Лидерот на ВМРО ДПМНЕ Христијан Мицкоски денеска на средба во СОНК – на претставниците на синдикатот им вети соработка и борба за работничките права во идниот период. Тој е убеден дека ќе формира Влада, нема за зависи од ниедна партија за постизборна коалиција, а верува и во мнозинство од 61 пратеник во Собрание.
-Ние зависиме од граѓаните, граѓаните даваат, но и одземаат. Цениме дека како победничка коалиција ќе имаме голема комоција во делот на преговори со коалициони партнери. Јас сум убеден во огромна победа на ВМРО ДПМНЕ, па не би ме изненадило ако имаме мнозинство во Парламентот, вели Христијан Мицкоски – претседател на ВМРО ДПМНЕ.
СДСМ не стравува од премин во опозиција. Заев и Касами од Тетово ветуваат декаи во следните четири години ќе се фокусираат на евроинтеграциите. Станавме членкаа на НАТО, а за 6 години ќе бидеме и на ЕУ, зачувувајќи го македонскиот идентитет, рече Заев..Заев, категорично ја отвфла идејата за Албанец прмеиер и најаваува дека ДУИ ќе остане во опозиција, но Ахмети синоќа од Гостивар одговори дека тие ќе бидат пресудниот фактор на изборите, како што биле албанците во земјава изминатите две децении.
- Зоран Заев претера со изјави и прави нечесна работа. Не е тој што ќе ја однесе ДУИ во опозиција. Тоа го може само една сила, а тоа се гласачите на ДУИ. Зоран Заев нема да биде премиер. Добро е за нивното здравје да не брзаат и да создаваат проблеми со нас бидејќи не можат да се справат.Така им се случи пред 20 години кога седнавме и преговаравме за многу големи прашања, територијални поделби и тие ја загубија играта мислејќи дека доаѓаме од планина и не знаеме ниту политика ниту дипломатија-Али Ахмети – претседател на ДУИ.
Изборната кампања за 10тите парламентарни избори завршува во недела на полноќ. Потоа следува тридневниот молк и гласањето на повеќе категории на граѓани, на 13ти, 14ти и 15ти јули.