Претставување на кандидатите за пратеници од ИЕ-3 и програмата на ИНТЕГРА

Денеска ИНТЕГРА – Македонска конзервативна партија во Кратово имаше претставување на кандидатите за пратеници од ИЕ-3 и програмата на ИНТЕГРА за претстојните предвремени парламентарни избори 2020.

Претседателот Љупчо Ристовски ги поздрави присутните, после претставувањето на изборната платформа “Нова македонска ренесанса” посочи дека ИНТЕГРА е автохтон, чист македонски производ. Тој истакна дека Македонецот пред никого не виткал кичма во историјата, нема ниту сега. Немајте страв од новата македонска ренесанса на ИНТЕГРА, гласајте за ИНТЕГРА, заокружете го бројот 8, истакна Ристовски пред присутните и пренесете ја оваа идеја до вашите блиски.

Ристовски вети дека секој избран функционер на ИНТЕГРА ќе потпише согласност да биде прислушкуван од финансиската полиција во периодите кога ќе има тендери во неговиот ресор. ИНТЕГРА е против корумпирана држава и корумпирани политичари. На секои две години ИНТЕГРА ќе биде испитана на референдум, народот одлучува.

Малите бизниси ќе бидат во фокусот на економските политики на ИНТЕГРА, истакна Ристовски.

Носителот на листата за пратеници за ИЕ-3, м-р Сузана Чесмаџиска, ги повика кратовчани да му веруваат на лидерскиот тим на ИНТЕГРА, да заокружат бр. 8 за подобро здравство, за подобро образование, за иднината на Македонија.

ИНТЕГРА – Македонска Конзервативна Партија

Во последното деноноќие 15 починати, 173 новозаболени и 150 оздравени

Статистиката за состојбата со коронавирусот во земјава и понатаму бележи рекордни бројки.

Во последното деноноќие бележиме најмногу починати – 15, од кои осуммина се од Скопје.

За последните податоци околу епидемијата во живо ја вклучуваме Михаела Димовска.

Кои се последните податоци од здравствените власти ?

Целиот извештај погледнете го во видеото.

Ќе се прави скрининг на новинари и медиумски работници за КОВИД-19

Министерството за здравство на барање на Здружението на новинари на Македонија (ЗНМ) во наредните денови ќе организира бесплатен скрининг за новинари и медиумски работници за КОВИД – 19. Скринингот ќе биде спроведен во два круга.

Во првиот круг, во период од три дена, ќе бидат опфатени најмалку 500 новинари и медиумски работници од информативните програми од поголемите медиуми. За останатите помали редакции, дополнително ќе следат информации за скринингот по завршување на првиот круг.

Како што посочуваат од Министерството, во последниот период новинарите и медиумските работници кои известуваат на терен за активностите на учесниците во предвремените парламентарни избори, поради зголемениот обем на работа, се дополнително изложени на вирусот КОВИД – 19. Освен тоа, во ЗНМ било пријавено дека во дел од националните медиуми има нови позитивни случаи на заразени новинари и медиумски работници, но и колеги кои се сомневаат дека се заразени.

-Поаѓајќи од тоа, но и од потребата да се даде приоритет на новинарите и медиумските работници ќе се спроведе скрининг во два круга. Во првиот круг ќе бидат опфатени новинари и медиумски работници од информативните програми од поголемите медиуми, со цел да се утврди дали и колку од вработените се заразени. Ова ќе придонесе да се спречи ширење на болеста во овие редакции каде има поголем број на лица кои работат во исто време во ограничен простор. Според првичната проценка целта е да се опфатат најмалку 500 новинари и медиумски работници во првиот круг во период од три дена, а во зависност од исходот на ова соодветно ќе се планира временската рамка и начинот на спроведување на скринингот и во вториот круг, појаснуваат од Министерството за здравство.

Поголемите редакции ќе добијат подетални информации во текот на утрешниот ден со цел да се направи соодветен распоред за спроведување на скринингот. За останатите помали редакции, дополнително ќе следат информации за скринингот по завршување на првиот круг.

Обвинителството го следи објавувањето на „бомбите“, ако има криминал ќе реагираат

Дали во досега објавените бомби има индиции за сторен криминал Јавното обвинителство се уште истражува.

Последниот одговор оттаму е дека ги следат објавените снимки и доколку се утврдат елементи на кривични дела ќе постапат.

Откако почна предизборната кампања, речиси секојдневно се објавуваат аудио материјали на Јутјуб, во кои се инволвирани лидерите на ВМРО ДПМНЕ и СДСМ, Мицкоски и Заев. За последната снимка објавена пред три дена на која лидерот на социјалдемократите зборува за Шарената револуција тој денеска одговори дека се работи за грешка која како што рече била последица на подолго седење во кафеана.

Од обвинителството потврдија дека го добиле известувањето и доказите од СВР Скопје за случајот со теретаната со Мицкоски. Но тоа за обвинителството не било доволно па информираат дека надлежниот јавен обвинител презема и други дејствија по што ќе утврдат дали партискиот лидер ги прекршил здравствените протоколи.

притисни ентер