Каруана Галисија е убиена на 16 октомври 2017 година, кога нејзиниот автомобил беше кренат во воздух.
Винс Мускат на првото рочиште се изјаснил за невин, но по собирањето докази ја сменил изјавата. Тој бил во притвор од декември 2017 година, кога тој и уште двајца мажи беа обвинети за планирање и извршување на атентатот. Другите двајца продолжуваат да се изјаснуваат за невини.
Убиството на новинарката со автомобил-бомба привлече внимание на проблемот со корупцијата во најмалата земја членка на Европската унија.
Четврто лице, мултимилионерот и бизнисмен Јорген Фенех, поврзан со највисоките кругови на власта, е осомничено дека го нарачало убиството и е обвинето за вмешаност во злосторството. Тој упорно ги негира сите обвиненија против него.
Самопрогласениот медијатор во тој заговор, Мелвин Теума се изјаснил за виновен во 2019 година во замена за прошка.
Мускат побарал слична спогодба, но минатиот месец била одбиена. Судски извори велат дека му била понудена намалена казна.
Мускат не е во роднинска врска со Џозеф Мускат, поранешниот премиер за чиј мандат беше убиена Каруана Галиција и кој поднесе оставка во декември 2019 година, со цел, според неговите зборови, „да преземе политичка одговорност“.
Но, милијардерот Фенех бил близок пријател со Кит Шембри, поранешен шеф на канцеларијата на премиерот Мускат.
Шембри негира каква било кривична одговорност и тврди дека не знаел за убиството или за сторителите.