Пратеникот Миле Талевски учествува на НАТО јавен форум во Вашингтон

Од Собранието на Форумот учествуваше пратеникот Миле Талевски, заменик-шеф на Делегацијата на Собранието во ПС НАТО.

Во рамки на активностите поврзани со НАТО Самитот на шефовите на држави и влади на НАТО по повод 75-годишнината од Алијансата, на 10 и 11 јули 2024 г. во Вашингтон паралелно се одржа НАТО Јавен Форум со бројни учесници на глобално ниво. Парламентарното собрание на НАТО, преку Одделот за јавна дипломатија во НАТО, обезбеди покана за сите шефови и заменици шефови на делегациите на парламентите на земјите-членки на ПС НАТО, за учество на Форумот.

Од Собранието на Форумот учествуваше пратеникот Миле Талевски, заменик-шеф на Делегацијата на Собранието во ПС НАТО.

Јавниот форум на НАТО е отворен настан заеднички организиран од НАТО и Владата на САД со организациите на граѓанското општество, во соработка со Атлантскиот совет, Центарот за нова американска безбедност, ГЛОБСЕК, Германскиот Маршалов фонд на Соединетите држави и Институтот Хадсон.

Првиот ден НАТО Јавниот форум го отворија Ентони Блинкен, државен секретар на САД, Лојд Остин, државен секретар на САД за одбрана и Јенс Столтенберг, Генерален секретар на НАТО.

Вториот ден Форумот го отвори Џејк Саливен, национален советник за безбедност, по што следеа панел дискусии, трибини и студиски интервјуа со онлајн учество на публиката.

Форумот промовираше подобро јавно разбирање на политиките и целите на НАТО и одлуките што треба да се донесат на Самитот во Вашингтон, преку дијалог и ангажман со единствена и разновидна група на засегнати страни, од шефови на држави и влади и министри, до меѓународни безбедносни експерти, креатори на мислење, академици, новинари и млади луѓе, во серија панел-дискусии, дебати и интерактивни сесии на различни теми од агендата на НАТО. Форумот обезбеди клучни говори од истакнати функционери, интерактивни панел дискусии на различни теми поврзани со меѓународната безбедност, можности за поврзување со други лично и онлајн од земјите-членки на НАТО и земјите партнери.

Беа реализирани неколку паралелни сесии за прашања и одговори и за споделување на сопствените перспективи на учесниците, меѓу кои и посебен Панел посветен на Западниот Балкан, на кој учествуваа министри за надворешни работи на земји од овој регион.

Собрание на Република Македонија

Шведските ракометарки набавија душеци од ИКЕА за поубав сон во Олимпиското село

 Шведската женска ракометна репрезентација купи душеци од ИКЕА за престојот во Париз за време на Олимписките игри.

Според „Aftonbladet“, повеќето играчи на тимот нарачале душеци на сопствен трошок, бидејќи не биле задоволни од понудените во Олимпиското село.

- Проблемот не е што во Олимпиското село има картонски кревети - тоа многу ни одговара. Но, душеците се тврди. Тие се многу нови и ќе биде потребно време да омекнат. Чувствувавме дека едвај чекаме и решивме добро да се наспиеме од самиот почеток, изјави ракометарката Јамина Робертс.

Олимпијадата ќе се одржи од 26 јули до 11 август.

СПАК откри криминалната група, која за 20-45 000 долари пренесувала албански државјани до САД

Специјалното обвинителство против организиран криминал и корупција, СПАК,  откри криминална група, која преку фалсификувана документација, организирала префрлување албански државјани, со крајна дестинација Соединетите американски држави.

Оваа криминална активност се сомничи дека е добро организирана на транснационално ниво, бидејќи илегалниот премин во САД е потврдено дека се вршел на релација Албанија-Италија-Шпанија-Мексико-САД.

-Лицата инволвирани во оваа криминална активност вршеле, пред сè воспоставување контакт меѓу лицата заинтересирани за заминување во САД а главниот организатор Л.М., во соработка со други лица, обезбедувало брзо изготвување фалсификувани документи за идентификација, патни билети, опремување со нови мобилни уреди и телефонски броеви, според земјите во кои се вршело патувањето и слично, јавија албанските медиуми.

Заинтересираните лица со албански пасош ја преминувале албанската граница, а на аеродромите во Шпанија од каде се вршел транзитот кон Мексико, па потоа кон САД, ги пречекувале други лица инволвирани во оваа криминална активност, кои ги обезбедувале нив со фалсификуван документ за идентификација. Целата оваа активност траела не повеќе од 15-20 дена и секое лице плаќало сума од 20 до 45 илјади долари.

Приведени се пет лица на кои им е одредена мерка притвор.

Нов изглед – нова свежина: Разлади се со „VIVA Ice Tea“

Летото станува уште позабавно со „VIVA Ice Tea“.

Водечкиот македонски бренд за безалкохолни овошни пијалаци, го освежи визуелниот идентитет на своите овошни ладни чаеви. Добро познатите пијалаци за сите возрасти сега се достапни со нов освежен изглед.

Оваа категорија на производи, со вкусови на праска, брусница и лимон во пакувања од 1,5 литри и 0,5 литри, сега имаат нови редизајнирани етикети кои го истакнуваат квалитетот и свежината на овие пијалаци.+

"Нашата цел е секогаш да бидеме во тек со актуелните трендови и да ги задоволиме очекувањата на нашите потрошувачи. Новиот дизајн не само што го рефлектира нашиот ангажман за квалитет, туку ја нагласува природната свежина на нашите производи" велат од менаџментот на „ВИВА“.

Ладните овошни чаеви од портфолиото на „ВИВА“ кои се присутни на македонскиот пазар веќе 15 години, достапни се и во земјите од Блискиот Исток.

Со својата посветеност кон задоволството на потрошувачите веќе три децении, „ВИВА“ континуирано го потврдува својот врвен квалитет и иновативност во работењето.

притисни ентер