По Перу, и Панама воведе полициски час пар-непар за мажите и жените , трансродовите лица загрижени

Половина недела може да купуваат мажите ,а другата половина жените. Во Панама се борат со коронавирусот на необичен начин.

До пред некој ден, Панама се бореше против оваа болест како и сите други, ги затвори границите и училиштата, им забрани на странците да влегуваат во земјата и наметна тотална карантин, со што беше дозволено само два часа на ден лиѓето да одат по продукти.

Сега се воведуваат родово поделени мерки за забрана. Жените можат да купуваат во понеделник, среда и петок. Мажите во вторник, четврток и сабота. Во недела, никој не може да излезе.

Трансродовите луѓе се загрижени дека ќе бидат дискриминирани.

„Се плашам од полицијата која не е обучена и сензибилизирана за оваа тема и не знам како ќе ме третираат“, вели 25-годишниот илустратор Али, трансродов човек, во чија лична карта пишува дека е жена.

„Јас сум сто проценти сигурен дека ќе ме застанат на улица и ќе ми речат дека не одговарам на мерката“, рече тој.

Панамските власти велат дека единствена цел е да го контролираат ширењето на смртоносниот вирус.

- Ова спасува животи, рече министерот за внатрешни работи Хуан Пинто.

Како и во многу други земји од Јужна Америка, Панамците првично не покажаа почитување на наметнатите ограничувања.

„И така, наједноставниот механизам за намалување на бројот на луѓе беше да одредиме неколку денови за жени, а некои за мажи“, објасни Пинто.

Панама има 1,700 заразени и 41 починати до вчера.

Инаку, сличен режим на карантин неодамна го воведе и Перу.

притисни ентер