Спасовски: Изборите потврда за нашиот европски капацитет, ДИК да ги соопшти резултатите

Прес-конференција на претседателот на Владата Оливер Спасовски.

Изборот е направен, насоката е потврдена, Македонија продолжува по правиот пат во сигурна и европска иднина, рече денеска премиерот Оливер Спасовски.

На прес-конференција во Владата, ден по изборите, Спасовски потенцира дека вчера, граѓаните и државата покажаа европски капацитет, докажаа дека заслужено земјава е членка на НАТО и на чекор од почеток на преговорите со ЕУ.

Изборите, според Спасовски, беа кристално чисти, а граѓанската волја мора час поскоро да биде преточена во легитимни институции, нова Влада и Собрание, посебно зашто треба, како што истакна, да се носат сериозни и издржани одлуки поради ситуацијата со КОВИД-19, но и поради втората стратегиска цел – европските интеграции.

Спасовски воедно апелира Државната изборна комисија (ДИК) да ги соопшти резултатите од гласањето зашто тоа, напомена, граѓаните го очекуваат.

-Победник на вчерашните избори е секој гласач, секој учесник во изборниот процес, а пред се и над се Република Македонија. Нашата држава покажа дека заслужено е членка на НАТО и пред почеток на преговорите со ЕУ. Како Влада, како народ и како држава уште еднаш покажавме европски вредности на дело, организиравме здравствено безбедни, мирни, фер, демоткратски, слободни и европски избори како што и доликува на држава која е на чекор до почеток на преговори за членство во ЕУ. Преку изборите покажавме како навистиника се сака земјата, како се чуваат постигнувањата и како се обезбедуваат нови аргументи за интеграциските перспективи. Овие кристално, фер и деомкратски чисти избори се упште еден доказ дека кога има демократска определба и демократска организација, има и демоктратски резултати, одраз на слободната волја на граѓаните, нагласи премиерот.

Пред нас следува, дополни, период на формирање целосно функционални институции кои со полн капацитет ќе се грижат за здравјето на граѓаните и втората стратегиска цел – европските интергации.

-Граѓанската волја мора час поскоро да биде преточена во легитимни институции – ново Собрание и Влада. Очекувам од ДИК да даде придонес во тој процес, граѓаните очекуваат резултати од изборите, ДИК е должна да излезе и да ги соопшти, напомена Спасовски.

Премиерот им заблагодари на граѓаните за гласањето и на институциите, посебно на Комсијата за заразни болести, за организирањето на изборниот процес.

-Да сме горди на вчерашнио фер и демократски изборен ден на кој победи волјата на нардот, рече Спасовски./МИА

Дневен хороскоп за 8. август 2020 година

Дневен хороскоп за сабота, 8. август 2020 година. 

Лав 23.7-22.8.

Љубов

Веројатно е изразување на емоции од страна на лице со кое работите или вашата сакана личност ќе ви дојде на работа.

Кариера

Без оглед што не сте богати , денеска ќе заклучите дека сте задоволни од своите приходи. Не е се во парите.

Здравје и совет

Во право сте целосно.

Девица 23.8.-23.9.

Љубов

Ве очекува трошок на кој не сте сметале и тоа поради една многу драга млада личност. Инаку , вашата врска добро напредува.

Кариера

Во работата се повеќе успевате да ги споите задоволството со обврските. Тоа ве мотивира за да добивате нови креативни идеи.

Здравје и совет

Излезете на свеж воздух.

Вага 24.9.-23.10

Љубов

Другата страна денеска ќе ви ја покаже својата нежност или ќе ви се довери. Бидете внимателни и сетете се како ви беше на вас.

Кариера

Помали несогласувања ќе бидат поврзани со темата за паузи на работното место, но генерално за вас сите рабхоти се подобруваат.

Здравје и совет

Почастете се со нешто што го посакувате.

Шкорпија 24.10-22.11.

Љубов

Довербата што од вас ја очекува другата страна ќе се зацврсти доколку се потрудите да бидете добар слушател. Не е тоа толку тешко.

Кариера

Би можеле да почнете нова работа или нов проект. Подготвени сте за битка и предизвици што ве очекуваат до неговото исполнување.

Здравје и совет

Согледувајте ја реалноста.

Стрелец 23.11.-21.12.

Љубов

Одличен ден за љубов и за изразување на чувствата. Многумина денеска ќе си ја отворат душата и ќе го покажарт своето лавовско срце.

Кариера

Дури и ако не бидете сосема јасни , ќе ве разберат зашто ќе бидете уверливи поради емоциите што ги внесувате во она што ќе го работите.

Здравје и совет

Ќе бидете прифатени.

Јарец 22.12.-20.1.

Љубов

И денеска ќе продолжите со вашите љубовни успеси. Оние во врска ќе бидат среќни , а самите секако нека излезат. Се е можно.

Кариера

Како што поминуваат работните часови, вие се повеќе во мислите ќе се насочите кон организирање вечера со пријатно друштво.

Здравје и совет

Здрави сте и весели.

Водолија 21.1.-19.2.

Љубов

Во длабочината на душата ќе чувствувате несигурност поради празнината во љубовниот живот. Немојте да се внесувате во тоа.

Кариера

Доколку малку застанете , ќе видите дека работите се одвиваат се подобро и подобро. Затоа не се замарајте со ситници.

Здравје и совет

Не може се да биде совршено.

Риби 20.2.- 20.3.

Љубов

Не се плашете од вашата сериозност и сериозните намери. Можеби сега е време кога тоа може да го покажете во личните односи , кои инаку се добри.

Кариера

Она што вие сега го развивате и го градите, сигурно е дека ќе се развиое во долгорочна работа. Само продолжете.

Здравје и совет

Не е забрането ако сакате да се опуштите.

Овен 21.3-20.4.

Љубов

Било да сте во врска или сами, ќе бидете несигурни во врска со низа прашања каде оди сето ова. Од вас се бара поголема доза на толеранција.

Кариера

Вашите колеги денеска ќе се покажат малку повеќе вешти во уметничките или креативните работи. Тиа ќе се изразуваат , а вие следете ги.

Здравје и совет

Дишете длабоко.

Бик 21.4- 20.5.

Љубов

Ако сте во врска, ќе настојувате со љубезен и мирен пристап да одржувате солиден статус кво. Самците засега ќе останат осамени.

Кариера

Држете се до проверени правила и почитувајте ги зададените примери. Се што е надвор од тие граници би можело да предизвика пропусти или збрка.

Здравје и совет

Трпение, спасение.

Близнаци 21.5.-21.6.

Љубов

Ќе се занимавате со вашите мали тајни. Анализите за нив ќе ви одземат голем дел од времето , кое инаку ќе го поминевте сами и во двојка.

Кариера

На крајот на еден проект ќе се покаже дека сте направиле повеќе од другите или повеќе отколку што самите од себе очекувавте.

Здравје и совет

Малку пополека и обмислено.

Рак 22.6-22.7.

Љубов

Ќе продолжите да уживате во друштво на саканите лица. Младите би можеле дури и да се вљубат.

Кариера

Во текот на денот ќе забележите дека работите се полесно и полесно. а освен тоа ќе добивате и пофалби.

Здравје и совет

Би можеле да поместите планини.

И покрај вечерашниот неуспех, Роналдо ја испиша историјата на Јувентус

И покрај победата од 2: 1 против Лион во Торино , Јувентус нема да продолжи со натпреварите во Лигата на шампионите.

Со голот против Лион во осмина финалето од Лигата на шампионите, 35-годишниот Кристијано Роналдо стана играч со најмногу голови во една сезона во историјата на Јувентус.

Тоа беше 36-тиот гол на португалскиот напаѓач оваа сезона, со што го собори 95-годишниот рекорд на Ференц Хизрез. Подоцна, Роналдо постигна уште еден погодок во голот на Лион со топовски шут, па стигна до 37. гол оваа сезона.

Од 37 гола дури 14 се постигнати од пенал. Тој исто така има седум асистенции, а оваа сезона, по две години, успеа да постигне гол од слободен удар.

Минатата сезона, во својата прва сезона во Јувентус тој постигна 28 гола со 11 асистенции.

Канада побара милост за своите граѓани осудени на смрт во Кина

Канада е „сериозно загрижена“ од одлуката на Кина да му изрече смртна казна на четвртиот Канаѓанец за обвиненија за шверц на дрога и побара милост за сите Канаѓани кои се соочуваат со смртна казна во таа земја.

Ова денеска го соопштија претставници на канадското Министерство за надворешни работи.

Смртната казна против Канаѓанецот Је Џанхуи, осуден за трговија и производство на дрога, е втора ваква одлука на кинескиот суд за неколку дена.

„Две смртни казни изречени на канадски граѓани во последниве денови е многу загрижувачки“, рече портпаролката на канадското Министерство, Ангела Савард.

Канада се спротивставува на смртна казна во сите случаи, каде било, додаде таа.

„Канада постојано му го пренесува на Кина силното спротивставување на смртната казна и ќе продолжи да го прави тоа“, додаде таа.

„Канада бара милост за сите канадски државјани осудени на смрт и ја повикуваат Кина да покаже милост кон господинот Је“, рече портпаролката.

притисни ентер