Пекевски: Берово тргна напред, да не се враќаме назад

Ја раздолживме општината и од пропадната и задолжена сега е општина која ги исполнува своите обврски, вели Пекевски.

Кандидатот од СДСМ и коалицијата и актуелен градоначалник на Берово, Звонко Пекевски ја заврши теренската посета на руралните средини и населбите во градот каде за време на изборната кампања секојдневно претставуваше дел од неговата програма за наредните 4 години.

Во едно од неговите завршни обраќања истакна дека Општината под негово водство посветено била ангажирана Берово да тргне напред. Напомена дека се реконструирани голем број локални и регионални улици, асфалтирани се нови и патишта кои повеќе од 30 години не биле асфалтирани, а додаде и дека Општината вложила значајни средства во инфраструктура, образование, јавна чистота, социјални услуги, култура и забава.

– Берово за четири години не е ист град. Ја раздолживме општината и од пропадната и задолжена сега е општина која ги исполнува своите обврски и најважно инвестира во проекти кои го прават животот на жителите поквалитетен и подобар. Бевме избирани за најтранспарентна, најотчетна општина, секој денар се знае на кој проект е потрошен, секој денар е даден во проект за граѓаните, рече Пекевски.

Обраќајки се кон жителите на Берово, Двориште, Смојмирово, Будинарци, Митрашинци, Русиново, Мачево, Владимирово и Ратево посочи дека во изминатите 4 години го пружил најдоброто од себе за развој на Општината и најави дека доколку ја добие довербата за втор мандат ќе продолжи со работа со ист интензитет.

– Во кампањата го поминавме секое населено место, тропнавме на секоја врата, презентиравме што е направено, ги презентиравме проектите кои ги планираме за новиот мандат. За да оствариме и надминеме се што е ветено, на градоначалникот му е потребен и неговиот тим од советници. Да не ги делиме гласовите и да го ослабуваме тимот, и да не им дадеме простор на оние кои блокираат, да го блокираат проектот кој е планиран токму за вас, дополни Пекевски.

Ги повика граѓаните на 17 октомври, масовно и свечено да излезат и да гласаат масовно за број 12 за градоначалник и листата на советници на СДСМ и коалицијата и да ја завршат работата во прв круг, за уште од понеделник да може да продолжи да унапредувањето на Берово и општината.

Видео: Стотици луѓе оделе голи по пустина во Израел

Стотици луѓе покриени само со бела боја оделе низ пустината во близина на Мртвото Море како дел од проектот на американскиот уметник Спенсер Туник, пишува Гардијан.

54-годишниот фотограф го посетил местото во јужен Израел како гостин на Министерството за туризам за по трет пат да го покаже повлекувањето на Мртвото Море, а инспириран бил од библиската приказна за сопругата на Лот која се претворила во столб од сол додека бегала од Содом.

„За мене, телото претставува убавина, живот и љубов“, рекол Туник, која досега организирал десетици фотографирања на голи луѓе.

Докторантката Ана Клејман за Гардијан изјавила дека се приклучила на снимањето за да ги освести луѓето за оваа еколошка криза.

„Навистина се чувствував природно кога се соблеков“. Откако ќе се соблечете, не сакате повторно да се облечете “,рекла таа.

Пред десет години, уметникот снимил над илјада модели на брегот на Мртвото Море, кое се повлекува за еден метар годишно.

Летот на Туник го платило израелското Министерство за туризам, а израелскиот град Арад ги покрил другите трошоци.

Градоначалникот Арад Бен Хамо смета дека проектот е „одраз на либералниот дух во неговиот град“ и се надева дека ова снимање ќе привлече посетители и на тој начин ќе собере средства за финансирање на нов музеј на Мртвото Море.

Видео: Со сопственото тело го штити автомобилот од град

Краткото видео во за рекорден временски период собра бројни симпатии.

Нема многу за што да се зборува. Бурата доаѓала, а сопственик на Тојотата немал подготвено засолниште. Така, тој одлучил да го заштити својот лимен миленик со она што го има до себе, ќебе, картон и сопственото тело.

Иако видеото трае само неколку секунди, секој малку поголем љубител на автомобили ќе го разбере овој гест.

За многумина, автомобилот е повеќе од лим и само превозно средство од точката А до точката Б.

И кога станува збор за автомобил како Тојота Супра, работите стануваат повеќе од јасни.

Станува збор четвртата генерација на моделот што се произведува до 1998 година, а дури и денес тоа е најбараната генерација на Супра и цените честопати се превисоки.

@jakemcgloin

When life doesn’t throw you lemons 😂#sydney #hail #badweather #covid #covid19

♬ Mad World - Michael Andrews

Убиец од Флорида бил пуштен порано од затвор а потоа усмртил жена со шрафцигер

Маж од Флорида, кој бил осуден во 1993 година за убиство на тинејџерка, признал дека избодел жена до смрт со шрафцигер, откако бил пуштен од затвор.

Ерик Пирсон (54) во саботата беше обвинет за убиство на Ерика Вердеција (33), чие тело било пронајдено во канал во близина на Форт Лодердејл.

Пирсон признал дека ја прободел жртвата со шрафцигер четири пати на 25 септември.

Тој бил пуштен од затвор минатиот септември, откако отслужил 27 години од 40 годишната казна, за задавување на Кристина Витакер (17), пишува „The New York Post“.

"Зошто го пуштија на улица? Зошто? Ќе плати овој пат. Нема да застанеме додека не го видиме на електричен стол", рекла мајката на Ерика, Кармен Вердеција.

Полицијата го поврзала Пирсон со исчезнувањето на Ерика откако пријателите рекле дека последен пат ја виделе во продавница со маж кој за себе рекол дека е убиец. Откако полицајците го прегледале камионот на Пирсон, во него пронашле траги од крв.

Ерика Вердеција била мајка на 6-годишна ќерка.

притисни ентер