Преговорите продолжуваат, времето полека истекува

Преговорите за новото владино мнозинство и натаму продолжуваат, но засега нема конечен договор.

Три дена пред истекот на рокот до мандатот за состав на новата влада се уште нема епилог од меѓупартиските разговори. Офијално ниту партиите ниту нивните лидери не излегуваат со детализа што точно се „кршат копјата“. Неофицијално – камен на сопнување е „премиер Албанец“, а и бројот на функционерските фотелји на „интегративците“. Од СДСМ велат дека процесот за создавање на влада ослободена од било каков вид на национализам е во тек.

Лидерот на ВМРО-ДПМНЕ Христијан Мицкоски, пак, вели дека разговара со другите партии, но не и со ДУИ. Ахмети веќе го информирал оти ќе преговара со СДСМ.

Откако вчерашната средба помеѓу Заев и Ахмети заврши без договор, од ДУИ брифираат дека разговорите продолжуваат, но на пониско ниво. Средбите се помеѓу генералните секретари на партиите Љупчо Николовски и Артан Груби.

Ахмети вчера упати отворена покана за средба на 13-ти август - годишнината од потпишувањето на Рамковниот договор до челниците на албанските партии - Села, Гаши, Касами и Тачи. Вакавата покана Заев ја оцени како притисок врз него и коалицијата „Можеме“.

Засега е неизвесно дали сите лидери на албанските партии ќе седнат на заедничка маса. Од БЕСА за Канал 5 велат дека органите на партијата дебатираат за ова, Алијанса на Албанците пак, засега без став. Од Алтернатива децидни, претседателот на партијата, сам ќе си одлучи дали ќе присуствува на средбата. А, единствени што не дадоа ников одговор во однос на поканата се ДПА.

Бајден со помош на Обама и Клинтон собра рекордни 25 милиони долари за својата кампања

 Кампањата за собирање средства за американскиот претседател Џо Бајден со поранешните претседатели Барак Обама и Бил Клинтон генерира над 25 милиони долари, најголема собрана сума досега во историјата на САД.

Бајден синолќа со Обама и Клинтон учествуваше во дискусија во познатата њујоршка „Радио сити мјузикл хол“, модерирана од водителот на „Лејт шоу“ (The Late Show) Стивен Колбер.

Но, настанот неколку пати беше прекинуван од демонстрантите во салата, кои скандираа против политиката на Бајден за поддршка на Израел во војната со Хамас. Еден од демонстрантите извика „Срам да ти е, Џо Бајден“. Тие исто така го прекинуваа и говорот на Обама.

Демонстрантите го прекинаа и настапот на музичарите Квин Латифа, Лизо, Бен Плат, Синтија Ериво и Леа Микеле.

Влезниците за вчерашниот предизборен митинг на Бајден чинеа од 250.000 и 500.000 долари. Дел од донаторите позираа со претседателите, а фотографиите ги направи славната фотографка Ени Лејбовиц. /МИА

Петровска: Судот донесе одлука дека Ковачки неправедно ме клеветел, се откажав од надомест

Овој е само еден од низата примери на неодговорно, нечесно и валкано однесување на политичката сцена од страна на Ковачки, вели Петровска.

Како што ветив транспарентност од почеток до крај на процесот против изнесените лаги, клевети и навреди од страна на Драган Ковачки врз мене сакам да Ве известам дека Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел ми го наруши угледот и честа во очите на јавноста. Ова го објави предмалку министерката за одбрана Славјанка Петровска на нејзиниот фејбук профил.

- Овој е само еден од низата примери на неодговорно, нечесно и валкано однесување на политичката сцена од страна на Ковачки. Како што кажав и на почетокот во медиумите: "Пари од нечесник не сакам" и Ве известувам дека се откажав од паричниот надомест, напиша Петровска.

На ФБ министерката за одбрана напиша дека секој го прави тоа што најдобро го знае, „тие со лагите, јас со труд и одговорна и чесна работа“.

Мериленд доби помош од 60 милиони долари по уривањето на мостот во Балтимор

Американското Министерство за транспорт денеска и додели 60 милиони долари на сојузната држава Мериленд за помош по уривањето на мостот Френсис Скот Ки откако во него удри товарен брод.

Гувернерот на Мериленд Вес Мур претходно побара средства за помош во „мобилизацијата, операциите и отстранувањето на отпадот“.

Мур додаде дека овие средства ќе ги постават темелите за брзо закрепнување.

Инаку, по уривањето неколку работници паднаа во водите на реката Патапско. Телата на двајца мажи, на возраст од 35 и 26 години, беа пронајдени во средата, на 7,6 метри под вода во реката Патапско.

Жртвите паднале од височина од 50 метри во водата, која била околу -1 Целзиусов степен во моментот на падот, изјави портпаролот на противпожарната служба во Балтимор, Кевин Картрајт.

Несреќата се случи во вторникот откако товарниот брод „Дали“ удри во еден од столбовите на мостот. /МИА

притисни ентер