Почна кампањата за нов лидер на СДСМ

На 20 дена од закажаните внатрепартиски избори, кандидатите за прв човек на СДСМ ја започнаа кампањата меѓу членството, од кое бараат поддршка со главно ветување дека ќе спроведат сериозни реформи

. Екс министерот за здравство Венко Филипче од синоќа стартуваше со состаноци во Охрид и Струга, каде на сопартијците им порачал дека секој член ќе биде ценет и слушнат, а неговиот тим немало да си дозволи да ги игнорира нивните барања. Прва поголема реформа во СДСМ Филипче најавува дека ќе биде избор на претседатели на општински организации на внатрепартиски избори, исто како што се бира лидерот.

„ Со воведување внатрешни избори за позициите на претседатели на општински организации, ќе ја зголемиме довербата меѓу членовите и граѓаните, ќе ги избереме најдобрите кадри со најголема поддршка, ќе обезбедиме и ќе ја вратиме довербата на јавноста во нашата партија. Новото раководство на партијата ќе дефинира јасни насоки и правила за внатрешниот изборен процес, обезбедувајќи транспарентност и правичност. „ – стои во програмата на Филипче.

Членството да биде пред се, ветува дека ќе се залага и поранешната министерка за одбрана Славјанка Петровска која е една од кандидатите. Во Само Вистина рече дека една од најголемите грешки кои придонеле за тешкиот изборен пораз било тоа што нивните гласачи биле занемарени од раковоството.

„ Има револт, бидејќи во изминатите 7 години, особено оние кои биле функционери ги третирале членството на несоодветен начин и тој револт постои, и веројатно е една од причините зошто сме се довеле во ваква ситуација, или овој катастрофален резултат е и тоа – невниманието и негрижата за членството или повикувањето само во исклучителни ситуации. Она што прво ќе го направам доколку бидам избрана, а се надевам дека ќе бидам избрана за претседателка на СДСМ е да ја вратам дебатата во рамки на органите на партијата. “-Славјанка Петровска – кандидатка за претседателка на СДСМ

Од друга страна, Јован Деспотовски вели дека неговите противкандидати се инспирирале од програмата која тој ја подготвил уште минатите внатрепартиски избори, во која се залагал за внатрепартиско гласање за клучните позиции во СДСМ. Сите кандидати за наследник на Ковачевски ги повика на јавна дебата, како барање токму од членството.

„ Гледам дека сега консензуално ги прифаќаат клучните точки од мојата реформска програма, па сметам дека на една јавна дебата треба отворено да видиме кој каков план има да ги спроведе, како и да си ги споделат и своите идеи за кои ќе се залагаат. Јавното соочување е нешто за што секогаш сме се залагале и за кое секогаш сме имале храброст да го бараме од нашите политички противници. Со јавната дебата ќе покажеме дека сме отворени и посветени на фер процес “-Јован Деспотовски – кандидат за претседател на СДСМ

Во трката за претседателското место во опозициската партија е и заменик министерот за јавна администрација Александар Бајдевски. Изборите во СДСМ се закажани за 30 јуни, а право на глас ќе имаат сите членови што ќе се регистрираат за гласање на партиската бев страница или во општинските организации.. Дотогаш треба да се одржи и отчетниот Конгрес кој викендов почна, па се прекина.

Бесмира Ејупи заминува на неколкумесечна испомош во конзулатот во Бон,потврдија од МНР

Иако пред две години не успеа да стане конзул во Њујорк, поради притисокот од јавноста, поранешната ТВ презентерка Бесмира Ејупи сепак доби шанса да замине во странство, овој пат на испомош во дипломатско конзуларното претставништво во Бон, Германиј.

Иако пред две години не успеа да стане конзул во Њујорк, поради притисокот од јавноста, поранешната ТВ презентерка Бесмира Ејупи сепак доби шанса да замине во странство, овој пат на испомош во дипломатско конзуларното претставништво во Бон, Германија, потврдуваат од МНР за Канал 5. Министерот Бујар Османи пред напуштање на владиниот кабинет, освен за Бесмира Ејупи, потпишал решенија за испраќање и на други вработени во министерството на неколкумесечна испомош во ДКП-ата каде во летните месеци имало зголемен обем на конзуларни услуги.

„ Во текот на летните месеци во конзуларните претставништва каде има зголемен обем на работа поради тоа што нашата дијаспора патува дома се праќаат вработени од МНР на неколку месеци испомош за да се олесни издавањето на документи на шалтерите на конзуларните претставништва. “ – велат од МНР.

Освен решенија за испраќање на лица за испомош во ДКП-ата, пред напуштање на владиниот кабинет, министерот Османи пред две недели распишал и интерени конкурси за испраќање на околу 15-тина нови дипломати во дипломатско – конзуларните претставништва на Македонија ширум светот. Од МНР за ова велат дека станува збор за редовни административни циклуси, а дали ќе завршеле конкурсите зависело од новиот шеф на дипломатијата.

Ваквата одлука на Османи наиде на критика од Македонскиот дипломатски синдикат, од каде веднаш по распишувањето на огласот за Канал 5 изјавија дека процедурата за избор на нови дипломати во нормални услови трае од 1 до месец и половина, така што некоректно е, сега да се распишува конкурс во време кога за десетина дена очекуваат нов министер.

„Сметаме дека е некоректно и према колегите но и политички некоректно на 10 дена пред доаѓање на нов министер, министерот во заминување да носи одлука за тоа кој диполмати се соодветни за одредени места.-изјави Веле Трпевски – претседател на МДС .

Во меѓувреме, техничкиот премиер Талат Џафери на Фејсбук се пофали дека во галеријата уметнички слики на досегашните премиери во Владата ќе стои и негов портрет а објави и заедничка фотографија со авторот на портретот, на лпгп му се заблагодари на како што пишува маестралното сликање на неговиот премиерски портрет ..

Џафери е третиот технички премиер и согласно договорот од Пржино со владата ќе раководи до изборот на новиот владин кабинет што треба да се случи за една недела

Мареј по петти пат на Олимписки игри

Двократниот олимписки првак, од Лондон 2012 и Рио де Женеиро 2016, британскиот тенисер Анди Мареј ќе настапи ова лето во Париз на своите петти Олимписки игри, објави попладнево британскиот олимписки Комитет.

Мареј, кој се очекува да се збогува со професионалниот тенис по Игрите во Париз, во моментов е рангиран на 97 место на АТП листата.

Во машкиот тим на Велика Британија за олимпискиот турнир се и капитенот Иан Бејтс и тенисерите Џек Дрејпер, Камерон Нори и Ден Еванс. Кејти Болтер ќе биде единствената британска тенисерка во Париз.

За Велика Британија во машки двојки ќе играат Џо Салесбери и Нил Скупски.

Олимпискиот тениски турнир на програмата е од 27 јули до 4 август.

Драма на ЕУРО: Германската полиција застрела маж со секира во близина на фан зоната во Хамбург

Германската полиција денеска застрела маж со секира во близина на фан зоната за време на поворкта од холандските навивачи пред дуелот со Полска. 

Нема информации дали некој е уапсен при оваа акција на германската полиција.

Четири истрели одекнаа во близина на Рипербан во Хамбург, каде се собраа навивачи од Холандија и Полска пред денешниот меч на нивните селекции на ЕУРО 2024.

Според медиумите, напаѓачот имал и молотов коктел.

притисни ентер