Партиите согласни за двојни избори во мај

Премиерот Димитар Ковачевски вчера потврди дека на лидерската средба во Собранието ќе се разговара за датумот за одржување на претседателските и парламентарните избори што треба да се одржат следната година.

Средбата за усогласувањето на датумот за одржување на претседателските и парламентарните изборите во рамки на уставните и законски рокови, функционирањето на техничката влада пред изборниот процес, но и можноста за заеднички кандидат за претседател и заеднички листи за пратеници, остануваат во фокусот на политичката дебата.

Премиерот Димитар Ковачевски вчера потврди дека на лидерската средба во Собранието ќе се разговара за датумот за одржување на претседателските и парламентарните избори што треба да се одржат следната година. Средбата ќе биде во формат како што беше и минатата лидерска средба на парламентарните партии. Ковачевски не кажа кога ќе се случи средбата, но се очекува таа да биде од следната недела.

Ковачевски повтори дека претседателските и парламентарните избори ќе бидат во редовен термин.

- Затоа кажав дека мај нуди можност за одржување и на претседателски и на парламентарни избори. Тоа го потвдрија и низа други претседатели на партии и претседателот на Собранието, кој се грижи за роковите и затоа кога ќе заврши таа средба согласно со ставовите на сите политички партии, затоа што таа одлука се носи со широк политички консензус таа одлука ќе може да биде и соопштена, рече вчера Ковачевски на новинарско прашање по презентацијата на новите антикризни мерки.

Според него, нема расположение кај сите политички партии за укинување на техничката влада со оглед на краткиот рок до изборите.

-Според она што СДСМ и ДУИ го имаат како коалициски договор од 2020 година, што е потврден со формирањето на Владата, премиер треба да биде од редовите на албанската етничка заедница што исто така согласно е со нашиот Устав и нашите закони, кои ќе бидат кадровските решенија тоа е сега прерано да се зборува, рече Ковачевски.

Одговарајќи на прашање дали технички премиер би можел да биде Фатмир Битиќи, Ковачевски рече дека тој има исклучително високо мислење за него, но оти сепак, се работи за коалициски договор.

Премиерот ја коментираше и можноста за заеднички кандидат за претседател и заеднички листи за пратеници. Се потврдило, како што вели, дека во нашата земја има партии што се залагаат за влез во ЕУ и за интеграција на државата во НАТО и на другата страна, како што кажа, „сега веќе и официјално имаме друг блок на политички партии ВМРО-ДПМНЕ и Левица кои се против зачленувањето на земјата во Европската унија и против НАТО“.

-Лидерите на двете политички партии јавно кажаа дека немаат против заедничко коалицирање. Граѓаните ќе имаат многу лесен избор за проевропски блок и за европска иднина на државата или ќе бидат за некое алтернативно решение кое не е ниту понудено, рече Ковачевски.

Верува дека политичките партии ќе се водат од истите принципи. -Како ќе изгледаат листите тоа на крај зависи од одлуките на политичките партии меѓутоа СДСМ ќе има широка коалиција која се покажала дека може да ги води успешно процесите и на во државата и на меѓународен план, изјави премиерот.

Според министерот за внатрешни работи Оливер Спасовски, истакнувањето на заеднички претседателски кандидат на „проевропскиот фронт“ би претставувало дополнителна вредност за самата држава и за нејзиниот напредокот, затоа што, како што посочи, е многу важно кој концепт ќе ја предводи земјата во наредниот период.

- Дали тој проевропски фронт, којшто има јасна визија, којшто знае каде треба да се движи Република Македонија и која е нашата цел, бидејќи навистина нема алтернатива на европскиот пат. Ако имаше до сега, ќе се соопштеше некаква нова алтернатива. И имаме една опозициска партија, која што практично е осамена во напорите, бидејќи нема јасна визија во целиот овој процес, рече Спасовски во интервју за МИА.

Според него, вреди да се разговара на сите овие теми и да се отвори што е можно поголем фронт, којшто би поддржал проевропска идеја.

-Нормално тука се разговара за кандидатот за претседател и за настапот на парламентарните избори. Значи има опции, тие опции треба да се анализираат, да се разгледаат и тоа што е најдобро пред се за државата, да биде и на изборите, рече Спасовски, оценувајќи дека е многу важно да се утврди кандидат за претседател на држвата кој, пред се, ги споделува вредностите на мнозинството граѓани кои се за членство во ЕУ.

Во однос на можноста тој да биде претседателски кандидат, Спасовски потенцира дека процесот на кандидирање воопшто не е ни започнат и оти во овој момент тој воопшто не размислува во тој правец.

Во врска со можниот датум за претседателските и парламентарните избори, и Спасовски посочува дека има законски рокови за нивно одржување, а пред тоа се преговара меѓу политичките субјекти за внесување на сите забелешки од страна на ОБСЕ/ОДИХР на Изборниот законик, со цел да се отстранат сите слаботи и изборниот процес да протече на еден фер и демократски начин.

-Важно е да имаме фер, демократски избори, коишто ќе овозможат граѓаните да донесат одлука за тоа каде ја гледаат Република Макединија во наредниот период, рече Спасовски.

Претседателот на опозициската ВМРО-ДПМНЕ Христијан Мицкоски во интервју за „Гласот на Америка“ рече дека до овој момент нема никаква официјална потврда за датумот за избори, ниту пак има каква било потврда дали изборите би биле единечни или раздвоени.

-Не би рекол дека во рамките на Парламентот има какви било разговори. Разговорите, како што гледаме, и самиот Ковачевски, но и Владата ги прави преку медиумите. Таму слушнавме дека изборите би биле редовни во мај, таму слушнавме дека изборите би биле заеднички. Но како и да е, важно е на крајот да постигнеме каков било договор кој што ќе не води кон предвидливо сценарио, а нема да не втурне во каква било уставна или политичка криза, рече Мицкоски.

Како ВМРО-ДПМНЕ, вели тој, не можеме да си дозволиме раздвоени избори од многу причини, а споени или заеднички избори се решение.

-Добро е да се земе почетокот на мај како потенцијален оквир за постигнување решение. Гледам дека тука, односно слушам преку медиумите, дека отприлика тука конвергира ставот и на Владата. Ако има било каква лидерска средба, ...со ова решение, ние како ВМРО-ДПМНЕ сме подготвени да го прифатиме, рече Мицкоски во интервју за „Гласот на Америка“.

Што се однесува до потенцијален коалициски партнер, Мицкоски рече дека многу пати кажал дека треба да се даде шанса на албанската опозиција да води ресори, да имаат одговорност во државата и да се види со каков капацитет располага.

-А ценам дека би било здраво и добро и корисно за ДУИ да помине одреден период во опозиција, да може да ги пронајде своите програмски начела. Бидејќи гледате, од партија која што беше, би рекол самонаречена зелена опција, таа се претвори во партија која што изобилува со најголем број новопечени милионери, па заврши денеска со повторно некаква националистичка национално-романтична, романтистичка реторика. Така што, ценам дека за да се пронајдат себе си и кадровски и програмски и структурно, добро е да поминат најмалку еден мандат во опозиција, истакна Мицкоски.

Мицкоски го потврди ставот на ВМРО-ДПМНЕ дека е за укинување на техничката влада, бидејќи смета дека со неа не добива државата, туку губи.

Лидерите на албанскиот опозициски блок Африм Гаши, Изет Меџити и Биљал Касами синоќа во Тетово потпишаа заедничка декларација на коалицијата Европски сојуз за промени за заеднички настап на претстојните парламентарни и претседателски избори.

Како лидери на нивните партии Алтернатива, Демократско Движење и Движење Беса, тие се обврзаа на заедничко опозициско настапување во албанскиот политички блок со фокус кон зачленување на државата во Европската унија.

Во понеделникот претседателот на Собранието Талат Џафери изјави дека доколку 8 мај е прифатлив за одржување на вториот круг од претседателските избори и парламентарните избори, тогаш изборите би се распишале најдоцна на 28 февруари, а техничката Влада би требало да се формира до 28 јануари.

Ако изборите се на 8 мај и согласно уставните и законските рокови, инаугурацијата на Претседателот на државата може да се одржи на 12 мај, конститутивната седница на Собранието би се одржала 20 дена по изборите односно до 28 мај, а новата влада би требало да биде избрана до крајот на јуни 2024 година./МИА

Алпина има најсилен модел досега, ќе произведе само 99 примероци (ФОТО)

Alpina се приклучи на BMW Group на почетокот на 2022 година и работи на целосно нова моделска линија планирана за втората половина на деценијата.

Тоа значи дека претходниот договор меѓу двете марки истекува на крајот на оваа година, оставајќи време за уште еден специјален автомобил. Таа улога ја презеде Alpina B8 GT, најмоќниот сериски автомобил што оваа специјална марка со седиште во Бухло некогаш го има произведено.

Alpina B8 GT е опремена со моќен твин-турбо, 4,4-литарски V8 мотор специјално дотеран да испорачува 625 коњски сили и дури 850 Nm вртежен момент. Тоа е зголемување од 12 КС и 50 Nm во споредба со Alpina B8. Во исто време, тоа е само една коњска сила помалку од најмоќниот бензински автомобил на BMW, M5 CS, кој развива 626 КС. Сепак, Alpina B8 GT има дополнителни 100 Nm вртежен момент во однос на моќниот M5.

B8 GT е вистинска луксузна ракета на тркала, на која му се потребни само 3,3 секунди за да забрза од 0 до 100 km/h, додека спринтот од 0 до 200 km/h трае само 10,5 секунди. Овој луксузен седан лесно достигнува максимална брзина од 330 km/h. Alpina дополнително го адаптираше осум-брзинскиот автоматски менувач, развиен во соработка со ZF, за да се справи со дополнителниот вртежен момент на моќниот V8 мотор.

За разлика од BMW M8 Gran Coupe, кој користи оригинален M мотор под ознаката S63, Alpina B8 GT ја користи стандардната верзија N63, што го прави поблиску до M850i ​​отколку M8. Секако, тоа беше поентата – како и кај другите модели на Alpine, целта на B8 GT не е доминација на тркачките патеки, како кај моделите М на BMW, туку удобно и исклучително брзо „голтање“ километри на автопатите.

Производството е ограничено на само 99 примероци, од кои само 20 автомобили ќе бидат достапни во двобојна комбинација на каросеријата, која комбинира сина или зелена со црна боја. Сите автомобили доаѓаат со суптилни аеродинамички додатоци од карбонски влакна, вклучително и поистакнат заден дифузор. Карактеристичните 21-инчни тркала Alpina Classic се обложени со гуми Pirelli P Zero. Внатрешноста е целосно обложена со кожа со дрвени облоги и специјална ознака B8 GT.

Промените се заокружени со метални влошки во држачот за чаши, потпишани од Буркард Бовенсипен, основачот на Alpine, кој почина во октомври 2023 година.

Судот издаде налог за апсење на поранешниот претседател на Боливија- бил во врска со девојче

Боливискиот суд денеска издаде налог за апсење на поранешниот претседател на земјата, Ево Моралес, откако тој не се појави пред суд поради наводна врска со малолетничка и трговија со луѓе.

„Издадена е потерница за негов претрес и апсење“, рече судијата Нелсон Рокабадо, пренесе Гардијан.

Обвинителите поднесоа обвинение против Моралес во средината на декември, на што тој одговори тврдејќи дека тоа е стратегија за блокирање на неговата претседателска кандидатура, наведувајќи дека тој е „жртва на брутална судска војна“ организирана од Луис Арсе, актуелниот претседател на Боливија.

Моралес беше претседател на Боливија од 2006 до 2019 година и е првиот претседател на земјата што ги претставуваше домородните народи.

За време на мандатот на Моралес, Боливија доживеа период на економски напредок и намалување на сиромаштијата. Во 2019 година се кандидираше за трет последователен мандат, што е спротивно на Уставот, а тоа предизвика масовни протести.

Под притисок на војската, Моралес поднесе оставка и побегна од земјата. Иако Врховниот суд на Боливија пресуди дека Моралес не може да се кандидира на изборите во август 2025 година, Моралес инсистира дека тој ќе се кандидира.

Се огласи хрватскиот министер, кој испука 15 куршуми од автомобил: Не гледам причина за оставка

Видеото на кое се гледа како хрватскиот министер за земјоделство и вицепремиер Јосип Дабро испука 15 истрели од пиштол низ отворен прозорец на автомобилот ги шокира сите.

По целиот хаос, тој сега проговори и се обиде да ја објасни ситуацијата, објави Јутарњи.

Тој ја потврди автентичноста на снимката, но тврди дека од спортскиот пиштол пукал со маневарски куршуми, за кој има валидна дозвола.

- Тоа е пукање од пред неколку години, а јас пукав од пиштол со ќорци. Имаше некоја приватна прослава, можеби дури и раѓањето на синот на брат ми, а снимката му ја испратив исклучиво на нашиот пријател Марио Радиќ и на никој друг. Беше со нас цела вечер и го донесовме дома. Она што се слуша на снимката не се никакви закани. Цела вечер се дружеше со нас. Возев во мојот приватен автомобил, возачот ми беше пријател, како и другиот што снимаше. Тоа беше и мој пријател. Се се случуваше кај Привлака и надвор од населбата - изјави Дабро.

- Со спортско стрелање се занимавам од 2007 година и имам дозвола за оружје. Ова е спортски пиштол HS кој редовно го користам како член на SSD Сокол Привлака. Според законот за оружје, имам дозвола за поседување и носење, а потоа законот беше сменет, па имав дозвола за поседување, но не можеш да бидеш спортски стрелец без да можеш да носиш пиштол. Знам дека нешто е сменето, но проверете го законот – рече тој.

- Чекав да ми се јави еден од новинарите, бидејќи добив информација дека медиумите ја добиле снимката од некој близок на Марио Радиќ - рече тој и додаде дека за сѐ го известил премиерот Андреј Пленковиќ.

-Премиерот само се интересираше дали тоа беше пред да влезам во Владата или потоа. Тоа е единственото нешто што го интересираше. Тоа беше во време кога не бев министер, ниту член на Владата. Се разбира, од денешна перспектива изгледа лудо и секако се каам што го направив тоа. Тоа беше момент на среќа, возбуда и, ако сакате, непромисленост, иако никого не загрозив и не направив криминално дело. Морално не е, во ред, но исто така важно е што никогаш повеќе не го направив тоа. Можно е форензички да се утврди кога е испратена таа снимка со помош на телефонот на Марио Радиќ, бидејќи веќе ја немам, не ја префрлив на новиот телефон. Тоа е снимено со мојот стар телефон“, рече министерот.

– Не гледам причина да поднесам оставка поради ова – заклучил тој.

Марио Радиќ тврди дека не знае за што се работи на снимката, но дека е можно Дабро да му ја испратил, но и други со слична содржина.

притисни ентер