Полскиот премиер: На денот на ослободувањето на Аушвиц, Русија отвора нови логори

Полскиот премиер денеска го обвини Владимир Путин дека „отвора нови кампови на исток“, по повод 78-годишнината од ослободувањето на нацистичкиот логор на смртта Аушвиц-Биркенау, на Денот на сеќавањето на холокаустот.

„На денот на ослободувањето на германскиот нацистички логор на смртта Аушвиц-Биркенау, да се потсетиме дека Путин отвора нови кампови на исток“, напиша Матеуш Моравјецки на Фејсбук, повикувајќи на помош на Украина за историјата „да не се повтори. "

„Мораме одлучно и со заеднички сили да им се спротивставиме на криминалците кои вршат геноцид на истокот на Европа“, предупреди Моравјецки. За разлика од претходните години, руските делегати годинава не беа поканети на одбележувањето на Денот на сеќавањето на Холокаустот, поради руската инвазија на Украина.

Меѓу учесниците на комеморацијата беа верски водачи, преживеани од кампот и Даглас Емхоф, Евреин, сопруг на американската потпретседателка Камала Харис. Во Аушвиц-Биркенау, изграден во окупирана Полска, еден милион европски Евреи - од шесте милиони жртви на Холокаустот - беа убиени од 1940 до 1945 година.

Кампот, во кој загинаа 80.000 Полјаци не-Евреи, 25.000 Роми и 20.000 советски војници, беше ослободен од Црвената армија на 27 јануари 1945 година. Тие умреа во гасните комори, од глад, студ или болест. На комеморацијата, директорот на Меморијалот во Аушвиц ја спореди смртта на луѓето во Украина со страдањата во Втората светска војна.

„Слична болна мегаломанија, слична страст за моќ и слични митови за уникатност, големина, примат... напишани само на руски. Невини луѓе повторно масовно умираат во Европа“, рече Пјотр Цивински во обраќањето до публиката, вклучувајќи ги и преживеаните од Холокаустот. .

Логорот беше основан од нацистичка Германија во окупирана Полска во 1940 година. Отпрвин тој беше дом за полски политички затвореници и стана најголемиот центар за истребување каде што планот на Адолф Хитлер да ги убие сите Евреи - „Конечното решение“ - беше спроведен во пракса. .

Портпаролката на руското Министерство за надворешни работи Марија Захарова вчера на Телеграм напиша дека Западот се обидува да ја преработи историјата и рече дека „сеќавањето на ужасите на нацизмот и советските херои-ослободители не може да се избрише“.

Николовски од Кочани: За 300% ги зголемивме субвенциите за ориз

Министерот за земјоделство, шумарство и водостопанство, Љупчо Николовски заедно со државниот советник за рурален развој, Трајан Димковски денеска беа во работна посета на Кочани.

Николовски заедно со државниот советник за рурален развој, Трајан Димковски денеска беа во работна посета на Кочани, каде остварија повеќе средби со земјоделците производители на ориз, добитници на мерката за набавка на специјализирани комбајни за жнеење на ориз и набавка на сушари за ориз.

„Ориозот, нашето македонско бело злато, со новиот модел за субвенционирање го издигнавме во листата на статешки важни култури за државата, а за оризопроизводителите креирани се мерки, со кој можат да го модернизираат и олеснат своето производство“, изјави министерот Николовски.

До сега за 300% се зголемени субвенциите за ориз. Со новиот модел за субвенционирање оризопроизводителите добиваат основна субвенција од 6.000 денари по хектар и дополнителна субвенција од 19.000 денари по хектар со употреба на сертифициран семенски материјал, или 12.000 денари по хректар доколку не се употреби сертифициран семенски материјал.

Оризопроизводителите, како и сите други земјоделци, на крајот од 2023 година, на своите сметки авасно ја добија основната субвенција, нагласи министерот Николовски.

Производителите на ориз, преку програмата за руруален развој, имаат на располагање мерка со која можат да набават специјализиран комбајн за жнеење на оризот, или сушара за ориз. Поддршка со која можат да го модернизираат своето производство. Ваквата можност, до сега, ја имаат искористено повеќе од 30 оризопроизводители, набавувајќи специјализиран комбајн за жнеење на ориз.

Македонскиот ориз, како важна култура ја заштитивме од увоз, со предвидена 35% заштитна царина, а го помагаме извозот на македонски ориз. Давајќи поддршка во трошоците за амбалажа на извезен македонски ориз. Висината на поддршката која ја даваме изнесува 2,5 денари за пакување во најлонска амбалажа до 500 грама, потоа 5 денари за пакување во најлонска амбалажа до 1 килограм и 10 денари по пакување во хартиена амбалажа до 1 килограм или по пакување во најлонска амбалажа од 3 до 5 килограми.

Од оваа година, како што ветивме пред земјоделците, поддршката за зелена нафта се зголемува за 100%, а оризопроизводителите сега ќе добиваат зелена нафта во износ од 3.200 денари по хектар.

Постојано, сите овие години, сме на терен меѓу земјоделците, ги слушаме нивните предлози, нивните барања и заеднички креираме мерки. Искрен партнер сме на секој еден земјоделец. Креираме мерки кои даваат резултати и го развиваат македонското земјоделство, соопштуваат од МЗШВ.

Иран ѝ испорачал на Русија околу 400 балистички ракети

Иран ѝ испорачал на Русија голем број балистички ракети од типот земја-земја, јавија денеска британските медиуми, повикувајќи се на неименувани извори.

Тројца ирански извори изјавија дека Иран и испратил на Русија околу 400 балистички ракети со краток дострел, како што е „Золфагар“, ракета што може да погоди цели на одалеченост од 300 до 700 километри. Испораките почнале на почетокот на јануари, по состаноците од крајот на минатата година меѓу иранските и руските воени и безбедносни претставници одржани во Техеран и Москва, наведува еден од иранските извори.

Некои проектили беа доставени до Русија со бродови преку Каспиското Море, додека други беа транспортирани со авиони.

-Ќе има повеќе пратки. Дозволено ни е да извезуваме оружје во која било земја што сакаме, изјави неименуван извор близок до иранската војска.

Ограничувањата на Советот за безбедност на ОН за иранскиот извоз на ракети, беспилотни летала и друга технологија истекоа во октомври.

Портпаролот за национална безбедност на Белата куќа, Џон Кирби, на почетокот на јануари изјави дека САД се загрижени поради тоа што Русија е блиску до набавка на балистичко оружје со краток дострел од Иран, покрај ракетите кои се веќе набавени од Северна Кореја.

Паника во град во Холандија- од понеделникот избегала отровна кобра, поставени се стапици

Во тек е потрага по отровна кобра во холандскиот град Лејлистад, која што во понеделникот побегнала од живеалиштеот, објави холандскиот NL Times.

Можно е животното се уште да е некаде во куќата, но сопственикот не успеал да ја најде.

Во градот се поставени стапици за змии, а кучињата трагачи го бараат отровното животно.

Општината ги советува луѓето од околината да ги затворат прозорците и вратите, да ги чуваат домашните миленици во затворени простории и да не ги пуштаат надвор без поводник.

„Шансата да бидете каснати не е голема, но доколку се случи, каснувањето може да предизвика болка, оток и симптоми на невролошки колапс“, велат од општината.

Кобрата (вид Aspidelaps scutatus) е долга околу 50 сантиметри и генерално избегнува конфронтации.

И покрај тоа, на граѓаните им е препорачано да не се обидуваат да ја фатат доколку ја видат.

Експерт за змии на некои места ќе ги испрска тротоарите, за да може да го види отпечатокот на змијата ако помине.

Во Холандија, сличен инцидент се случил во Тилбург, во ноември.

Тогаш отровната зелена мамба избегала, но неколку дена подоцна била пронајдена зад ѕид од гипс на поткровјето на куќата на сопственикот.

притисни ентер