Почнува ли нова сезона на нон – пејпери за надминување на спорот со Бугарија?

Што претставува наводниот нон-пејпер за решавање на спорот меѓу Скопје и Софија, кој се појави во јавноста пред неколку дена?

Кој и со која цел го пушти новиот пробен балон со новиот тн. нон пејпер за решавање на спорот со Бугарија? Текстот, кој предизвика внимание во јавноста поради неколкуте контроверзни тези, се појави во јавноста пред неколку дена, но се уште не е познато кои се неговите автори..

По демантот од Владата, денеска и Вицепремиерот Никола Димитров тврди дека таков документ нема на маса, а во моментов не се случува ништо суштинско во односите со Бугарија бидејќи тие се пред трети вонредни парламентарни избори.. Според Димитров, станува збор за како што рече „балканска ујдурма“.

„Сум гледал и многу нон-пејпери и официјални документи. Во англиската граматика, терминологијата и во суштинските тези, приодот кон проблемот на македонско-бугарските односи во последните две години е многу далеку од реалноста. Направив неколку телефонски разговори и јасно е дека некој прави некаква игра. Сигурно претпоставувам дека е од регионот, некој тука. Бугарија е пред избори, кај нас има локални, а можеби е и некаква домашна „ујдурма“ малку да се подзоврие таа тема, па малку и некој политички поен можеби, меѓутоа се тоа се шпекулации, изјави Димитров во гостувањето на „Утрински брифинг“.

Во нон - пејпер што го објави ТВ „Клан“ без да го посочи изворот, меѓудругото се предлага Бугарите да се внесат во македонскиот Устав, да се вклучи и тн. „бугарскио наратив“ во општеството, да има единствена фактичка вистина за историјата, но да се примени и дуален аспект за нејзино толкување..

Според новинарот Бранко Героски без разлика кој е авторот на нон пејперот, тезите во него треба да се сфатат сериозно, а државните органи категорично да ја отфрлат содржината, не само да се оградат.

„Сакам да потсетам дека сите досегашни нон-пејпери се нечии или некакви ујдурми. Никој нема да го признае авторството, но идеите се фрлени на хартија. Јас оценувам дека идеите соопштени во овој недокумент се многу сериозни во една теза која може да биде основа за некаков нов предлог за решавање на спорот меѓу Софија и Скопје. А тоа е тезата дека во Македонија ќе треба да прифатиме дека сме нација со два идентитета. Бугарски и македонски. Мислам дека заслужува реакција, не само од јавноста туку и од државните органи. Никој не собира доволно храброст, освен ретки, да кажат ова што се предлага во документот е неприфатливо за Македонија, вели Героски за Канал 5.

Освен македонските власти, од наводниот нон-пејпер вчера се огради и бугарското Министерство за надворешни работи... во изјава за БГНЕС оттаму реагираат дека „Бугарските власти на никаков начин не учествувале во подготовката на нон-пејпер за решавање на спорот меѓу властите во Софија и Скопје“.

Ковачки: Дали експерти предупредиле да не се вградуваат пур панели?

Дали експерти предупредиле да не се вградуваат пур панели и дали струјата е поврзана без проект?!

12 дена по пожарот во тетовската модуларна болница од ВМРО-ДПМНЕ и денеска со барање на одговори за несреќата но и како што наведуваат непристрасна истрага.

ВМРО-ДПМНЕ бара повлекување на предлог-законот за академија на судии и јавни обвинители

Во Собранието опозицијата побара повлекување на предлог Законот за судии и јавни обвинители, кој според ВМРО-ДПМНЕ не може да се носи со европско знаменце.

Повеќе детали има Андријана Лазова.

Андријана кои се аргументите на власта и на опозицијата околу овој закон.

Целиот извештај погледнете го во видеото.

Средба Битиќи – Доер Вос: Германската поддршка за реформите во економијата е една од најважните

Вицепремиерот Битиќи, кој престојува во работна посета на Берлин, на средбата истакна дека германската поддршка е една од најважните за земјава.

Економската соработка помеѓу Македонија и Германија беше главна тема на разговор на работната средба во Берлин на заменикот на претседателот на Владата задолжен за економски прашања Фатмир Битиќи со државната секретарка во германското Федералното министерство за економија и енергетика, Клаудија Доер Вос.

Вицепремиерот Битиќи, кој престојува во работна посета на Берлин, на средбата истакна дека германската поддршка е една од најважните за земјава, особено кога станува збор за реформите во економијата.

Битиќи, како што соопшто неговиот, кабинет констатира дека економската соработка на земјава со Германија е на исклучително високо ниво.

– Веќе традиционално оваа земја е прв трговски партнер на Македонија, како последица на голем број на директни инвестиции на компании од Германија. Беше потенциран и процесот на „near-shoring" кој подразбира преселба на голем дел од производството на компании од високоразвиените земји кои имаа сопствени капацитети во земјите од Далечниот Исток во нивна непосредна близина, а Македонија секако е една од дестинациите каде дел од ова производство ќе биде трансферирано, се наведува во соопштението.

Од таму информираат дека на состанокот вицепремиерот Битиќи ги претставил и преземените чекори за развивање на 20-годишна Национална развојна стратегија на земјава до 2041 година, во која ќе бидат опфатени сите аспекти на општественото живеење, а која треба да обезбеди одржлив економски раст.

Вицепремиерот Битиќи и државната секретарка Доер Вос, енергетиката, индустријата, заштитата на животната средина и спроведување на структурни реформи во економијата ги дефинираа како области каде би можела дополнително да се унапреди соработката.

Тие заклучија дека како една од конкретните мерки со кои директно ќе се помогне на инвеститорите, особено оние од преработувачката индустрија, а која е и дел од владината програма, е измената на царинскиот тарифник и негово прилагодување на царинските стапки во ЕУ. /МИА

притисни ентер