Регион

Поврдени по судирите меѓу Србите и косовската полиција

Рафални истрели, шок бомби и солзавец.

Десетина луѓе, како што пренесува РТС, се повредени во инцидентите кои избија пред Општина Звечан на северот на Косово, испровоцирани од обидот новоизбраниот претседател на Општината да ја преземе должноста. Судирите меѓу локалното население и косовската полиција избија откако косовските Срби се обидоа да ги спречат косовските специјалци да воспостават ред и да ја гарантираат безбедноста на новиот градоначалник – Албанец, Иљир Пеци за да почне со работа.

-Тргнаа и на жените и на мене. Не прскаа со солзавец. Ме влечеа меѓу два автомобила и почнаа да ме тепаат. , изјави Александар Арсенијевиќ Граѓанската иницијатива „Српски опстанок“

Операцијата на косовските специјалци во четирите општини со мнозинското српско население ја најавија сирени, а нереди, освен во Звечан, избија и пред општинските згради во Лепосавиќ и во Зубин Поток, каде косовските специјалци упаднаа, а локалните Срби со жив штит се обидуваа да спречат градоначалниците Албанци да ја преземат должноста.

-Пукајте, пукајте слободно, никој нема да се помрдне. Никој нема да ве задева. Дајте им на луѓето вода. , жител на Звечан

-Три проценти излегоа (на избори) и вие со три проценти сакате да спроведувате закон. Тоа е терор над народот. , жител на Звечан

Српскиот претседател Вучиќ ја стави армијата во состојба на највисока борбена готовност и и наложи на војската да се распореди долж административниот премин со Косово.

-Генералштабот на вооружените сили на Србија издаде дополнителни наредби единиците на Вооружените сили на Србија да заземат одредени позиции кои беа дефинирани во согласност со нашите одбранбени планови, стратешки планови, а понатаму и со оперативно тактичко дејствување на вооружените сили на Србија, се со цел заштита на суверенитетот на Република Србија. , изјави Милош Вучевиќ, министер за одбрана

Новите тензии следат откако вчера новите претседатели на трите општини положија заклетва и станаа први градоначалници од албанска нациоаналност од формирањето на структурите на локалната власт. Тие беа избрани на изборите пред еден месец, откако Србите кои се мнозинство во овие општини на повик на Белград ги бојкотираа изборите. Тогаш гласаа само Албанци, а излезноста беше неполни четири проценти.

Шоу биз

Здравко Чолиќ го слави својот 72 роденден: Енергијата не соодвествува со годините

Здравко Чолиќ денеска го слави својот 72 роденден.

Иако е во осмата деценија, неговата енергија не соодветствува со изводот на родените, како што покажа на неодамнешниот концерт во Тузла.

Роден е во Сараево во скромно семејство, а со децении е една од најголемите музички ѕвезди на овие простори.

Иако жените лудуваа по Чола, тој никогаш не го привлече вниманието на јавноста со љубовните врски.

Тој веќе подолго време е во брак со Александра која не се појавува со него во јавност, а имаат две ќерки.

Свет

Украина: Секогаш знаеме каде се Путин и Пригожин, ги следиме во реално време

Воената разузнавачка служба на Украина во реално време го следи местото каде се наоѓаат Владимир Путин и основачот на групата Вагнер, Евгениј Пригожин, изјави портпаролот на службата.

Андриј Јусов рече дека „и покрај сите обиди и напори да се сокријат овие информации“ и наводната употреба на „различни технологии, вклучително и употребата на двојници“, Русија не успева да ги скрие локациите на Путин и Пригожин.

Што се однесува до нивното место на живеење, се разбира дека знаеме каде се тие во секое време“, изјави Јусов за Киев пост. „Путин е чуван, тој е добро чувана личност. Пригожин не е таков и тој се однесува можеби најслободно меѓу рускиот естаблишмент. Сите овие информации ни се познати нам и на нашите партнери и често се следат во реално време“, додава тој.

Тој вели дека во моментов Украина нема желба или намера да го убие ниту Пригожин, ниту Путин. „Во однос на приоритетните цели, сите воени злосторници мора да бидат казнети“, рече тој.

„Како цивилизирана земја, Украина е заинтересирана казнувањето на воените злосторници во рамките на меѓународното право пред меѓународен суд. Во овој контекст, приоритет број еден за Украина и Централната разузнавачка агенција е навистина да го доведат Путин до Хаг на судење пред овој суд“, заклучи тој, пренесе Индекс.хр.

Технологија

„WhatsApp“ тестира интересна опција за „Android“

„WhatsApp“ е во фаза на тестирање на функцијата за споделување екран, која црпи инспирација од платформите „Zoom“ и „Microsoft Teams“.

Според веб-страницата „WABetaInfo“, функцијата ја снима и прикажува содржината на екранот на корисникот што се споделува со лицето на другиот крај на видеоповикот.

Оваа опција се прикажува како нова икона на телефонот со стрелка која покажува настрана од уредот. По притискање на новото копче, се појавува порака со која го прашува корисникот дали сака да започне да снима или прикажува содржина на „WhatsApp“.

Пораката е придружена со известување дека „WhatsApp“ ќе има пристап до која било лозинка, фотографија или детали за плаќање прикажани на овој начин. Ако корисникот се согласува со ова, тој може да кликнете на „ Start now “. Споделувањето екран може да се прекине во секое време.

Споделувањето екран моментално е достапно само за избрани тестери на „Android“, но би требало да стане достапно за повеќе корисници во наредните недели.

притисни ентер