Диететските суплементи помагаат во подобрување на здравјето, зајакнување на имунитетот, но постојат и такви со кои треба да бидеме посебно внимателни.

Со продажбата на суплементи фармацевтските компании остваруваат голем профит бидејќи луѓето ги користат повеќе од кога и да е. Тие имаат позитивен ефект на целокупното здравје, но претераната употреба може да има и негативни последици, предупредуваат стручњаците.

Една студија од минатата година сугерира дека дури 89% од 57-те тестирани суплементи немале точно наведени состојки на етикетите.

Стручњаците препорачуваат хранливите материи да се внесуваат преку исхраната. Професорот Роб Чилкот, шеф на Одделот за токсикологија при Унивезитетот Херефордшир во Велика Британија, предупредува на долгорочните ризици од земањето премногу суплементи.

Магнезиум

Магнезиумот е многу важен за здравјето на нашите мускули и нерви, како и за регулирање на нивото на шеќер во крвта. Препорачаната доза за возрасни е помеѓу 310 и 420 милиграми, во зависност од полот и возраста. Ако сте земале повеќе од 500 mg на ден, тоа може да предизвика поспаност, губење на рефлексите, црвенило на лицето, а понекогаш и парализа и смрт. Консумирањето на овој додаток, според лекарите, може да го намали нивото на калциум, што може да предизвика цела низа други здравствени проблеми како депресија, аритмија и слично, наведува една клиника во Кливленд. Исто така, луѓето кои имаат слаба функција на бубрезите се особено изложени на ризик од предозирање со магнезиум.

Витамин Ц

Витаминот Ц му помага на имунолошкиот систем да функционира и му помага на телото да го апсорбира железото. Се смета за безбеден и предозирањето со овој витамин е исклучително ретко. Оптималната дневна граница е помеѓу 75 и 90 mg, но возрасните можат да земаат до 2.000 mg од овој витамин дневно. Земањето повеќе од оваа горна граница може да предизвика замор, проблеми со бубрезите и недостаток на витамин Б12. Луѓето кои страдаат од гихт, цироза и бубрежни заболувања особено треба да избегнуваат високи дози на овој витамин.

Витамин Д

Витаминот Д има повеќе улоги и е важен за нашиот имунолошки систем, мускулите и нервите и за коските. На луѓето им се советува да внесуваат по 15 mg на ден и не повеќе од 100 mg, што е иста количина како да сте изеле 13 јајца. Малку е веројатно дека ќе развиете симптоми од голема доза на витамин Д, доколку земате доза помала од 250 mg дневно. Овој додаток е еден од поризичните доколку се претера, но здравствените придобивки од овој витамин ги надминуваат неговите ризици. Предозирањето со овој витамин го зголемува нивото на калциум во крвта, што доведува до конјунктивитис, болка, треска, повраќање и губење на тежината, се наведува на bussinesinsider.com

Рибино масло

Иако лекарите и нутриционистите ја нагласуваат важноста на омега 3 масните киселини бидејќи тие се важни за функциите на срцето, крвните садови и белите дробови, и за овој додаток постојат ограничувања. Безбедно е да се земаат до 2 грама рибино масло, што е еквивалентно на една порција варен лосос. Главниот ризик поврзан со внесувањето рибино масло се тешките метали и живата што може да ги содржат рибите поради загадените води. Иако рибите се прочистуваат од тешките метали, една студија покажала дека суплементите со рибино масло не содржеле арсен, бакар, железо или жива, но истата студија потврдила дека неколку суплементи на рибино масло содржеле олово.

Извор: srecna.republika.rs

Седумгодишната Емори Џонсон ја изгубила својата мајка Карли Борднер неочекувано на 13 март, според округот Џексон Сентинел, објави Њујорк Пост.

Карли починала само неколку дена пред нејзиниот 30-ти роденден и била погребана неколку дена подоцна. Првиот пат кога Емори отишла на гробиштата во Гантерсвил со нејзината баба Џенифер, била вознемирена бидејќи нејзината мајка немала надгробен споменик.

„Изгледаше како да е заборавена“, изјавило девојчето за CBS News. Бабата ѝ објаснила на внуката дека семејството не може да си го дозволи тоа. Емури веднаш дошла на идеја да собере пари за надгробната плоча со отворање на штанд за лимонади, изјавила гордата баба.

Штандот започна со само четири лимони, но донациите брзо се надополнуваа. Емори на почетокот никому не ја кажа својата причина, но се слушна и еден куп добри Самарјани се упатија кон штандот. Иако цената на една лимонада била само 1 долар, минувачите често давале многу повеќе.

Благодарение на публицитетот, компанијата за споменици понудила да донира соодветна надгробна плоча, споделија Bordners во објава на Фејсбук. Собраните 15.000 долари на штандот сега ќе помогнат да се покријат трошоците за погребот.

@cbseveningnews When 7-year-old Emouree Johnson's mom died unexpectedly, her family couldn't afford a granite tombstone. That's when she started a lemonade stand to help her family pay for one, and when word spread to the community, she raised over $15,000. #goodnews #alabama #positivity #hopecore #real #lifeisbeautiful #lemonade #children ♬ original sound - CBSEveningNews

Емори се уште е изненадена од тоа колку луѓе излегоа да ја поддржат неа и нејзиното семејство. „Не знаев дека само малку лимонада ќе донесе толку многу луѓе во мојата куќа. Забавно е, но во исто време е и неверојатно“, рече таа.

Право на глас имаат 1.814.317 гласачи запишани во единствениот избирачки список.

Во текот на денот ќе гласаат избирачите запишани во посебниот извод од избирачкиот список, односно дијаспората, затворениците, лицата во старските домови, болните и изнемоштени и внатрешно раселените лица.

Во посебниот избирачки список за лица кои за време на изборите се наоѓаат на издржување казна затвор или се во притвор, запишани се 2.147 избирачи. 534 лица се наоѓаат во установи за вон семејно згрижување а две лица се водат како внатрешно раселени.

Гласањето за претседател започна во саботата – први гласаа членовите на избирачките одбори кои отпатуваа да го спроведат гласањето во дијаспората. Во посебниот извод од избирачкиот список се запишани 191 избирачи кои треба да го спроведат гласањето во дијаспората. Во дипломатските претставништва и конзуларни канцеларии треба да гласаат 2.571 наши државјани, кои се пријавиле за гласање.