Продолжува претставувањето на изборните понуди на партиите пред граѓаните

Предизборната кампања на партиите за предвремените парламентарни избори кои треба да се одржат на 15 јули е на средина. 

Тие своите изборни програми и денеска ќе ги претстават на средби со граѓаните, во помал формат, отколку што тоа беше случај на преходните избори, согласно здравствените протоколи поради кризата предизвикана од кронавирусот.

СДСМ и Коалцијата „Можеме" денеска се во Чаир и Пробиштип, а ВМРО-ДПМНЕ и коалцијата за „Обнова на Македонија" ќе бидат во посета на Прилеп, Кривогаштани и Крушево.

Караванот на Единствена Македонија и Коалицијата „Никогаш северна – само Македонија" ќе оствари средби со жителите на општините Росоман, Кавадарци и Неготино.

Лидерот на СДСМ Зоран Заев синоќа пред граѓаните истакна дека ги отвориле вратите кон ЕУ и НАТО, со, како што рече, обезбеден идентитет и признат јазик.

-Нашиот народ денес е исправен, горд со кренато чело. Успеавме да докажеме дека политиките на пријателство и мостови на соработка беа поздравени од целиот демократски свет. И сега кога успеавме да ги решиме сите отворени прашања што ги имавме, ја исполнивме првата стратешка цел и станавме членка на НАТО. Ја исполнивме втората стратешка цел да добиеме одлука за почеток на преговорите. Сега имаме само пријатели насекаде. Сега имаме само помош од целиот свет. Можеме и повеќе и подобро. Сакам да бидете горди заради тоа што целата вистина е на повидок пред сите вас, порача Заев од Крива Паланка.

Лидерот на ВМРО-ДПМНЕ Христијан Мицкоски е убеден дека коалицијата што тој ја предводи, со поддршка на народот убедливо ќе победи на претстојните парламентарни избори. Потоа, рече, сите заедно да ги засукаме ракавите и да работиме за обнова на Македонија каква што сме наследиле и каква сакаме да им оставиме на идните поколенија.

-Изминатиот период чекоревме полека за да не паднеме, за да не се враќаме неколку чекори наназад и да мора да почнуваме се одново. Меревме, премерувавме носевме одлуки кои можеби секогаш не беа допадливи, но, тоа беа одлуки кои нас не донесоа до крајната цел, а тоа е што побргу да ни се случат предвремени парламентарни избори, рече Мицкоски пред граѓаните во општина Кисела Вода.

Претседателот на Демократската унија за интеграција Али Ахмети синоќа во Кичево пред членовите и симпатизерите на партијата го претстави Насер Зибери, кандидатот што го номинираше ДУИ за прв премиер Албанец, на парламентарните избори што ќе се одржат на 15 јули.

-Оваа земја имала нобеловци албанци како што се Мајка Тереза и Ферид Мурати. Со нив нашата земја се гордее како што ќе се гордее и со премиерот албанец бидеќи тој ќе работи во интерес на сите кои живеат во оваа држава. Имаше противење и во времето на изборот на Дехари за градоначалник на Кичево но денеска сите увидоа дека во Кичево се живее сложно, без разлика на етникумот кому му припаѓаат. Затоа и оваа наша најнова идеја ќе биде во интерес на еднаквоста се разбира ние ќе продолжиме и во други сфери за да работиме во интерес на сите граѓани, рече меѓу другото Ахмети во Кичево.

Коалицијата „Сега е време" синоќа одржа централен митинг во Струга. Од таму претседателот на Алијанса за Албанците Зијадин Села им одговори на Заев и Мицковски за, како што рече, нивната идеја за размена на пратеници за да не бидат условени од Албанците да формираат влада.

– Слушам дека Заев и Мицковски се подготвени да формираат македонска влада, еве ви кажувам многу јасно и отворено, ако создадете влада само со македонски претставници ние ќе ја создадеме нашата албанска влада, рече тој.

Коалицијата „Можеме" е концепт на напредок, развој и заложба за обезбедување подобра иднина за граѓаните на Северна Македонија, напиша тој.

Кандидатот за пратеник од платформата „Македонски концепт" Петар Богојески од Крушево порача дека очекува сите крушевчани без разлика ма нивната приоадност да гласаат за македонски концепт.

– Никој повеќе и подобро не може да се грижи од мене за Крушево, кој сум родум од тука. Крушево е иселено и осиромашено. Потребна е владина програма која ќе ги задржи младите овде, рече Богојески.

Носителот на листата во третата изборна единица од Левица Борислав Мрмов од Делчево најави поголема заштита на работничките права.

-По претстојното, како што рече, влегување на Левица во парламент најави поголема поддршка за работничките права, особено за текстилниот сектор каде, во Делчево под носот на инспекторите и локалните власти се случува кршење на работничките права.

Македонската конзервативна партија Интегра денеска на градскиот плоштад во Куманово оствари средби со граѓаните на кои партискиот лидер Љупчо Ристовски и носителот на листата во ИЕ2, Александар Главинов ја презентираа програмата „Нова македонска ренесанса како визија за подобар живот во Македонија".

Тие понудија проекти од речиси сите области кои ќе им овозможат подобар живот на граѓаните, туризам, инвестиции, иновации./МИА

Двегодишно девојче со аутизам си ја јаде куќата- се буди ноќе и ги гризе ѕидовите, мебелот...

Стејси А'Херн (25) побарала помош и совет бидејќи нејзината ќерка Винтер боледува од ретко нарушување во исхраната.

Пикавата болест се карактеризира со консумирање на нејадливи материјали, како земја, камен, креда, хартија... и најчесто се манифестира на возраст од една до две години.

Очајната мајка мора постојано да го надгледува детето, бидејќи се плаши дека ќе се повреди, пренесува Метро.

Таа истакнува дека Винтер ја затекнала како јаде гипс од ѕидовите, полнење на каучот, страните на столовите, а исто така кршела и рамки за слики обидувајќи се да го изеде стаклото.

„Нервозна е со нормална храна, но ќе јаде сунѓер. Таа скрши осум рамки и се обиде да го изеде стаклото. За среќа, никогаш не се повреди, бидејќи внимателно ја набљудувам“, објаснила Стејси.

Мајката од Блеквуд, Велс, секогаш е на „штрек“ и првпат забележала како Винтер става работи во уста кога била бебе.

Тогаш таа не мислела дека е сериозно, но работите се промениле „преку ноќ“.

„Потоа таа стана невербална и нејзините навики во исхраната ескалираа“, објаснила Стејси, која потоа го однела детето на лекар.

По деталните тестови, на Винтер во јануари годинава ѝ било дијагностицирано нарушување на пик, но и аутизам.

„Ја ставам на столче, но таа не јаде грицки, таа го јаде столот. Аутизмот влијае на нејзиниот сон, често се буди ноќе. Еднаш ја најдов како ги џвака креветчето и ќебето“, рекла мајката.

Таа нагласува дека е исцрпувачки да се надгледува детето 24 часа на ден, седум дена во неделата.

„Сепак, влегов во рутина и ги разбирам нејзините потреби. Успевам да ѝ го привлечам вниманието со таканаречените сензорни игри и купив ѓердан за џвакање, специјално дизајниран за луѓе кои боледуваат од пик“.

Истовремено, на девојчето ѝ нуди тестенини со различни форми, бидејќи може да ги допре, да си игра со нив и на крајот да ги изеде.

„Лекарите рекоа дека не можеме многу да направиме“, заклучила мајката.

Момче (24) ги држел нозете во сув мраз за да наплати осигурување, па станал инвалид- обвинет е

Бизарната приказна доаѓа од Тајван, каде маж идентификуван само со презимето Чанг е обвинет за обид за измама на осигурувањето.

Наводно сакал да наплати повеќе од еден милион евра, бидејќи лани во февруари му биле ампутирани нозете поради смрзнатини, пренесува LadBible.

Момчето (24) тврди дека премрзнал по несреќа со скутер. Лекарите немале друга опција освен да му ги ампутираат нозете до колена.

Меѓутоа, обвинителството го обвинува дека направил бизарен план во договор со школскиот другар Лиао (24).

Судските документи наведуваат дека тој ги потопил стапалата во кофа со сув мраз, каде температурата достигнала -78 степени Целзиусови.

Обвинителството тврди дека соучесникот го врзал за стол со сајли, а најмалку 10 часа му ги држел нозете во кофата.

Тајванското биро за криминалистичка истрага (CIB) тврди дека Чанг обезбедил повеќе високоплатени осигурителни пакети само неколку дена пред несреќата.

Судот слушна дека тој се обидел да наплати отштета од пет осигурителни компании, но безуспешно. Вкупната сума достигнала еден милион евра.

„Тајван е суптропски регион и нема познати случаи на тешки смрзнатини кои бараат ампутација. Во деновите кога се случи несреќата измерени се температури меѓу шест и 17 степени, што е претопло за смрзнатини“, соопшти ЦИБ.

За време на рацијата во 2023 година, полицијата пронашла кофа во станот на Чанг што најверојатно ја користеле обвинетите, како и кутија од полистирен во која имало сув мраз.

Хорор во Словачка: Девојка загина откако падна во бездна, бегајќи од мечка (ВИДЕО)

Татјана (31) од Белорусија загина во петокот во Словачка по сомнителен пад од височина.

Наводно ја бркала мечка, која подоцна била пронајдена во близина на нејзиното тело со крвава уста, пренесува Блиск.

Словачката планинска спасувачка служба соопштила дека телото на девојката било извлечено од шума во Ниските Татри во петокот навечер.

Во меѓувреме, полицијата потврдила уште еден напад на мечка во неделата во Словачка, во кој биле повредени две лица.

Првата застрашувачка вест за смртта на Татјана (31) звучела неверојатно - во шумата над Демановска долина мечка ја распарчила девојката. Меѓутоа, набрзо било откриено дека жената починала откако паднала од стрмна карпа, откако таа и мажот со кој била, биле бркани од мечката.

Татјана и нејзиниот пријател Константин (29) се од Белорусија, но долго време живееле во Полска, додека мажот работел како инструктор за скијање во Ниските Татри, пишуваат медиумите во Словачка.

На крајот на сезоната, тој наводно сакал да ѝ ја покаже на Татјана убавината на планините каде што работел во текот на зимата.

„Му дадовме неколку совети. Зошто ја одбра токму оваа маршрута, не знам. Можеби затоа што живееше во Лазиски и патеката почнува токму таму“, вели еден од колегите.

Што точно се случило засега не е познато, но медиумите јавуваат дека двајцата налетале на мечка. Од страв тие наводно почнале да паничат и трчале во различни правци, додека мечката ја бркала Татјана.

Теренот во околината не само што е карпест, туку и екстремно стрмен, додека влажната трева веројатно била исклучително лизгава. Ако девојката навистина се лизнала на стрмната падина, немала шанса да застане. Областа е затворена за туристичката јавност до 15 јуни.

Спасувачите ја пронашле Татјана мртва, но мечката се уште била блиску до нив.

Заменик началникот се сретнал со мечката очи во очи.

"Имав куче трагач со мене. Кога ја откривме младата жена, покрај неа стоеше мечка. Воопшто не покажуваше знаци на срамежливост", рекол тој. Само предупредувачки истрел ја избркал мечката.

Наводно била во близина на жената со крвава вилица, објавија медиумите.

Предаторот наводно е веќе познат. Веќе на крајот на летото талкал по теренот за голф во Тале, а екипата на итната помош се обидела да ја заспие.

Еден од спасувачите во петокот го препознал знакот за идентификација на увото на мечката. Забележал и крв што тече низ устата на мечката. Затоа, заштитниците на природата веруваат дека се работи за таканаречен предаторски напад. Мечката очигледно ја влечела веќе мртвата девојка по земја.

Да потсетиме, во неделата имало нов напад, а две лица завршиле во болница откако биле нападнати од мечка во градот Липтовски Микулас во Словачка, соопштија од итната помош.

Властите соопштија дека 49-годишна жена се здобила со повреда на рамото, а 72-годишен маж се лекува поради расекотина на главата. Локалните медиуми јавуваат дека полицијата ја избркала мечката надвор од градот во шумата.

На социјалните мрежи се појавија снимки на кои се гледа како мечка трча по улица.

притисни ентер