Македонија

Предлог-законот за игрите на среќа и за забавните игри не е прифатлив

Законодавно правната комисија констатира дека Предлог-законот за игрите на среќа и за забавните игри не е прифатлив.

Со девет гласови „за“, двајца „против“ и ниту еден воздржан, собраниската Законодавно правната комисија констатира дека Предлог на законот за изменување и дополнување на Законот за игрите на среќа и за забавните игри во прво читање поднесен од пратениците на „Европски фронт“ не е прифатлив и не треба да се даде на натамошно читање.

Претседателот на Законодавно правната комисија Александар Велјановски соопшти дека вчера матичното работно тело Комисијата за финансирање и буџет констатирала дека овој Закон не е прифатлив и не треба да се даде на натамошно читање.

Еден од предлагачите пратеничката на „Европски фронт“ Иљире Даути во образложението на законското решение нагласи дека со измените и дополнувањата бараат објектите на игрите на среќа дејноста да ја вршат само во хотели со пет ѕвезди.

-Нема место околу училиштата, верските и културните објекти каде нема вакви објекти на игрите на среќа. Сите ние треба да претендираме да сме држава, среќата на народот да биде преку вработувања и други работи за да имаат материјални придобивки, а не на овој начин. Првата точка е поради фактот дека целиот проблем стои во тоа дека нема ограничувања што се однесува на овие дејности каде ќе се одвива. Секој објект што е слободен во територија може да се искористи без ниту една пречка и за ваква дејност за приредување на игри на среќа. Немајќи вакви ограничувања дојдовме до ситуација дека тие можат да се отворат толку многу вакви објекти на игри на среќа и има такви мислења кои што велат дека игрите на среќа е подобро воопшто да не постојат. Дојдовме до решение дека најдобро е да бидат дислоцирани само во хотели со пет ѕвезди, рече таа.

Втора точка, како што потенцира Даути, со денот на влегување во сила на овој закон приредувачите на игри на среќа во казината, обложувалниците, автомат клубовите и томбола од затворен тип за секое истакнување на назив, реклами, објави и огласи на јавни места како и за назив на деловна просторија, да плаќаат месечен износ од 200 евра во денарска противвредноста за секој м2 од површината на која се наоѓа називот, рекламата, објавата и огласот кои средства се уплатат на посебна сметка на општината на чија територија се наоѓа деловната просторија. Уплатените средства од приредувачите на игрите на среќа, општините да ги користат за поддршка на спортот и спортските активности на општината, лицата со посебни потреби, инвалидските организации и здруженијата на граѓани за борба против семејното насилство.

Без никакво образложение и појаснување, претседателот на комисијата Велјановски ги повлече од дневен ред на седницата Предлог на законот за прогласување на Kањон Матка за споменик на природата, Предлог на законот за прогласување на Студенчишко Блато за Парк на природата, Предлог на закон за прогласување на Охридско Езеро за споменик на природата, сите три во второ читање.

Живот

Храмот на Посејдон во близина на Атина доби ново осветлување по 20 години

- Отсега натаму, ќе можеме да се восхитуваме на величината на локалитетот од секој агол, без разлика дали го гледаме од море или од копно, рече Мицотакис.

Новото, обновено осветлување на храмот на Посејдон, што се наоѓа во Сунио, во близина на Атина, доцна синоќа беше свечено презентирано во присуство на грчкиот премиер Кирјакос Мицотакис, претседателот на Парламентот Константинос Тасулас и министерката за култура Лина Мендони, јави дописничката на МИА од Атина.

Претходното осветлување беше од 2004 година, а од синоќа, храмот стар околу 2.500 години на ’ртот Сунио, што е и една од главните туристички атракции во Атина, доби ново светло, за кое Мицотакис рече дека е „модерен систем за осветлување, кој буквално ќе му овозможи да блесне уште посилно“.

- Отсега натаму, ќе можеме да се восхитуваме на величината на локалитетот од секој агол, без разлика дали го гледаме од море или од копно, рече Мицотакис.

Тој додаде дека храмот на Посејдон, „сега кога е осветлен од зраците на 21 век, изјавува дека Грците можат да постигнат многу, со умереност, со самодоверба, со смелост“. /МИА

Македонија

ВИВА со гордост ја претставува новата категорија на производи – Viva la Cucina!

Компанијата ВИВА, позната по својот врвен квалитет и иновации во индустријата за пијалаци во изминатите 30 години, го проширува своето портфолио со нова категорија на производи „Viva la Cucina“, која вклучува повеќе типови кечапи и доматни сосови

Новите производи од „Viva la Cucina“ претставуваат комбинација од премиум квалитет и практичност, задржувајќи ги богатите традиционални вкусови и значително олеснувајќи го секојдневното готвење и подготовката на зимници. Категоријата „Viva la Cucina“ е создадена со идеја да одговори на предизвиците на современото динамично секојдневие, кога времето е ограничен ресурс, а обврските се бројни.

Сите производи од оваа категорија се направени од најсочните и внимателно одбрани македонски домати, со цел да донесат автентичен вкус и кулинарска иновација во секоја кујна. „Viva la Cucina“ вклучува пет извонредни вкусови: благ и лут кечап, како и благ (класик), лут (чили) и медитерано (со зачини) доматен сос.

Петте типа на кечапи и доматни сосови се спакувани во практични флексибилни амбалажи со капаче, кои овозможуваат брза и лесна употреба, максимална искористеност и зачувување на вкусот и квалитетот.

„Нашата мисија е да создадеме производи кои не само што внесуваат свежина и иновација во секојдневното готвење, туку и будат задоволство преку вистинските, автентични вкусови на нашето поднебје. „Viva la Cucina“ е резултат на нашата целосна посветеност кон врвниот квалитет и страста со која создаваме нешто посебно за секое семејство, за секоја трпеза,“ велат од менаџментот на ВИВА.

Новата производствена линија е достапна во продажба од почетокот на оваа година, а за првпат беше претставена на годинешниот настап на ВИВА на светскиот саем за храна и пијалаци „Gulfood“, кој се одржа во Дубаи.

Во своето 30-годишно постоење, ВИВА континуирано инвестира во развој на своето портфолио, нудејќи квалитетни, практични и иновативни производи на пазарот. Доматните сосови и кечапите се веќе втора категорија со која ВИВА го проширува своето портфолио оваа година, по успешното лансирање на петте различни вкусови на „Viva Smoothie“.

Фудбал

Киелини доби менаџерска улога во Јувентус

 Поранешниот долгогодишен фудбалер и капитен на Јувентус, Џорџо Киелини, се врати во италијанскиот гигант во улога на менаџер.

„Се вратив дома, во друга форма и улога, Јувентус е дел од мене“, објави синоќа Киелини на социјалните мрежи.

Тој ќе ја извршува административната улога на директор за институционални односи на Јувентус.

Киелини со Јувентус одигра 561 натпревари, а освои девет титули во Серија А, пет во Купот на Италија и двапати стигна до финалето на Лигата на шампиони (2015, 2017).

Киелини ја заврши својата фудбалска кариера минатата година, додека настапуваше за Лос Анџелес./МИА

притисни ентер