Македонија

План на Париз и Берлин за реформи на ЕУ: Се укинува можноста за вето за време на преговорите?

Париз и Берлин денеска на министрите за европски прашања на земјите членки на ЕУ им презентираа извештај на експерти со конкретни предлози како да се подготви ЕУ за проширување на 30 или повеќе членки...

Постепено пристапување во Европската Унија според заслуги и одлуки кои ќе се носат со квалификувано мнозинство, наместо како досега со консензус. Ова се клучните наоди на француско-германскиот извештај, кој денеска беше презентиран пред земјите членки во Брисел, а чија основна цел да се изградат механизми како Европската Унија да се подготви да прими 30 или повеќе членки до 2030-та година. Идејни творци на извештајот се германските министерки Ана Лирман и Лоренс Бун, кои неодамна беа во посета на Македонија, а извештајот е составен од 12 независни експерти од двете земји.

-Денеска Германско- Француската група од експерти за иднината на Европа го презентираше финалниот извештај. Лоренс Бун, мојата француска колешка и јас имавме 12 експерти на кои им се заблагодаруваме. Извештајот со право ја нагласува потребата од зајакнување на владеењето на правото. Јасно е дека европското проширување и европската реформа одат рака под рака и мораме да започнеме со ова веднаш. , изјави Ана Лирман, министерка за европски прашања на Германија

Во документот на 60 страници, наслове „Едрење на отворено море: реформирање и проширување на ЕУ за 21 век добра вест е дека ќе се намали можноста за вето во текот на пристапните преговори, односно за затворање на секое поглавје на земјата кандидат да се гласа со квалификувано мнозинство. Единствено конечната ратификација на Договорот за пристапување ќе бара едногласност.

„Пред следното проширување, сите преостанати политички одлуки треба да се префрлат од едногласност на гласање со квалификувано мнозинство. Дополнително, освен во Заедничката надворешна и безбедносна политика, ова треба да биде придружено со целосно соодлучување со Европскиот парламент, се вели во извештајот.

Според извештајот, не сите европски држави ќе можат да се приклучат на ЕУ во догледна иднина, па затоа се предлага и модел на четири концентрациски кругови:

Внатрешен круг

Европска Унија

Земји кандидатки

Европска политичка заедница

во кој се нагласува и дека дел од земјите кандидатки би можеле да имаат одредени бенефиции и пристап до единствениот европски пазар. Угледниот „Политико“ ваквиот модел го толкува како Европска Унија во четири брзини. Проценките на медиумот се дека извештајот, на кој треба да се посвети новото раководство на Унијата по европските избори догодина, да биде предмет на дебата со месеци.

Живот

Наместо забава за откривање на полот, таткото завршил во болница- снимка со 32 милиони прегледи

Иако настаните за откривање на полот во повеќето случаи се возбудливо и посебно искуство за родителите и поширокото семејство и пријателите, понекогаш тие можат да тргнат наопаку.

Така, една трудница случајно му го скршила носот на својот сопруг и идниот татко кога дознала дека во нивното семејство ќе се приклучи девојче.

Видеото набрзо стана вистински хит на социјалните мрежи, а моментално има повеќе од 32 милиони прегледи и еден милион коментари.

Како што може да се види на видеото, воодушевената трудница среќно скокнала кога дознала дека носи девојче, но случајно со главата го удрила сопругот во носот и му го скршила. Сето ова, секако, го снимиле камерите и видеото набрзо се појави на TikTok.

@gender.reveal.tv Breaking my husband’s nose at our gender reveal 🙃🎀 #genderrevealfail #notactuallybroken #18weekspregnant ♬ Love You So - The King Khan & BBQ Show

Кошарка

НБА казни млад кошаркар - на жените им ги покажувал интимните делови на телото

Младиот канадски кошаркар Џошуа Примо (20) е суспендиран на четири натпревари без плата поради „непримерно и навредливо однесување кон повеќе жени“, објави НБА.

Американските медиуми пренесуваат дека Примо, кој моментално е без клуб, им ги покажувал интимните делови на голем број жени.

„Примо тврди дека неговото однесување не било намерно, а лигата не најде докази дека тој учествувал во сексуално или друго недолично однесување надвор од овие кратки изложувања“, се вели во соопштението на НБА. „Сепак, ваквото однесување не е во согласност со стандардите на лигата и бара казна“, се додава.

Сан Антонио Спарс го раскина договорот со Примо на 31 октомври минатата година, а младиот кошаркар моментално е без клуб. Тој ќе ја одлежи суспензијата доколку потпише договор со друг тим од НБА.

д-р. Хилари Котен, поранешниот терапевт на Примо, првпат се појави со обвинувања против него минатата есен, велејќи дека тој „се изложил во девет одделни прилики“. Бидејќи Спарс не направија ништо, Каутен го тужел клубот, а тужбата била решена надвор од судот.

Примо одиграл вкупно 54 натпревари во дресот на Спарс, а имал просек од 5,9 поени и 1,8 асистенции по натпревар. Набргу откако бил отпуштен од Спарс, Примо рече дека се бори со своето ментално здравје.

„Побарав помош да се справам со претходната траума што ја претрпев и сега ќе го одвојам ова време за да се фокусирам поцелосно на третманот за моето ментално здравје. Се надевам дека ќе можам да разговарам за овие прашања во иднина за да можам да им помогнам на другите кои претрпеле на сличен начин. Ја ценам приватноста во овој момент“, изјави тој неодамна.

Свет

Цените на нафтата надминаа 96 долари за барел

Цените на нафтата денеска се искачија над 96 долари на меѓународните берзи, поттикнати од индициите за слаба понуда во САД и очекувањата за зголемена побарувачка за гориво во Кина за време на празничната сезона.

На лондонската берза цената на барел со датуми на испорака во ноември беше за 88 центи повисока попладне отколку на крајот на вчерашното тргување и изнесувала 96,26 долари. Поактивно се тргувало со барели со датум на испорака во декември, по 97 центи повисока цена од 94,07 долари.

На американскиот пазар барелот поскапе за 1,31 долари и се тргува за 93,02 долари.

Трговците се фокусираа на знаците на тесна понуда во САД на крајот на неделата. Залихите во резервоарите во Кушинг, од каде се испорачува нафта купена со форвард договори на американскиот пазар, веќе се на најниско ниво од јули минатата година.

„Понатамошниот пад би ги спуштил на критично ниво, што би можело да го отежне нивното извлекување (од резервоарот - op.ed.)“, објаснува Карстен Фрич од Комерцбанк.

Цените се поддржани и од проценките дека побарувачката за гориво во Кина ќе се зајакне за време на седумдневниот одмор што започнува денеска.

„(Зголеменото) патување во странство за време на празникот Златна недела ја поттикнува кинеската побарувачка за нафта“, напишаа аналитичарите на ANZ во белешката до клиентите.

Се очекува и домашните патувања да ја поддржат побарувачката. Податоците од апликацијата за летови на Umetrip покажуваат дека просечниот број дневни резервирани летови е за петтина поголем отколку за време на Златната недела во периодот пред пандемијата 2019 година.

Во меѓувреме, Русија размислува за воведување квоти за извоз на гориво доколку привремената забрана за извоз не го постигне посакуваниот ефект и ако не паднат цените на домашниот пазар. Цените на рускиот бензин и на дизелот благо паднаа денеска на Меѓународната берза во Санкт Петербург.

Економистите прогнозираат дека барелот во Лондон ќе во просек ќе изнесува 89,85 долари во четвртиот квартал и 86,45 долари во 2024 година.

До крајот на годината на цените најмногу ќе влијае намалувањето на понудата од Саудиска Арабија и Русија, но нивниот раст кон 100 долари за барел може да биде забавен од неповолните макроекономски движења, пишуваат аналитичарите.

Организацијата на земјите извознички на нафта (ОПЕК) одделно објави дека барел нафтена кошница на нејзините членки вчера поскапел за 40 центи на 97,48 долари.