Во интервју објавено денеска во весникот „ Rzeczpospolita “, Рау се пожалил и дека Вашингтон ги укинал санкциите за компанијата што стои зад гасоводот „Северен поток 2“, кој е завршен за транспорт на природен гас од Русија во Германија.
„Бајден ја изедначува цела Европа со Германија“, рече Рау во интервјуто, додека во Велика Британија се одржува самитот Г7, на кој присуствува и Бајден.
„Проблемот е во тоа што Германија ги жртвуваше вредностите и безбедносните интереси на слободниот свет поради соработка со Русија преку контроверзниот гасовод „Северен поток 2 “, рече Рау.
Проектот вреден повеќе милијарди долари најверојатно ќе биде тема на состанокот меѓу американскиот претседател Бајден и канцеларката Ангела Меркел на маргините на самитот Г7, што ќе биде нивна прва средба во живо. Денеска е објавено дека Меркел заминува за Белата куќа на 15 јули.
Во мај, САД делумно се откажаа од долгогодишното спротивставување на гасоводот и ги укинаа санкциите против компанијата што го гради Северен поток 2 за да не ги нарушат односите со Германија.
Осумдневното патување на Бајден во Европа вклучува самит на Г7 во Англија, разговори во Брисел со европските и НАТО лидерите и самит во Женева со рускиот претседател Владимир Путин.
„За жал, американската делегација што доаѓа во Европа, предводена од претседателот Џо Бајден, е толку зафатена со средбата со претседателот Путин, што не најде време да организира состаноци со сојузниците на источното крило“, рече Рау.
Критикувајќи го Вашингтон за не воведување санкции кон Северен поток 2 и неговиот извршен директор, Рау додаде дека „американските сојузници не најдоа време да се консултираат со регионот на светот, што всушност би бил најмногу погоден од тие санкции“.
"Кој тогаш ќе ја плати сметката за германските и американските грешки? Ниту една криза нема да се реши ако едната страна не одговори на телефон или ако има слаба комуникација", рече Рау.
Полската влада се согласи со поранешниот американски претседател Доналд Трамп да го зголеми распоредувањето на американските трупи во Полска.
Бајден, во меѓувреме, за време на неговата кампања за претседателските избори во САД минатата година, го обвини Трамп за поддршка на авторитарните лидери ширум светот, вклучително и Полска.