По седум месеци почна судењето за родилката, која остана без матка, бубрег и јајник

По седум месеци одложување, во Основниот суд во Струга започна судењето за родилката од Дебар, Јелдаз Веапоска, која при породување во 2020 остана без бубрег, матка и јајник. 

Докторот Мухамед Асани и неговиот син доктор Блертон Асани, не чувствуваат вина за случајот со родилката од Дебар, Јилдиз Веапоска. Истото го кажа и третообвинетата докторка Љиљана Јованоска откако сите тројца денеска се појавија во струшкиот суд на рочиште по седум месеци одлагања. Веапоска, која при породување во болницата во Струга остана без бубрег, матка и јајник, повторно раскажа за стресот низ кој поминала и како во полусвесна состојба ги слушала лекарите како се договараат да и ги извадат органите, но и за нечовечкото постапување со неа.

Последниот ден откако ми се влоши повеќе состојбата, јас му се јавив на мојот сопруг, дека од болница ме отпуштаат да си одам дома, но оти јас не сум добро, да дојде да ме земи и да ме однеси во некоја друга болница, дека јас умирам и дека моите две деца ќе останат без мајка. Одлучија да ме стават во операциона сала. Никогаш не заборавам како доктор Асани се обрати и со прст рече оваа да ја спремате за во сала.

Откако се соочи со обвинетите доктори и навраќањето на голготата со која се соочила пред три години, Веаповска беше вознемирена по што судијата даде пауза пред да продолжи со исказот.

Обвинетите доктори Мухамед и Блертон Асани како и докторката Љиљана Јованоска на кои им се суди за тешки дела против здравјето на луѓето, се изјаснија за невини.

Според обвинението, лекарите и ја оштетиле на Веапоска левата бубрежна артерија, и покрај таквата состојба не презеле мерки туку и давале терапија при што таа паднала во шокова состојба и повторно ја оперирале при што и ја отстраниле матката и левиот јајник кои не биле повредени.

Крварењето не застанало, а со втор зафат откриле дека е оштетена артерија и настанало тешко нарушување на здравјето,тогаш и бил отстранет и левиот бубрег. Потоа била пренесена на Карил во Скопје.

Следно рочиште за случајот е закажано за 10ти март.

Поради непредвидени трошоци „Филипс“ отпушта 6.000 вработени

Холандската компанија Филипс ќе отпушти околу 6.000 лица, што е осум отсто од вкупниот број вработени, поради непредвидени трошоци кои произлегуваат од повлекувањето од пазарот на медицинско помагало за лекување на проблеми со спиењето.

Според Блумберг, половина од планираните отпуштања ќе бидат спроведени оваа година.

Извршниот директор на компанијата Рој Џејкобс рече дека тоа е значајна мерка што мора да се преземе поради зголемените трошоци на компанијата.

Повлекувањето на медицинскиот апарат за терапија со спиење почна во јуни 2021 година, откако истражувањата покажаа дека постои врска помеѓу апаратот и појавата на рак и на респираторни проблеми.

Тестовите кои ги спроведе Филипс покажаа дека нивните производи, сега повлечени од пазарот, веројатно не би му наштетиле на здравјето на пациентите, а Џејкобс, кој го замени долгогодишниот извршен директор Франс ван Хаутен во октомври, рече дека се надева дека ќе добие повеќе детали за влијанието во однос на каква било потенцијална штета во втората половина од годината .

-Кога ќе ги имаме тие информации, веднаш ќе ги објавиме. Ќе се обидеме да вложиме максимални напори за да го најдеме најдоброто решение, рече тој.

Со најновите отпуштања, Филипс им се придружи на се поголемиот број производители кои ги намалуваат трошоците за да се справат со превирањата во синџирот на снабдување и инфлацијата.

СЗО: Ковид-19 и натаму претставува глобална јавно здравствена криза

Светската здравствена организација (СЗО) денеска соопшти дека коронавирусот продолжува да претставува вонредна меѓународна јавно здравствена криза, што е највисоката форма на предупредување на оваа агенција ма Обединетите нации.

Пандемијата е веројатно во „преодна точка“, па затоа се уште бара внимателно управување за „ублажување на потенцијалните негативни последици“, се наведува во соопштението на СЗО.

СЗО пред три години го прогласи Ковид-19 за глобална здравствена закана. Во пандемијата, во сите делови на светот од заразата починаа повеќе од 6,8 милиони лица, а болеста имаше негативно влијание врз светската економија и функционирањето на општествата.

Со пристигнувањето на вакцините и соодветните третмани во 2020 година ситуацијата со пандемијата почна полека да се менува, наведуваат британските медиуми.

Генералниот директор на СЗО, Тедрос Аданом Гебрејесус изрази надеж дека вонредната состојба ќе биде укината оваа година, особено ако на глобално ниво се подобри пристапот до мерките против инфекцијата.

Советниците на експертскиот комитет на СЗО за статусот на пандемијата во декември минатата година соопштија дека веројатно не е време да се прогласи нејзиниот крај поради неизвесноста околу бранот на инфекции во Кина, која на крајот на 2022 година ги укина своите строги мерки за „нулта толеранција од Ковид-19“.

Муцунски: Ветив дека ќе работиме поинаку и на дело го покажуваме тоа

Деновиве заврши реконструкцијата на основното училиште „Блаже Конески“ во Аеродром.

Проект, кој целосно се реализираше со средства првично планирани за кабинетот на градоначалникот, кои беа пренаменети за овoj проект по инацијатива на градоначалникот Тимчо Муцунски.

“Ветив дека ќе работиме поинаку и на дело го покажуваме тоа. Реализираме проекти кои за дечињата значат многу. Сега родителите веќе не треба да водат грижа, затоа што дечињата ќе учат во модерни и реновирани простории. Откако беше обновена фасадата на училиштето и извршена оваа реконструкција, важно е дека до крајот на оваа година планирано е да започне и доградба на училишната зграда. Со тоа, ќе го зголемиме капацитетот на училиштето и ќе обезбедиме подобри услови за реализација на училишните активности“, истакна градоначалникот при посетата на основното училиште.

Инвестицијата во висина од 30 илјади евра, средства целосно обезбедени од буџетот на Општина Аеродром, опфати санација и реконструкција на дел од училишната зграда, реконструкција на училницата за дневен престој, санација на санитарните јазли, промена на вратите и промена на подот во дел од училниците.

Со овој проект уште еднаш покажавме дека инвестициите во објекти наменети за децата се исклучително важни. Сите механизми на општината се ставени на на располагање за дечињата да спортуваат и рекреираат во модерни објекти каде има соодветни услови за нивен раст и развој. Новиот начин на управување, одговорното и транспарентното работење и пренамената на непродуктивните трошоци кон проекти за нашата иднина се уште еден доказ за нашата намера дс го направиме Аеродром поубава општина за сите генерации.

притисни ентер