Полицијата интервенираше во Вевчани по групирањето на откажаниот Вевчански карневал

И покрај апелите од надлежните, вевчанци не се откажаа од одржување на традиционалниот карневал на кој денеска се случи судир меѓу маскираните вевчанци и полицијата, а во целата ситуација реагираше и единицата за брзо распоредување.

Полицијата го растури вевачнскиот карневал откако Вевчанци се судриле со полицајци кои се обиделе да спречат поголеми групирања на дел од василичарите, кои и покрај апелите за заштита од коронавирусот не се откажаа годинешниот карневал и продефилираа на традиционалните поворки.

Од МВР велат дека полицајците интервенирале во Вевчани бидејќи не се почитувале мерките за заштита од вирусот, а имало и групирања на повеќе од четири лица, со што според МВР било загрозено здравјето на граѓаните во услови на глобална пандемија. Засега нема официјални информации дали има приведени.

,,И покрај претходно постигнатиот договор на три одржани состаноци со лицата инволвирани околу одржувањето на оваа манифестација да се почитуваат мерките и да нема групирање, денеска поголема група на граѓани се собра во Вевчани, без почитување на мерките односно со недозволено групирање поради што мораше да интервенира полицијата. По документирање на случајот, ќе бидат поднесени и соодветни поднесоци. Апелираме до сите граѓани заеднички да придонесеме за спречување на коронавирусот односно за зачувување на здравјето како на жителите на Вевчани, така и на сите граѓани, велат од МВР.

Власта апелираше годинава да не се одржи традиционалниот Вевчански карневал, а Општината пред речиси еден месец го откажа културно-забавниот дел, дополнително и двете василичарски друштва, Горна и Долна маала се оградија од организацијата. Сепак тоа не ги спречи василичарите да излезат на улиците на Вевчани, под силно полициско обезбедување.

Од општина Вевчани и градоначалникот Сашо Јанковски претходно апелираа да нема групно собирање, да нема посети на домовите и да се запазат мерките што ги налага Комисијата за заразни болести.

Страшен пожар во Калифорнија, горат индустриски објекти и автобуси (ВИДЕО)

Утрово, индустриската област на калифорнискиот град Комптон бил зафатен од огромен пожар што зафати неколку згради и голем број автобуси.

Огнот прво ја зафатил депонијата за палети, а потоа се проширил на блиската автобуска станица. Уништени се неколку згради и автобуси. Чадот се гледал од неколку километри, пишува ABC7.

На терен има повеќе пожарникари кои се обидуваат да го спречат ширењето на пожарот.

Засега нема извештаи за повредени и не е познато што го предизвикало пожарот.

Средба Заев -Хрисохоидис: Поддршка за аспирациите кон ЕУ и развој на соработката

Претседателот на Владата, Зоран Заев, придружуван од министерот за внатрешни работи, Оливер Спасовски се сретна со Михалис Хрисохоидис, министер за заштита на граѓаните на Хеленската Република.

На состанокот е заеднички констатирано дека е отворено ново поглавје во билатералните односи помеѓу Македонија и Хеленската Република и дека во последниве две години соработка меѓу државите оди во нагорна линија.

Оценето е дека се чувствува напредок во нашата држава, при што е посочено на придонесот на премиерот Заев во посочените развојни процеси. Во таа насока, пренесена е пораката дека Хеленската Република продолжува да ги поддржува аспирациите на нашата држава кон Европската унија, во рамки на важечките договори и добрососедските односи и дека има определеност Хеленската Република да има водечка улога на патот на земјава кон ЕУ. За таа цел, соопштено е дека има политичка поддршка, но и заинтересираност за техничка поддршка на тимовите од Македонија коишто ќе работат на поглавјата во рамки на пристапниот процес кон ЕУ.

Премиерот Заев посочи на придобивките од развојот на добрососедските односи помеѓу двете држави, како што е зголемениот интерес на грчки инвеститори во нашата држава, посебно во областа на енергетиката, како што е интересот за ХЕЦ Чебрен, за ТЕЦ Неготино, или обратно, вклучувањето на нашата држава со 10-процентно учество во стратешкиот проект за природен гас Александрополис.

„Граѓаните и компаниите веќе ги чувствуваат бенефитите од зајакнатата соработка по Договорот од Преспа, а пред нас е голем потенцијал за натамошно унапредување на односите, како на политичко ниво, така и на цивилно ниво", рече премиерот Заев.

На состанокот беа посебно нагласени заложбите за интензивирање на соработката помеѓу МВР и Министерството за цивилна заштита на Хеленската Република, преку денешната размената на планови и идеи, со цел заедничко дејствување во борбата против криминалот и корупцијата, нелегалната миграција, безбедноста на граѓаните. Посочено беше и на посветеноста кон отворањето два гранични премина кај Преспа, Маркова Нога и Мајден. Како пример за меѓусебната доверба е истакната и соработката насочена кон заштитата на интегритетот на воздушниот простор на земјите членки на НАТО и склучениот технички аранжман помеѓу министерствата за одбрана на двете држави.

На средбата е разговарано и за меѓусебната помош и поддршка во справувањето со последиците од пандемијата.

Синдикат на полиција ги осуди денешните напади врз полицајци на Бит пазар

Синдикат на полиција на Македонија изразува безрезервна подршка на сите припадници на МВР кои  денеска учествуваа во обезбедувањето на јавниот ред и мир, а во врска со одржаните протести за случајот „Монструм”.

Истовремено, Синдикатот на Полицијата на Македонија, како што стои во соопштението најостро ги осудува денешните напади врз припадниците на полицијата и ги повикува институциите да ги преземат сите мерки за соодветно кривично правно процесуирање на сторителите.

Апелираат кон актуелното раководството на МВР настанот да не го злоупотребуваат во маркетиншка намера и со тоа, стои во соопштението, повредените колеги дополнително да не ги изложуваат на непријатни состојби.

притисни ентер