Полицијата и инспекторите казнуваат за прекршување на одлуките против корона

Изминатово деноноќие полицијата напишала речиси 500 казни за неносење на заштитна маска на место каде што тоа е обврска. 

Се бројат контактите на тројцата позитивни на коронавирусот кои присуствувале на лудата забава во кампот Градиште во Охрид. Од Центарот за јавно здравје велат дека се уште е рано да се каже каква ќе биде епидемиолошката анкета, резултатите најрано се очекуваат за во среда.

Оваа забава која се одржа пред една недела заврши со кривични пријава за угостителите, но очигледно не послужи како лош пример за некои сопственици на локали, кои и покрај забраните и апелите викендов организираа забави.. Државните пазарни инспектори низ Македонија во последните три дена регистирале 7 прекршоци на угостители , меѓу кои еден објект во Струмица, два во Скопје и четири на охридско-струшкото крајбрежје, каде се организирале и две свадби во струшки хотел со повеќе од 100 гости ..

Последиците и бројот на евентуално новите заболени од овие забави ќе се знае во следните пет до десет дена..

Главниот проблем на ширењето на заразата е однесувањето на луѓето кои ги игнорираат правилата за физичка дистанца и носење на маска, велат епидемиолозите. Апелираат да не се прават масовни собирања, зошто се додека има забави, крштевки и свадби ќе има и многу болни.

Судијата наместо Ѓоковиќ, рече Федерер,Новак налутено изреагира (ВИДЕО)

Новак Ѓоковиќ потешко од очекувањата се пласираше во полуфиналето на турнирот во Рим.

Српскиот тенисер го совлада 97-от играч во светот, Германецот Доминик Коефер, со 6: 3, 4: 6, 6: 3. Мечот го обележа судискиот гаф по третиот гем од третиот сет.

Ѓоковиќ имаше три брејк-топки и веднаш ја искористи првата, а судијата по завршувањето на бодот рече: „Гем, Федерер“.

На најдобриот светски тенисер не му се допадна тоа што судијата го смени со легендарниот швајцарски тенисер кој воопшто не игра во Рим, па го исправи на патот кон клупата и му го кажа ссвоето презиме.

Бројот на заболени во Турција надмина 300.000, докторите се сомневаат во податоците

Вкупниот број нови инфекции со коронавирус во Турција денеска надмина 300 000, соопшти Министерството за здравство на земјата, додека властите се обидуваат да го спречат новото брзо ширење на инфекцијата, а лекарите се сомневаат во официјалните бројки

Турското Министерство објави дека се регистрирани 1538 нови случаи на инфекција во последните 24 часа, а имало вкупно 301.348 од почетокот на ширењето на ковид-19. Бројот на смртни случаи од оваа болест се зголеми за 68, на 7445.

Претседателот Реџеп Таип Ердоган вчера рече дека владата треба да ги засили епидемиолошките мерки за да го спречи зголемувањето на новите случаи на инфекција.

Новиот значителен пораст на бројот на заразени во Турција предизвика тензии меѓу лекарите кои велат дека официјалните податоци го минимизираат ширењето на болеста и политичарите кои ги обвинуваат здруженијата на здравствени работници за поткопување на напорите за борба против епидемијата.

Дневно се пријавуваат околу 1.600 нови инфекции и 60 смртни случаи, што е значително помалку отколку во екот на епидемијата во април, но тие бројки стабилно растат и просечниот дневен биланс на смртни случаи сега е трипати поголем отколку во јуни-август.

Лекарите во Турција носеа црни панделки оваа недела во спомен на нивните мртви колеги, а протестот вклучува кампања на социјалните мрежи со порака до владата: „Вие не знаете како да управувате со кризата: исцрпени сме“.

Многу лекари се сомневаат во официјалниот број на заразени лица и починати од ковид-19, тврдејќи дека иако немаат свои независни податоци за целата држава, размерот што го гледаат на локално ниво не е во согласност со пошироката слика претставена од владата.

Кампањата на лекарите предизвика остра реакција на сојузникот на Ердоган во парламентот, кој ги обвини за предавство и повика на затворање на медицинските здруженија.

„Турското лекарско здружение е исто толку опасно како коронавирусот и шири закани“, напиша на Твитер Девлет Бахчели од Националистичкото движење. Партијата на правдата и развојот на Ердоган (АКП) го задржува мнозинството во парламентот благодарение на сојузот со оваа партија.

„Здружението на лекари, кое го има зборот„ турски “во своето име, треба да биде затворено веднаш и без одлагање“, рече Бахчели.

Министерот за здравство Фахретин Коца ги отфрли критиките на здружението, велејќи дека тој постојано предупредувал на заканата од пораст на бројот на нови инфекции и не ги потценувал предизвиците со кои се соочуваат болниците.

„Велам дека ситуацијата е проблематична. Велам дека бројот на критични случаи е зголемен за 100 проценти во споредба со минатиот месец“, рече тој пред новинарите.

„Бројот на починати е 4,5 пати поголем од минатиот месец, но апсолутно нема грешка во податоците што ги објавивме во врска со оптоварувањето на здравствениот систем“, рече турскиот министер.

Пакет со отров бил испратен до Доналд Трамп

Пакет со отровно рицинусово масло бил испратен до претседателот Доналд Трамп, пренесува Си-Ен-Ен.

Случајот го пријавиле двајца полицајци.

Биле извршени два теста за да се потврди присуството на материјата рицин. ФБИ и тајната служба го испитуваат случајот.

Целата пошта за Белата куќа е подредена и скенирана надвор од објектот пред да пристигне во Белата куќа.

Рицин е високо токсично соединение извлечено од семето од рицинус кое се користи во терористички заговори. Може да се користи во форма на прав, прачки, чад или киселина.

Ако се проголта, предизвикува гадење, повраќање и внатрешно крварење на желудникот и цревата, проследено со откажување на црниот дроб, слезината и бубрезите и смрт поради нарушувања на циркулаторниот систем.

притисни ентер