Македонија

Почетокот на второто полугодие одложен за 1 февруари

Владината одлука распустот да се продолжи за две недели, а децата да се вратат во училишните клупи на 1. февруари е логична и правилна, смета професорот Никола Пановски. 

Според него, со тоа нема да се направи дополнителен притисок врз здравствениот систем, а ќе и се даде простор на омикрон варијантата да го потисне сè уште присутниот поопасен делта сој. Дополнително, училиштата кои и онака имаа проблем со греењето ќе можат да заштедат.

-Ширењето на болеста уште повеќе ќе ги оптеретеше примарното и секундарното здравство, а учениците можат да ја пренесат болеста и дома. Ќе имаше поголем број на случаи кои сега не ни требаат. Без проблем децата можат да тргнат во училиште кога бројките ќе започнат да паѓаат за да имаме едно контролирано ширење на болеста. Делта сојот сè уште постои, а се очекува за две до три недели омикрон да го потисне поопасни сој. Ова е дополнителна причина зошто сметам дека оваа одлука/интервенција е оправдана.-проф. Д-р Никола Пановски – Микробиолог.

Освен тоа дека деновите од распустот учениците нема да ги одработуваат на крајот од учебната година која завршува на 10 јуни, останува нејасно дали и второто пологодие ќе продолжи со физичко присуство и согласно сегашните протоколи..

Дел од родителите најавуваат дека ќе ги донесат децата на училиште без маски, но ако тоа биде случај директорите велат дека ќе мора да повикааат инспектори.

-Како институција ќе одговориме соодветно, па ќе пријавиме до надлежните. Ќе се обратиме до Државниот просветен испекторат, а ќе го известиме и Министерството. Ние како училиште мора да ги почитуваме пропишаните мерки и протоколи кои ги носат повисоки институции од нас, како Министерствата за образование и здравство и Комисијата за заштита од заразни болести. Верувам ќе има разум, колку и родителите да ги аргументираа своите ставови во однос на маските, ние мора да постапуваме по оние одлуки кои се наведени.-Марјан Јовановски - ОУ „Ѓорѓија Пулевски“.

Во меѓувреме, епидемиолошката крива е во вертикална права линија, па за само една недела регистрирани се рекордни над 11.000 заразени, од кои околу 5.000 се помлади, од 20 до 40 години. Во болниците има околу 430 хоспитализирани граѓани. Според неделниот извештај на Институтот за јавно здравје омикрон е потврден кај 60% , а регистрирани се и над илјада реинфекции..

Македонија

Костадиновска-Стојчевска: Младите се нашата иднина, 5000 денари младински додаток

Коносителната на листата за пратеници на СДСМ во петтата изборна единица изјави дека програмата на СДСМ има реален план за побрзо да им ја донесеме на младите Европа дома. 

,,Одлучни сме да продолжиме да создадеме посолидарно, еднакво и посигурно општество за младите. Нудиме: Европска детска гаранција, за 35 илјади млади учество во програмата Гаранција за млади, зголемување на износот на младинскиот додаток од 3.000 на 5.000 денари месечно, наброи Костадиновска-Стојчевска дел од мерките за млади кои СДСМ ги воведува во следниот мандат.

Таа нагласи дека младите остануваат во фокусот на социјалните политики, а доказ за тоа е планот за домување за млади до 29 години и за првпат воведувањето на софтвер за младинска работа.

Во продолжение интегрален текст од изјавата на Костадиновска-Стојчевска:

,,Одлучни сме да продолжиме да создадеме посолидарно, еднакво и посигурно општество за младите. Нудиме: Европска детска гаранција! За 35 илјади млади учество во програмата Гаранција за млади! Зголемување на износот на младинскиот додаток од 3.000 на 5.000 денари месечно. Достапно, пристапно и квалитетно образование. Студенски ваучери за сместување. Младинско учество во сите области! План за домување за млади до 29 години. Младински центри во секоја општина! И за првпат воведуваме софтвер за младинска работа. Младите се нашата иднина и затоа ги направивме рамноправни во одлучувањето. А во следниот формираме институционален партнер на младите, Министерство за млади. Младите остануваат во нашиот фокус. Спроведуваме младински наставни програми на Европската Унија кои поттикнуваат финансиска независност, креативност и иновативност. Имаме реален план за побрзо да им ја донесеме Европа дома. Младите заслужуваат европска иднина и европски плати во нашата држава. Младите заслужуваат да бидат жители на Европа. Наша обврска е да им обезбедиме иднина каква што сакаат и заслужуваат. Нема откажување од иднината.”


Македонија

„Македонија одлучува“ – отворено студио на Канал 5

Во отвореното студио на Канал 5 , гости на Александар Видиновски се Драган Павловиќ Латас и Љупчо Зиков.

Павловиќ- Латас во гостувањето рече дека разликата меѓу двајцата први кандидати ќе биде меѓу 80 и 100.000 гласа, според информации што ги имал од голем аналитички центар.

Зиков рече дека големата излезност е пред сѐ поради големиот број на кандидатите, а како императивот личат на парламентарни на прашањето дали тоа значи дека има опозициско расположение.

Македонија

Џафери: Гласот на граѓаните ќе го потврди европскиот пат на државата

Претседателот на Владата, Талат Џафери, утрово во родното Форино го оствари своето гласачко право на денешните претседателски избори.

Во изјавата дадена за медиумите по гласањето, премиерот Џафери посака мирен изборен ден во кој граѓаните ќе ја искажат својата сопствена волја, а должност на државните институции е тоа да го овозможат.

Премиерот порача дека, овие избори се од голема важност бидејќи од нив зависи во кој правец ќе се движи државата.

„Во овие три децении од самостојноста на државата, основна определба е дека земјата и граѓаните претендираат членство во ЕУ и ние сме должни тоа да го обезбедиме. Секако, граѓаните преку својата волја, со гласање тоа ќе го потврдат. Имајќи ги предвид глобалните состојби, но и состојбите во регионот, сметам дека мнозинството граѓани тоа ќе го искажат и низ процесот на гласање", изјави претседателот на Владата, Џафери, соопштуваат од Владата.

притисни ентер