Претседателот Пендаровски и вработените во Кабинетот останале без плата за јануари

Претседателот Пендаровски и вработените во Кабинетот останале без платата за јануари, потврдуваат од таму...  Министерството за финансии не ја одобрило, поради пресметано покачување од 5% .

Првиот финансиер Фатмир Бесими го остави претседателот Пендаровски и неговите вработени без јануарската плата. Проблемот настанал откако Кабинетот согласно Колективниот договор што го потпишале со синдикатот, годинава ги покачиле платите на државните службеници вработени кај Претседателот за 5 %, но финансии оценило дека тоа е надвор од предвидено со Буџетот за 2023...

Сепак, од Кабинетот образложението го сметаат за неосновано, бидејќи не барале дополнителни средства..

„Ова покачување не се однесува за претседателот, именуваните лица и посебните советници во Кабинетот. Средствата за Буџетот во 2023 година се обезбедени преку сопствени заштеди во буџетот на нашата институција и за ова не се побарани дополнителни средства од Министерството за финансии.“ велат од Кабинетот на Претседателот.

Од министерството за финансии конкретно не одговорија како ќе се надмине проблемот, само потенцираа дека со отворена комуникација ќе ги решат дилемите кои се појавиле околу реализацијата на буџетот. Коментар за случајот даде премиерот Ковачевски, кој порача Колективните договори да се потпишуваат според можностите во државната каса.

„Замислете сите да потпишат што ќе треба да направиме?! Не знам каков Колективен договор има претседателот ќе си седнат со финансии, ќе разгледаат ќе договорат и ќе има решение како што има решение за се.“ кажа Димитар Ковачевски, претседател на влада

Остра реакција за потегот на Бесими стигна од синдикатот на УПОЗ. „Министерот за финансии свесно бара да биде прекршен Колективниот договор и да не се исполнат одредби од истиот, чин што е Кривично дело со можност за една година затвор за раководното лице на институцијата.“ пишува во реакцијата на УПОЗ.

Муцунски: Наскоро Македонија ќе добие Влада која што повторно ќе се грижи за македонскиот јазик

„Не сакаме да имаме јазик во изумирање, сакаме да имаме јазик којшто повеќе ќе биде афирмиран и промовиран. И тоа значи промоција дома, афирмирање на нашиот јазик дома, но и ширење на знаењето“.

„Не сакаме да имаме јазик во изумирање, сакаме да имаме јазик којшто повеќе ќе биде афирмиран и промовиран. И тоа значи промоција дома, афирмирање на нашиот јазик дома, но и ширење на знаењето“, истакна Тимчо Муцунски, потпретседател на ВМРО-ДПМНЕ на трибината насловена „Јазикот е нашиот идентитет“ организирана по повод Меѓународниот ден на мајчиниот јазик.

„Што правиме како држава да испратиме македонисти, познавачи на македонскиот јазик кај Македонците што живеат во регионот, во Европа или пак во прекуокеанските земји? Барем во еден летен период, да ги учат децата таму за македонскиот јазик. Колку материјали обезбедуваме? Колку материјали на македонски јазик обезбедуваме за многуте библиотеки ширум светот, кои што се отворени и едвај чекаат од нашите амбасади, конзулати за да добијат во нивниот библиотичен фонд книги и материјали на македонски јазик“, појасни тој.

Муцунски додаде дека и носењето книги во библиотеки ширум светот на македонски јазик е дел од промоција на македонскиот јазик, држава, култура и традиција.

„Јас велам како тоа што е наш внатрешен политички приоритет и се што треба да направиме за младата популација, афирмацијата на македонскиот јазик, на македонската култура и традиција треба да биде и клучен аспект поврзан со нашата надворешна политика“, рече Муцунски.

Тој посочи дека тоа се темели за кои што веќе се размислува во иднина за афирмација и промоција на македонскиот јазик надвор од Македонија.

„Тоа се веќе темели за кои што веќе размислуваме, дел од овие прашања ќе бидат и дел од нашата програмска определба“, заклучи тој.

„Наскоро Македонија ќе добие Влада која што повторно ќе се грижи за македонскиот јазик, за македонската традиција и да ги преземеме тие добри политики кои што дел во минатото се применувале, и дел треба да ги надградиме за да го шириме знаењето за македонскиот јазик. И да инвестираме во големиот број на катедри кои што ги има на странските универзитети. Ние како држава треба да помогнеме и да вложиме“, нагласи Муцунски, се наведува во партиското соопштение.

Сателит од над два тона во моментов паѓа кон Земјата, каде ќе падне?

Европскиот сателит ERS-2, тежок повеќе од два тона, моментално паѓа на Земјата по речиси 30 години во орбитата.

Европската вселенска агенција (ЕСА) соопшти дека опасноста да падне во населено место е мала и дека поголемиот дел ќе изгори. Според првичните проценки, во атмосферата требаше да влезе во 17:32 часот, но сега се очекува да се случи во 18:05 часот по средноевропско време.

- Влез во атмосферата се очекува во 18.05 часот. Неизвесноста ќе трае уште околу 30 минути - објави АВРМ на Икс (Твитер).

Според последните податоци, сателитот моментално се наоѓа над источниот Медитеран.

Револуционерниот европски сателит за далечинско набљудување ERS-2 беше лансиран во 1995 година како еден од двата речиси идентични сателити за далечинско набљудување на Земјата.

Двојно убиство во кумановско, застрелани три лица

Двојно убиство во кумановско.

Пензионер ја усмрти својата сестра и еден од нејзините синови. Другиот е тешко ранет и моментално се оперира на клиниките во Скопје.

Пред Клиничкиот центар е Михајло Видимлиски..Михајло каква е состојбата на ранетото лице и кои се деталите што ги имаме досега за инцидентот?

притисни ентер