Последното деноноќие 164 новозаразени и два смртни случаи

Последното деноноќие 164 новозаразени и два смртни случаи од спроведени илјада и 45 тестови. 

И денеска троцифрен број на нови заболени од КОВИД-19. Регистрирани се 164 случаи од направени 1045 теста, односно 15,7 отсто од тестираните се позитивни.

Дека вирусот се уште зема замав покажува и податокот дека дури 17 општини се впишаа во најновиот корона билтен. Повторно најмногу се во Скопје – 85, а двоцифрен број на новозаболени има и во Куманово и Тетово со 24 односно 18 случаи. Во Ресен каде пред два дена беше регистриран првиот случај, денеска има уште две заболени лица.

Починаа и две пациентки. Едната од Скопје на 53 години во „8 Септември“, а другата во тетовската болница на 60-годишна возраст. На „црната“ листа сега има 171 починат од КОВИД-19.

Од стартот на епидемијата вкупно е регистриран 3701 случај. Активни се 1836 случаи, од кои 1040 припаѓаат само на Скопје. Чаир е општината која предничи со бројот на заболени, а зад неа се Бутел, Гази Баба, Аеродром и Центар.

Алармира податокот дека за неполни две недели бројот на активни случаи пораснал два и пол пати. Ако на први јуни сме имале 606 активни случаи, денес овој број изнесува 1836.

Продолжува вртоглаво да расте и бројот на хоспитализирани пациенти. И на Инфективната клиника и во „8 Септември“ изминативе 24 часа се примени по 16 лица. Вкупно 153 пациенти се лекуваат во двете клиники, од кои 22 се со потешка клиничка слика.

Директорот на „8 Септември“ Костов за Канал 5 вели дека се засилуваат и капацитетите за сместување и бројот на доктори во случај периодов да се зголеми бројот на пациенти за лекување.

„Немаме страв дека нема да бидат примени пациентите, болницата има голем капацитет. Доколку добиеме наплив од поголем број пациенти тогаш ако треба ќе отвориме уште два-три оддели. Обезбеден е медицински персонал од Клиника, исто така ќе ни дојдат на помош и некои доктори од Интерна медицина.“

„Њујорк Тајмс“ објави и мапа на која се гледа дека Македонија, заедно со Бугарија и Косово се единствените земји во Европа кои бележат рапиден раст на заболени од корона.

Со БМВ блокирала противпожарно возило, па добила лекција (ВИДЕО)

Несовесна жена возач можела да биде среќна поради трпението на пожарникарите.

Видеото објавено на Редит уште еднаш покажува колку краткото застанување на патот е непромислен потег. Вклучувањето на сите четири трепкачи не значи дека сте семоќен, особено на улиците каде што автомобилите се веќе паркирани странично, па паркираниот автомобил им пречи на возилата што се обидуваат да го поминат патот.

Оваа жена возач одлучила да го паркира БМВ -то на патот, веројатно мислејќи дека може да се паркира на неколку минути, бидејќи тоа никому нема да му пречи. Токму тогаш, минувале пожарникари, со вклучени сигнални светла и сирена.

Спротивно на очекувањата, пожарникарите одлучиле да почекаат некое време и да ја повикаат сопственичката со сирена, да го отстрани автомобилот и да им дозволат да поминат непречено. По околу една минута, сопственичката, оди спокојно за да седне во автомобилот. Пожарникарите одлучија да ја почестат со соодветна мелодија. Со оглед на сите работи, таа можела да биде среќна за минималното предупредување.

Патем, во претходните случаи, сопствениците на БМВ кои што биле неправилно паркирани и спречиле пожарникарите да пристапат до хидрантот,останале без стакло.

Полицијата се судри со демонстрантите во Париз на протест против ковид-пропусниците (ВИДЕО)

Илјадници луѓе во Франција протестираа денеска против воведувањето на специјални ковид-пропусници, при што дојде до судири со полицијата.

Демонстрантите маршираа низ Париз, а француската полиција, целосно опремена за немири, турна некои од демонстрантите со тупаници и употреби солзавец против некои од нив, објави АП.

Околу 3.000 припадници на безбедносните сили биле распоредени во француската престолнина за време на третата сабота од протестите.

Полицијата зазеде позиции долж Елисејските полињата за да ја заштити таа авенија од демонстранти.

Четири протести биле одржани во Париз, а маршеви имало и во други градови низ земјата.

Додека учесниците на маршот се движеле кон исток, полицијата истрелала солзавец врз толпата, а облаците чад го исполнија небото.

Во настанатиот хаос беше виден маж демонстрант со крвава глава.

Втората група демонстранти била предводена од лидерот на ултрадесничарската партија Национално собрание, Марин Лепен, додека третата група, која марширала кон Министерството за здравство, ја предводел Флоријан Филипо од партијата Патриот.

Пратениците донеле закон за коронавирусот според кој од 9 август ќе бидат потребни пропусници за движење на повеќето места, бидејќи бројот на заразени лица се зголемува, како и бројот на хоспитализации.

Анкетите покажуваат дека повеќето Французи го поддржувале усвојувањето на законот, но некои Французи се силно против.

За добивање на пропусниците е потребен доказ за вакцинација или брз негативен тест или доказ за неодамнешно закрепнување од „Ковид-19“.

Вакцинацијата на сите здравствени работници е наредено да заврши до средината на септември.

Во Русија горат 267 шумски пожари

Во Русија во моментов горат речиси 270 пожари, изјави денеска претставник на прес -службата на Министерството за вонредни ситуации, додавајќи дека 47 од нив се изгаснати.

"Околу 267 пожари сега беснеат на руска територија, додека 47 се изгаснати. Нема опасност за населбите или комерцијалните објекти", изјавила прес -службата за ТАСС.

Јакутија останува под посебна контрола, додаде министерството, истакнувајќи ги напорите направени за заштита на населбите и економските објекти од пожарите.

притисни ентер