба видливост.

Поради тоа, „Verizon“ одлучи да го одложи вклучувањето на петстотини базни станици во близина на аеродромите, помалку од 10 отсто од планираниот број, додека не се најде трајно решение, изјавија извори во вторникот. Деталите за договорот за одложување не се објавени и не се знае кога ќе бидат вклучени базните станици.

притисни ентер