Притворен Македонец кој во својот стан во Белград, убил провалник (Обновено)

Судот во Белград му определи 30 дена притвор на Сашо Боговски поради сомневање дека во својот стан на Јулино Брдо во Белград со нож го избодел Владимир Маниќ кој влегол преку прозор и го нападнал со шрафцигер.

По настанот кој, како што објави српскиот Телеграф, се случил пред две ноќи, 39-годишниот Боговски пред полицијата изјавил дека не се сеќава како точно го избодел провалникот и оти памети само дека се бореле.

Против Боговски е поднесена кривична пријава за убиство.

На фотографијата преземена од Блиц се покажува од кој прозорец влегол напаѓачот.

Сопругата на Сашо Ира Аријати за Блиц раскажува како се случил нападот. таа околу 22.30 го успала детето. Неколку минути подоцна забележала дека некој има во нивниот стан.Сашко работел на компјутер.

- Во станот беше мрак. Тргнав кон кујната да земам да јадам и видов отсјај од батериска ламба. Потрчав кон собата и му реков на маж ми дека некој упаднал во станот. Во истиот момент повикав полиција. Но полицајците отишле на погрешна адреса бидејќи разбрале дека ги барам од куќен број 6, не 26 - вели сопругата.

Тогаш се слушнала бука од собата.

- А потоа се се смири. Кога сфатив дека Сашко е сам отидов кај него. Имаше повреди по главата. Се тресеше.Ми рече дека тоа бил провалник, дека смртно го ранил, но успеал да побегне - вели Ира.

Ранетиот успеал да се оддалечи од куќата. починал откако поминал околу 200 емтри, на ул. Душан Влајиќ.

Блиц во рамка пишува дека Сашко Богоски е филантроп кој се залага за правата на маргинализираните групи и никогаш немал никаков прекршок ниту на кој било начин бил во судар со законот.

Блиц пренесува и изјава од таткото на убиениот Влада Маниќ, кој вели дека неговиот син откако излегол од затвор не може да најде работа, имал проблеми и со дрогата и бидејќи не можел да најде пари за наркотици - крадел.





Фото: Холивудски ѕвезди фатени на дело!

 Холивудските ѕвезди актерките Џенифер Анистон (55) и Сандра Булок (59) продолжуваат да ја освојуваат публиката со својот физички изглед, а долго време се шпекулира дали направиле пластична операција

Јавноста се уште се прашува дали овие убавици и во шестата деценија се навистина природни и едноставно прекрасно стареат.

Двете холивудски убавици пред два дена се забележани како ја напуштаат познатата клиника за пластична хирургија во Гринич, а друштво им правеше Аманда Анка.

Инаку оваа ординација е специјализирана за кревање на горниот и долниот дел на лицето, а цените за таков зафат во зависност од третманот се движат од 50.000 до 100.000 долари по третман.

Подигнувањето на веѓите и очните капаци е нешто поевтино, а цената на овој третман е околу 30.000 долари.

Познатите дами посетија ординација на познат хирург чија специјалност е „подмладување на лице и ринопластика“, како што е наведено на веб-страницата на клиниката.

Тајланд воведува данок за богатите пензионери од Западот

Според новиот тајландски даночен закон, сите даночни резидентни кои ги остваруваат своите приходи во странство, а трошат пари на Тајланд, во иднина ќе мора да плаќаат данок.

Овие одредби важат не само за тајландските граѓани, туку и за илјадници странски пензионери кои ги поминуваат пензионерските денови на Тајланд. Меѓу нив има и многу пензионери од Европа, а пред се од Германија.

Пензионерите живеат удобно на Тајланд од заштедите и приходите што ги заработиле додека работеле во своите матични земји.

„Ова е многу тежок удар за германските пензионери“, вели даночниот советник Мартин Либенов од меѓународната ревизорска фирма Мазарс во Бангкок, пренесува Тпортал.

Пензионерите не се единствените што се погодени. Ова е тежок удар за секој што ќе се пресели во Тајланд и ќе живее од своите заштеди и приходи од странство, без разлика дали се пензионери или е некој од многубројните дигитални номади, вели Либенов. /МИА

ДЗС: Струјата во второто полугодие лани поскапела за 8,2 отсто

Просечната цена на електричната енергија без данокот на додадена вредност за крајните потрошувачи, освен домаќинствата, се движи од 6.756 до 12.393 денари по KWh по групи на потрошувачи.

Според податоците на Државниот завод за статистика, во второто полугодие од 2023 година, просечната цена на електричната енергија за домаќинствата во земјава изнесувала 7.289 денари по KWh, што претставува пораст од 8.2 % во споредба со првото полугодие.

Просечната цена на електричната енергија без данокот на додадена вредност за крајните потрошувачи, освен домаќинствата, се движи од 6.756 до 12.393 денари по KWh по групи на потрошувачи.

Просечната цена на природниот гас без данокот на додадена вредност за крајните потрошувачи, освен домаќинствата, се движи од 36.858 до 48.300 денари по нм3 по групи на потрошувачи.

Просечната малопродажна цена на природниот гас за домаќинствата е 51.257 денари за nm3.

притисни ентер