Македонија

Продолжува комисиската расправа за законските измени за изградбата на коридорите

Собраниската Комисија за европски прашања денеска втор ден ја продолжи расправата за предложените измени на законите поврзани со изградбата на коридорите, означени со европско знаменце, кои треба да се донесат по скратена постапка.

Членовите на собраниската Комисија за европски прашања дискутираат по Предлог на законот за изменување и дополнување на Законот за урбанистичко планирање, по скратена постапка. Денешната расправа помина во меѓусебни препукувања меѓу пратениците на власта и опозицијата. За овој предлог-закон остануваат да дебатираат уште тројца пратеници.

На почетокот на седницата, пратениците на ВМРО-ДПМНЕ во процедурално обраќање забележаа дека во Сала 6 каде се одржување денешната седница на Комисијата нема услови за работа. Тие повторно забележаа дека со ставањето на европското знаме на пакетот за измените на законите за градбата на коридорите се прави злоупотреба на европското знаменце. Посочија дека не добиле образложение зошто законите се поднесени со европско знаменце и нагласија дека евроамбасадорот во земјава посочил дека овој пакет закони не треба да биде поднесео со европско знаменце.

Потенцираа дека ВМРО-ДПМНЕ не е против изградба на капитални проекти и патишта, но, според нив ваквата постапка на власта е криминално дело, а забележаа и дека со проектот се развивала само патната инфраструктура во западниот дел на земјата.

Заменик-министерот за транспорт и врски, Беким Реџепи истакна дека нема измени во стратешките процедури во државата. Посочи дека дека за овие инвестиции вреди да бидеме поефикасни, да имаме пократки рокови во смисла на комплетирање на документацијата.

-Целата работа е транспарентна и се во овој процес е транспарентно. Законот се донесува во Собранието. Преговорите околу компанијата беа транспарентна работа. Овде слушам дискусии кои што не држат, немаат факти и аргументи. Сепак почнувате со популизам. Немојте да го труете народот. Почнуваме со историски проект за државата, рече Реџепи.

Драган Ковачки, пратеник на ВМРО-ДПМНЕ изјави дека евроамбасадорот испратил писмо дека не треба да врши злоупотреба европското знаменце, посебно за овој случај , односно за овој пакет закони, бидејќи нема никакво усогласување со европското право.

-Ако ние планираме да го усогласуваме европското право, ние треба да имаме и кореспондентна табела во која што е точно наведено кој дел од европското право нашето законодавство го усогласуваме со европското. Празни табели, без никакви обраснувања, рече Ковачки.

Потпретседателката на Комисијата и пратеничка на ДУИ, Арта Биљали-Зендели истакна дека е срамно и поминало времето кога државата се делеше на Западна Македонија која што не беше развиена и Источна Македонија која што беше поразвиена. Посочи дека не треба да има такви поделби меѓу пратениците, бидејќи, како што рече, сите граѓани треба да имаат рамноправен развој во државата.

Потпретседателката на Комисијата, Биљали-Зендели ја прекина седницата и соопшти дека ќе продолжи во текот на денов.

Регион

БиХ направи чекор кон усогласување на стандардите за интелектуална сопственост со ЕУ

Европската Унија има воспоставено стандарди за интелектуална сопственост кои го поттикнуваат иновацискиот, креативниот и економскиот развој, а Босна и Херцеговина направи чекор напред кон усогласување со тие стандарди.

Европската Унија има воспоставено стандарди за интелектуална сопственост кои го поттикнуваат иновацискиот, креативниот и економскиот развој, а Босна и Херцеговина направи чекор напред кон усогласување со тие стандарди, изјави синоќа шефот на делегацијата на ЕУ во БиХ, Луиџи Сорека.

Во објава на социјалната мрежа Икс, Сорека информира дека Советот на министри на Босна вчера усвоил шест закони за интелектуална сопственост, изготвени со финансиска поддршка од ЕУ.

„И покрај длабоката политичка и уставна криза во Босна, оваа одлука покажува дека законите може да се донесат кога постои политичка волја“, напиша Сорека.

Тој го повика Парламентот на Босна да го поддржи пакетот закони за интелектуална сопственост. „Босна и Херцеговина сè уште не ги исполнила потребните услови за отворање на преговорите за членство, ниту го прифати реформскиот дневен ред што би ѝ овозможил да добие милијарда евра за спроведување на реформите во рамки на Планот за раст. Сега е моментот да се преземат сите чекори во корист на граѓаните“, нагласи Сорека.

Босна и Херцеговина доби кандидатски статус за членство во ЕУ во 2022 година, а во 2024 година официјално ги започна преговорите за пристапување.

Тагови: Босна и Херцеговина

Култура

Мицкоски: Започна реконструкцијата на старото кино „Партизан“ во Битола

Генерално и министерот и градоначалникот кажаа тоа што е денес цел на нашата работна посета.

Денес да ги посетиме сите овие објекти коишто ги споменаа и градоначалникот, еве сме на првиот за којшто зборуваше и министерот. И убеден сум дека сето ова значи додадена вредност и ќе значи додадена вредност во квалитетот на живот на битолчани.

Уште еднаш сакам да му честитам на градоначалникот за посветената работа досега. Се разбира очекувам убедлива победа на локалните избори уште во првиот круг и успешна работа и во иднина. Мнозинство во советот, се разбира, коешто ќе биде додадена вредност во работата на градоначалникот, а не како до сега коешто ќе прави опструкции и ќе ја кочи работата на градоначалникот, по која било цена. За жал, поради тие опструкции и тоа кочење не сме во можност да почнеме уште еден долгоочекуван проект, а тоа е спортската сала. Но, се надевам дека во следниот мандат и тоа ќе го отпочнеме.

Топлификација се завршува, се почнува пречистителна станица, 15-тина милиони во улици, булевари, паркови, училишта, градинки, влезот во Битола, еве и ова што го спомна министерот, овде што е позади нас, старото кино. Така што генерално, кога сè ќе се изанализира и собере повеќе од 100-тина милиони евра, влегуваат сигурно во Битола во периодот што следи.

Да се заблагодарам на администрацијата во Општината што ја следи работата, на советниците што ја поддржуваат работата на градоначалникот, на пратениците во македонскиот Парламент, колегите во Владата.

Битола е во рамките на нашиот периметар на најголем фокус, така било, и така и ќе остане.

Тагови: Христијан Мицкоски

Фудбал

Ал-Наср го отпушти извршниот директор Мајед Ал-Сорур, тој ќе го тужи клубот

Ал-Наср објави отказ за извршниот директор на клубот Мајед Јаман Ал-Сорур.

- Добиени се информации од внатрешни и надворешни извори во врска со одредени постапки на извршниот директор, врз основа на кои Управниот одбор одлучи да го суспендира и да спроведе истрага. Ал-Сорур беше официјално известен и целосно запознаен со сите детали. За време на истрагата, извршниот директор ги прекршил своите обврски објавувајќи твит од неговиот личен профил и наштети на угледот на компанијата. По ова, Управниот одбор едногласно одлучи да го раскине договорот со извршниот директор, се вели во соопштението на клубот.

По добиениот отказ, Ал-Сорур најави поднесување тужба против клубот.

-Денес моите услуги беа прекинати на начин што го сметам за непрофесионален, несоодветен и неприфатлив. Затоа, ќе започне правен процес помеѓу мене и управата што го води нашиот клуб, напиша Ал-Сорур.

Ал-Наср заврши на третото место во Премиер лигата на Саудиска Арабија во сезоната 2024/25.

Од 2023 година за Ал-Наср настапува португалскиот репрезентативец Кристијано Роналдо.

Тагови: Ал Наср