Македонија

Пратениците од опозицијата бараат оставките на Филипче и Хасани да бидат доставени од Владата

Претседателот на Собранието Талат Џафери кажа дека тој ќе ги стави оставките на дневен ред тогаш кога ќе му бидат доставени од премиерот.

Пратениците од редовите на опозициската ВМРО-ДПМНЕ побараа од претседателот на Собранието Талат Џафери како прва точка на денешната 50-та седница, да се најде предлог-одлука за разрешување на Венко Филипче од функцијата министер за здравство, што беше одбиено од спикерот на Парламентот, со образложение дека, согласно Уставот, таквиот предлог треба да биде доставен од страна на претседателот на Владата. Џафери потенцира дека таков предлог не добил од премиерот.

– Процедурата за разрешување на член на Влада е санкционирана во член 94 од Уставот. Во став еден од член 94, се вели дека члена на Влада има право да поднесе оставка. Претседателот на Владата може да предложи разрешување на член на Владата. За предлогот за разрешување на член на Влада одлучува Собранието на правата наредна седница, објасни Џафери.

Координаторот на пратеничката група на ВМРО-ДПМНЕ Никола Мицевски, цитирајќи го членот 220 од Деловникот на Собранието, во кој се вели дека Собранието на првата наредна седница, без претрес, констатира дека на претседателот на Владата или на член на Влада му престанува мандатот на денот на одржување на седницата, бараше од првиот парламентарец, да ги констатираат дадените оставки на министерот за здравство и неговиот заменик. Тој потсети дека имало таков случај во 2013 година кога тогашната опозиција СДСМ побарала разрешуваше на висок функционер и тој предлог бил ставен на дневен ред.

– Вие официјално немате добиено оставка. Каде е оставката? Патува од Влада? Чекаме дали ќе биде прифатена? Министерот од Влада решил да даде оставка од морални причини. Ќе му ја оспорите неговата желба дека решил од морални причини да поднесе оставка? Вие ќе го правите неморален? Ова ли е целата игра која треба да се случи во Собрание, вели Мицковски.

Пратеникот од Левица, Димитар Апасиев цитирајќи ги ставовите на член 219 од Деловникот рече дека премиерот во случај на оставка треба само неа да ја достави до Парламентот.

– Оставката се поднесува до претседателот на Парламентот преку премиерот. Оставката во правото е чин на неотповиклива волја. Оставката не е чин, која некој да ја оценува или преоценува, бидејќи е висок етички морален чин на оној кој ја поднесува. И самиот подносител кога ќе ја пушти не може да ја повлече, а не некој да му ја преоценува, рече Апасиев, кој забележа дека Џафери треба да реагира до премиерот зошто уште оставката не е доставена до Собранието.

Пратеникот Антонијо Милошоски побара предлог точката за одлука за разрешување на Венко Филипче од функцијата министер за здравство да биде ставена на дневен ред посочувајќи дека очекува поддршка од страна на сите пратеници, односно како што рече тој да се констатира оставката за да може на овој важен ресор да се предложи посоодветна личност.

– Сметаме дека тоа е најмалку што може да го направи Собранието, да ја констатира оставката на министерот Филипче, којшто сноси објективна одговорност за ваквата катастрофа, а за субјективната негова одговорност или на други чинители ќе се одлучува во истражна постапка Јавното обвинителство, рече Милошоски.

Претседателот на Собранието Талат Џафери кажа дека тој ќе ги стави оставките на дневен ред тогаш кога ќе му бидат доставени од премиерот.

Претходно, пратениците прифатија неколку закони, меѓу кои Закон за дополнување на Законот за реализација на инфраструктурни проекти за изградба на патна делница Миладиновци – Штип и патна делница Кичево – Охрид, по скратена постапка и Закон за дополнување на Законот за превоз во патниот сообраќај, по скратена постапка. Пратениците прифатија на седницата да се расправа и предлог на закон за дополнување на Законот за облигациските односи, по скратена постапка, поднесен од група пратеници.

По барање на координаторот на ВМРО-ДПМНЕ Мицевски, кој побара од Џафери пауза за да бидат доставени оставките од Владата, претседателот на Парламентот даде пауза, но образложи дека и да стигнат оставките, тој нема да може да ги стави на дневен ред денеска. /МИА

Свет

Маж се запали во близина на антикорупциската канцеларија во Јужна Кореја

Маж се самозапали во близина на канцеларијата за истрага за корупција во Јужна Кореја, каде што отповиканиот претседател Јун Сук Јеол беше сослушан под обвинение за бунт, соопшти националната противпожарна служба.

Маж на околу 60 години имал тешки изгореници и бил во несвест по инцидентот, кој се случил околу пладне, соопшти пожарникарската служба. Новинската агенција Јонхап претходно објави дека мажот починал.

Толпата луѓе кои протестираа против апсењето на Јун, поврзана со неговата ненадејна одлука да прогласи вонредна состојба на 3 декември, која ја втурна земјата во политичка криза, сè уште биле собрани пред канцеларијата во моментот на инцидентот.

Свет

Канцеларијата на Нетанјаху: Не е постигнат договор

Кабинетот на израелскиот премиер Бенјамин Нетанјаху соопшти дека не е постигнат договор.

Кабинетот на премиерот соопшти дека Хамас „се повлече“ поради „цврстиот став“ на Нетанјаху за најновите барања во врска со распоредувањето на силите во коридорот Филаделфија меѓу Газа и Египет. Сепак, кабинетот на Нетанјаху посочува дека има уште „неколку отворени клаузули“ во договорот што треба да се решат - но премиерот се надева дека деталите ќе бидат финализирани во наредните часови.

Новоизбраниот американски претседател Доналд Трамп ја презеде заслугата за договорот за прекин на огнот меѓу Израел и Хамас во нова објава на платформата Truth Social.

Опишувајќи го договорот како „епски“, Трамп рече дека договорот можел да биде постигнат само благодарение на неговата „историска“ изборна победа, бидејќи тоа „сигнализирало на целиот свет“ дека неговата администрација „ќе бара мир и ќе преговара за договори за да се осигури безбедноста на сите Американци и нашите сојузници“.

Тој вети дека неговиот тим за национална безбедност и неговиот избор за пратеник за Блискиот Исток, Стив Виткоф, ќе продолжат „тесно да соработуваат со Израел и сојузниците за да се осигураат дека Газа никогаш повеќе нема да стане рај за терористите“. Тој додаде:

„Ќе продолжиме да го промовираме МИРОТ ПРЕКУ СИЛА низ целиот регион, додека го надградуваме моментумот на овој прекин на огнот за дополнително да ги прошириме историските Авраамови договори. Ова е само почеток на големите работи што доаѓаат за Америка и, навистина, за светот! Постигнавме толку многу, а не сме ниту во Белата куќа. Замислете ги сите прекрасни работи што ќе се случат кога ќе се вратам во Белата куќа и кога мојата администрација ќе биде целосно потврдена, за да обезбедиме уште повеќе победи за Соединетите американски држави!" напиша Трамп.

Свет

Бајден на самиот крај на мандатот воведе нови санкции против Русија

Денеска, во последните денови од мандатот на претседателот Џо Бајден, Соединетите Држави воведоа нови санкции кон Русија поради нејзината инвазија на Украина, насочени кон речиси 100 субјекти, вклучително и енергетскиот и банкарскиот сектор на Русија.

Американското Министерство за финансии, по новата извршна наредба, објави дека воведува нови санкции за клучните руски субјекти, само неколку дена пред Доналд Трамп повторно да влезе во Белата куќа.

Вашингтон, исто така, го спречи моделот на затајување санкции, идентификуван меѓу актерите во Русија и Кина и Керемет банка, финансиска институција со седиште во Киргистан која го координираше избегнувањето санкции меѓу руските официјални лица и американската банка.

„Нашата цел со овој потег е да им ставиме до знаење на финансиските институции, но и на компаниите, дека бизнисот со Русија што го поддржува нејзиниот воено-индустриски комплекс ги изложува на санкции“, рече функционерот, кој побарал да остане анонимен. Американскиот Стејт департмент, исто така, воведува санкции против повеќе од 150 субјекти и поединци.

притисни ентер