Повозрасните стружани со најголем интерес за вакцинација против Ковид – 19

Процесот на имунизација против Ковид – 19 на населението во Струга се одвива без проблеми. 

Досега, како што информира директорот на Здравствен дом – Струга Андон Ложанкоски, една доза вакцини примиле 15.100 лица, а со две дози се вакцинирале 13. 477 пациенти.

Според него, имало интерес и за трета доза од производителот „Фајзер", која досега била аплицирана кај 1.514 стружани.

– Интерес за вакцинација има кај сите возрасни групи, но најголем е кај повозрасните, од над 60 години. И за трета доза најмногу се заинтересирани повозрасните пациенти и медицинскиот персонал, изјави Ложанкоски.

Во моментот, во струшкиот Здравствен дом се аплицираат вакцини против Ковид – 19 од производителот „Фајзер", но, како што информира директорот, се чуваат и од кинеските „Синовак", за ревакцинација, односно втора доза, за оние пациенти што примиле прва доза од овој производител.

– Апелирам до населението да се вакцинира што помасовно, за ублажување на последиците од Ковид – 19, подвлече Ложанкоски.

Според последниот извештај на Институтот за јавно здравје, за периодот од 22 до 28 ноември во Струга се вакцинирало 36,4 отсто од населението. Процентот на вакцинација на децата од 12 до 18 години е околу 41 отсто, додека 44,5 проценти е опфатот на вакцинација на лицата над 18 години. /МИА

Ѓоковиќ купил данска фирма која развива лек против Ковид

Новак Ѓокович купил 80 отсто удел во данската компанија „QuantBioRes“, која развива терапија против Ковид-19, потврди генералниот директор на компанијата Инан Лочаревиќ за Ројтерс.

Според данскиот деловен регистар, Јелена и Новак Ѓоковиќ се вистински сопственици на данската компанија од 3 јули 2020 година. Уделот на Јелена во сопственост е 39,2 отсто, а на Новак 40,8 отсто.

Директорот на компанијата Иван Лончаревиќ изјавил дека инвестицијата била реализирана во јули 2020 година, но одбил да каже колкава е нејзината вредност, пишува Ројтерс.

„QuantBioRes“ вработува 11 научници во Данска, Австралија и Словенија, а примарна цел на компанијата е да се развие лек против Ковид, а не вакцина, вели Лончаревиќ.

Компанијата развива пептид што го спречува коронавирусот да ги инфицира човечките клетки и очекува да започне со клинички испитувања во Велика Британија ова лето, вели Лончаревиќ.

Портпаролот на Ѓоковиќ не одговорил на барањето за коментар, пренесува Ројтерс.

Инаку, Ѓоковиќ не е вакциниран против Ковид, а деновиве е депортиран од Австралија и не може да настапи на Австралија Опен, пишува Индекс.хр.

Србија: Над 17.000 нови случаи со Ковид-19, починале 28 лица

Во последните 24 часа се регистрирани уште 17.318 новозаразени со коронавирусот во Србија.

Од последиците на Ковид-19 починале 28 лица.

На респиратори се наоѓаат 112 пациенти.

Како што е наведено, во последните 24 часа се анализирани 36.434 примероци а 2.619 лица се наоѓаат на болничко лекување.

„Intel“ планира да произведува чипови за рударење на Биткоин

„Intel“ најави дека следната генерација на системи за рударење на Биткоини би можела да се испорачува со „Intel Inside“ налепници.

Компанијата ги најави плановите за тоа дека на нивната претстојна конференција ќе се дискутира за „Bonanza Mine“ чип за рударење на Биткоин.

„Bonanza Mine“ е опишан како ефикасен, „ASIC“ за рударење на Биткоин со ниска потрошувачка, според податоците и документацијата кои се потпишани од страна на тројца претставници на „Intel“.

Засега, програмата не укажува на тоа дали „Intel“ навистина планира да го испорача „Bonanza Mine“ како завршен производ или само како истажувачки проект.

„Intel“ претходно објави планови за блокчеин, како и дека тие нема да вклучваат стандардни процесори или графички карти. Тоа не претставува изненадување, со оглед на тоа дека Биткоин рударењето одмана е преминато на „ASIC“.

„Intel“ нема објавено информации за моќноста за рударање на новиот уред ниту дали ќе биде оптимизиран само за Биткоин.

притисни ентер