Извештајот од надзорот за прогрес на работите за автопатските делници на коридорите 8 и 10д што ги гради конзорциумот „Бехтел“ и Енка“ за периодот од 1 до 30 април годинава покажува дека се завршени 95 проценти од проекциите за експропријација за автопатската делница Тетово-Гостивар, 46 проценти за Гостивар-Букојчани, а 78 проценти за делницата Прилеп-Битола.

Според Извештајот, објавен вчера на веб страницата на Јавното претпријатие за државни патишта (ЈПДП), за делницата Букојчани-Гостивар се реализирани 73 проценти од геотехничките истражувања, а за Прилеп-Битола 63 проценти.

Надзорот регистрира напредок од 60 проценти на работите за спецификација и проектирање на автопатот Тетово-Гостивар, од 30 проценти за Букојчани-Гостивар, а од 49 проценти за Прилеп-Битола.

Како што информираа претходно за МИА од ЈПДП, од градежните активности што се одвиваат на трите делници (Тетово- Гостивар, Гостивар-Букојчани и Прилеп-Битола) се земјани работи на главна траса, изградба на пропусти, армирање и бетонирање на мостови, регулирање на времени сообраќајни режими, се вршат ископи и се изведува заштита на косини. Сите активности се одвиваат со зголемена динамика.

На „Бехтел и Енка“ досега се исплатени вкупно 301.088.222,79 евра. Во април годинава, според Извештајот на надзоорт, имало две исплати од државата преку ЈПДП, од 599.794.350 денари, на 22-ри, и од 524.972.228 денари на 30-ти.

Во активностите, изведувачот заклучно со април ангажирал 1833 лица и 1082 градежни машини.

Кон „Бехтел и Енка“ за изградбата на автопатите на коридорите 8 и 10д заклучно со минатата година беа исплатени 261 милион евра, а годинава за таа намена во буџетот на Министерството за транспорт се предвидени 130 милиони евра. Планирано е да се работи комплетно на целата траса Тетово–Гостивар во должина од 17 километри, на Гостивар–Букојчани на приближно 17 километри и на Прилеп–Битола на 25 километри.

Договорот со „Бехтел и Енка“ во вредност од 1,3 милијарди евра беше склучен во март 2023 година.

Премиерот Христијан Мицкоски денеска најави дека многу скоро ќе има предлог-решение за ублажување на растот на цените на прехранбените производи.

Во изјава за медиумите дадена во Битола, Мицкоски не прецизираше за какво решение се работи, но рече дека се следи ситуацијата и дека сериозно пристапуваат на решавање на проблемот.

- Се консултираме со екпертската јавност, следиме што се случува со однесувањето на трговците, производителите, дистрибутерите и на ланците на трговци така што ова е еден сериознен процес во којшто сериозно навлегување и мислам дека многу скоро ќе излеземе со предлог решение, рече Мицкоски, одговарајќи на новинарски прашања.

Министерот за економија Бесар Дурмиши викендов во изјава за медиумите рече дека Пазарниот инспекторат ја следи состојбата, но дека не е забележано драстично зголемување на цените.

- Нема драстично зголемување на цените во делот, каде што ние сме надлежни, во делот на прехранбени основни производи. Секој месец, Државен пазарен инспекторат ќе биде на терен ќе гледа, ако случајно се случува да имаме зголемување енормно без економски оправданост од трговците на цените, нормално дека ќе донесеме пак одлуки и тоа сум кажал и во други изјави дека ќе донесеме поригорозни мерки од тоа што сме ги презеле досега, изјави Дурмиши.

Владата во февруари ги ограничи маржите на повеќе од 100 групи на производи. Мерката траеше до 30 април.

Сепак, изборот на снабдувач со електрична енергија не се заснова само на цената или стабилноста на испораката – сè поактуелно станува прашањето: Дали снабдувачот обезбедува енергија со гарантирано зелено потекло? Токму затоа постои сертификацијата за зелена енергија како потврда дека електричната енергија потекнува од обновливи извори и како конкретен доказ за одговорноста на потрошувачот и транспаретноста на снабдувачот.

Избирањето на снабдувач што користи зелена енергија има бројни предности. Со избирање на снабдувач што користи зелена енергија директно придонесувате покажувате еколошка одговорност и придонесувате кон намалување на јаглеродниот отпечаток и борбата против климатските промени. Ако сте деловен субјект со користењето на сертифицирана зелена енергија испраќате силна порака до клиентите, партнерите и инвеститорите дека вашата компанија не само што ги следи трендовите, туку ги води. Исто така, со избирање на снабдувач што користи зелена енергија придонесувате кон енергетска тразиција – поттикнувањето на побарувачката за зелена енергија ја охрабрува понатамошната изградба на капацитети за обновливи извори.

Како глобалниот поттик кон одржливост добива на интензитет, ЕДС како дел од најголемата европска групација во Југоисточна Европа, се појавува како лидер во делот на снабдување со „зелена енергија“. Работејќи активно со компаниите на концептот „зелена потрошувачка“, ЕДС нудат снабдување со електрична енергија од обновливи извори, со што голем број од клиентите се снабдуваат со 100% зелена енергија. Секој клиент кој се одлучува за зелениот модел на снабдување од ЕДС добива официјален „сертификат за потекло“ на енергијата од обновливи извори. Овој сертификат се издава според европските стандарди и претставува доказ за зеленото потекло на енергијата што ја користат. Тоа е особено важно за извозно ориентирани компании, кои треба да ги исполнуваат ESG критериумите (еколошки, социјални и управувачки) во своето работење.

Компаниите, институциите и домаќинствата кои избираат снабдувачи со „зелено потекло“ испраќаат јасна порака: дека профитот не е спротивен на одговорноста, туку дека одржливиот развој е патот напред. Во време на глобални климатски предизвици, ваквите избори се повеќе од деловни – тие се етички, општествено значајни и неопходни за иднината. Потрошувачите имаат моќ да влијаат на пазарот и да ги охрабрат инвестирањата во одржливи извори, со што придонесуваат за почиста иднина за сите.