Пендаровски ги прими акредитивните писма на новоименуваниот амбасадор на Република Финска

Претседателот Стево Пендаровски денеска ги прими акредитивните писма на Никлас Линдквист, новоименуваниот амбасадор на Република Финска во Република Македонија, со седиште во Белград.

Во обраќањето на церемонијата на предавање на акредитивните писма, претседателот Пендаровски изрази задоволство од одличните билатерални односи и од успешната соработка помеѓу двете земји, којашто се развива во духот на традиционалното пријателство и партнерство и посочи дека постои неискористен потенцијал и простор за дополнително продлабочување на соработката, особено во доменот на економијата и инвестициите, соопшти кабинетот на шефот на државата.

Претседателот Пендаровски изрази благодарност за принципиелната и конзистентна поддршка на Република Финска за потребата од итно заокружување на европската иднина на Северна Македонија. Тој рече дека во рамките на богатата билатерална рамка на соработка, остануваме посветени на одржувањето силни партнерски односи и во рамки на НАТО, притоа поздравувајќи го членството на Финска како 31-ва НАТО членка. Претседателот упати и честитки за финската кандидатура за иден претседавач на ОБСЕ за 2025 година и изрази подготвеност за споделување на искуствата од нашето претседавање.

Амбасадорот на Република Финска, Никлас Линдквист во своето обраќање ја изрази неговата посветеност за натамошно продлабочување и проширување на односите меѓу двете земји и најави одржување на нордиски настан во Скопје на 13 декември по повод одбележување 30 години од воспоставување на дипломатските односи. Финскиот амбасадор посочи дека поддршката на Македонија за апликацијата на Финска за членство во НАТО била високо ценета и изрази надеж за изнаоѓање нови начини за соработка во овој сектор, сега кога и двете држави се членки на Алијансата. Амбасадорот Линдквист, нагласувајќи дека Финска е силен поддржувач на проширувањето на ЕУ, рече дека со новиот моментум во проширувањето и предлогот за План за раст за Западен Балкан, се надева на реален напредок на пристапниот пат во ЕУ на сите земји кандидати, вклучително и на Македонија.

Претседателот Пендаровски на финскиот амбасадор Никлас Линдквист му посака успешно извршување на неговата значајна, благородна и одговорна функција и изрази надеж дека неговиот активен ангажман ќе остави траен белег во надградбата на пријателските односи и во соработката.

Мајка од пеколот: Тригодишни близначиња починаа од предозираност со дрога

Џестис Џејмс (22), мајка на тригодишните синови близнаци Џоши и Џестин, е обвинета за убиство и злоупотреба на деца, откако децата починале поради прекумерна изложеност на дрогата фентанил.

Како што објави „Дејлимејл“, децата биле пронајдени во несвест на 11 јули во куќа во паркот Канога, Калифорнија. Тие не реагирале и не биле свесни кога болничарите пристигнале во станот во кој била Џастис Џејмс со нејзиното момче и нејзиното семејство.

Братчињата итно биле пренесени во блиската болница, но веќе било доцна. Џоши починал подоцна истата вечер, а Џестин два дена подоцна.

Џонатан Хатами, заменик окружен обвинител, рече дека ова е прв пат во областа на Лос Анџелес родителите да бидат обвинети за смрт од предозирање поврзано со фентанил.

Употребата на оваа дрога е во пораст, што е вознемирувачки тренд во последните години во САД. Поради истрагата, која се уште не е завршена, обвинителот не сакал да даде повеќе детали за тоа како близнаците биле изложени на дрога.

„Имавме уште четири слични случаи во последните шест месеци во Лос Анџелес. Децата се највредното нешто што го имаме. Тие не купуваат фентанил, не пушат. Возрасните го прават сето тоа, но невините деца плаќаат Највисоката цена е неприфатлива“, рече Хатами.

Мајката на малите деца, Џастис Џејмс, се појави на суд во вторникот и изгледала вознемирено. Во публиката имало уште неколку членови од нејзиното семејство. Таа била задржана во притвор откако ѝ била одредена кауција од четири милиони долари.

Ќе добие адвокат на нејзиното следно судење закажано за 31 јули. Членовите на семејството тврдат дека таа била грижлива мајка и не би направила ништо за да им наштети на синовите. Близнаците неодамна го прославиле третиот роденден, а за Денот на независноста биле на плажа и го гледале огнометот.

Семејството формирало фонд на GoFundMe за да собере пари за погребот на момчињата.

„Ова е навистина тешко за семејството. Сакаме сите да бидат свесни за опасностите од фентанилот“, рекла бабата на момчињата, Реџина Холмс.

Страшна снимка од Индија: Збеснати бикови нападнаа жени во продавница (ВИДЕО)

Во драматичен инцидент минатата недела во Ришикеш, Индија, две жени биле нападнати од разбеснети бикови во продавница.

Индијките се соочија со застрашувачко искуство на 12 јули, кога два диви бикови упаднале во продавница во Ришикеш, Утараханд (Индија). На снимката од инцидентот се гледа како огромните животни, спонтано влетуваат во продавницата и демолирале сѐ пред себе, а потоа им се нафрлаат на муштериите, пренесува Мирор.

Биковите, кои првично биле преокупирани меѓусебно борење и удирање со главите, одеднаш ја свртеа својата агресија врз жените кога едната се обидела да побегне качувајќи се на робата.

На шокантната снимка се гледа како бик се пробива по Индијките: животното во паника скокнало врз нив, расфрлајќи ги торбите и робата што ги заштитила жените од сериозни повреди.

Храбриот продавач брзо интервенирал, се качил на своите производи и со стап избркал еден од биковите, правејќи простор за жените да избегаат, а потоа го избркал другиот бик кој бил заглавен зад жените.

Жените поминале добро, со неколку ситни гребаници, благодарение на чантите и другите ситници.

Извршниот директор на Муники Рети Нагар Палика, Танвер Марвах, рече дека се прават напори за отстранување на бездомните животни од улиците за да се спречат слични инциденти во иднина.

Голема размена на руски и украински заробеници: Бевме во смртна опасност

Русија и Украина денеска разменија по 95 воени заробеници во најновата размена со посредство на Обединетите Арапски Емирати, соопштија украинскиот претседател Володимир Зеленски и руското Министерство за одбрана.

Руското Министерство за одбрана во соопштението објавено на Телеграм наведува дека ослободените руски војници ќе бидат префрлени во Москва на медицински прегледи и физичка и психолошка рехабилитација.

Тие додаваат дека војниците биле во „смртна опасност“ во украинско заробеништво. Украинскиот претседател рече дека ослободените украински затвореници биле припадници на украинските вооружени сили, Националната гарда и граничната служба.

Зеленски им се заблагодари на Обединетите Арапски Емирати за помошта. Тоа е трета ваква размена во изминатите седум недели.

Во последната размена, која се одржа во јуни и беше посредувана од Обединетите Арапски Емирати, Русија и Украина разменија по 90 затвореници.

притисни ентер