Продолжува враќањето на оградата околу зградата на Владата

Откако пред 4 дена почна враќањето на остранетата ограда , работници и денеска продолжија со монтирање на оградата на владината зграда. 

Пред владата сеуште стојат полициските барикади, кои според најавата од службата за општи и заеднички работи како нефункционални и нерепрезентатиовни со поставување на старата ограда ќе треба да се отсранат.

Од владата претходно информираа дека оградата била несоодветно чувана поради надворешни влијанија во објектот на касарната илинден, но таа изминатите денови беше репарирана и сега повторно се враќа во функција.

Вратите на владата остануваат отворени за граѓаните, а оградата наместо да скапува на складиште ја добива својата функција, беше аргументот на владата за враќање на оградат која беше остранета во 2017 година .Инаку, полициски барикади има и пред собранието, но зградата досега никогаш не вбеше оградена како владината, а полициските барикади најчесто се таму заради безбедносни проценки

Електричните тротинети во Скопје и натаму се мета на вандализам

Околу два часот по полноќ фирмата за електрични тротинети Бин Бин добила видеа и фотографии каде се гледа дека група на млади луѓе ги демолираат тротинетите во градскиот парк.

Од фирмата велат дека случајот е пријавен во полиција и очекува полицијата со приложените фотографии да ги најде сторителите.

Дурак за Канал 5 објаснува дека досега целосно се уништени 30 електрични тротнинети голем дел завришиле и во реката Вардар.

Минута возење со тротинет чини 9 денари. Од компанијата со апел и по користњето на тротинетот да се остави на место каде нема да биде проблем. Многу често се паркираат и на улица или пешачка патека.

Изгасен и последниот активен пожар во државата

Никогаш не се исклучува можноста за пожари, никогаш не можеме да ги очекуваме или да бидат најавени пожарите на било која територија.

Најавите за конечно воспоставување на соодветен систем за справување со кризи се добри, но само ако истите итно почнат да се спроведуваат и не се заборават со згаснувањето на пожарите, ова се првичните реакции на упатените кои сугерираат на потребата од национална стратегија наспроти досегашната пракса на ад хок решенија. Еден од горливите проблами кај нас е и недостигот на пожарникари.

-Во делот на пожарството и во делот на пожарникарстовото се знае, недостатокот на луѓе, недостатокот на персонал кои што оперативно делуваат на секој потег, бројот на единиците кој што треба да се зголеми, сега согласно законот за пожарникарство што го имаме, актуелен, треба да се променат и бројките согласно новиот попис кој што е 2021 година, уште се дејствува по стариот попис од 2002 година така што во сите градови имаме зголемување на бројот пожарникари, а кај нас доаѓа недостатокот на пожарникари и на кадар кои што оперативно дејствуваат,- – Владимир Симоновски – заменик командант на БППЗ – Скопје.

Од друга страна оние кои се бореа со огнот половина месец можат да здивнат, бидејќи го изгасија и последниот активен пожар во земјава. Сепак летото е пред нас, а со тоа и високите температури, па Симоновски смета дека е неопходна претпазливост, бидејќи состојбата може да се повтори...

-Никогаш не се исклучува можноста за пожари, никогаш не можеме да ги очекуваме или да бидат најавени пожарите на било која територија, така да и август месец е критичен во делот на шумски пожари и дел од септември, некаде до 15ти септември, се додека деновите се поголеми и се додека ноќта е потопла има шанси,- – Владимир Симоновски – заменик командант на БППЗ – Скопје.

Управувачкиот комитет вчера донесе одлука владата да отпочне процес за целосна реформа на системот за управување со кризи..дел од предлозите се ЦУК и ДЗС со законски измени да бидат под една команда, но и да се формира специјална единица од 120 лица која прва ќе интевенира во време на кризи, а како приоритет е и закрепнувањето на Национални шуми кои се клучни во превенцијата на пожарите.

Министрите Тошковски и Дачиќ во посета на ГП Табановце, во рамки на кампањата „вози одморен“

Возачите да внимаваат на себе да одмараат, да консумираат вода и течности да се заштитат себеси и останатите учесници во сообраќајот, порачаа денеска надлежните од републичкиот совет за безбедност во сообраќајот.

Според податоците на Републичкиот совет за безбедност на сообраќајот на патиштата, најголем број сообраќајни несреќи се случуваат во летниот период, поради уморот како последица од повеќе часовното возење. За да ја зголемат свеста кај возачите од опаснсота да се вози изморен, денеска на граничниот премин Табановце беше промовирана кампањата „Вози одморен“.

Министерот за внатрешни работи Панче Тошковски повика најави воведување на олесните мерки за побрз проток на возилата на граничните премини, но не сакаше да прецизира од кога ќе стапат на сила.

Министерот за внатрешни работи на Србија, Ивица Дачиќ напомена дека заложбите на Србија е да се олесни протокот на возила на граничниот премин со Македонија, но секогаш има оправдани стравувања дека истите олеснувања можат да се злоупотребат за шверц и миграција.

Граѓаните кои ги затекнавме на Табановце не се жалеа на метежот. Рекоа дека за влез во Македонија се чека околу 15 минути.

По промоцијата на кампањата, министерот Тошковски замина во дводневна официјална посета на Република Србија каде што ќе оствари билатерална средба со српскиот министер за внатрешни работи Ивица Дачиќ и премиерот Милош Вучевиќ.

притисни ентер