Парламентарни избори во Либан

Во Либан денеска се одржуваат парламентарни избори, први од економскиот колапс на земјата, а според анкетите проиранскиот Хезболах и неговите сојузници ќе го задржат мнозинството во Парламентот.

И експертите предвидуваат дека изборите нема да доведат до големи промени и покрај големото јавно незадоволство од корумпираната политичка класа, за која се верува дека е одговорна за тешката економска криза и катастрофалната катастрофа во пристаништето Бејрут во 2020 година.

Власта во Либан е поделена помеѓу верските заедници. Според договор, либанскиот претседател е маронитски христијанин, премиерот е сунит, а претседателот на Парламентот е шиит.

Во актуелниот Парламент мнозинство има шиитскиот Хезболах и неговите сојузници, вклучувајќи го и Христијанското слободно патриотско движење на претседателот Мишел Аун. Таквиот систем спречи појава на граѓански политички партии и претставници на граѓанското општество.

Изборите ќе бидат први од младинското протестно движење во октомври 2019 година, кое ја оценуваше власра како неспособна, корумпирана и одговорна за тековните проблеми, од прекини на струја до депонирање на отпад. Повеќемесечните улични протести завршија кога почна пандемијата на Ковид-19, речиси во исто време кога се случи финансискиот колапс на Либан, што Светската банка го опиша како еден од најлошите во современиот свет.

Протестите повторно почнаа во август 2020 година по експлозијата на огромно количество амониум нитрат складирано со години во пристаништето Бејрут, при што загинаа повеќе од 200 луѓе и беа уништени цели населби.

Последователните влади не успеаја да направат пат за излез од најтешката криза во земјата од граѓанската војна 1975-1990 година, која донесе галопирачка инфлација, зголемена сиромаштија и предизвика масовен егзодус.

Новиот состав на Парламентот треба да гласа за клучните реформи што Меѓународниот монетарен фонд ги бара за финансиска помош за ублажување на кризата. Исто така се очекува да гласа за нов претседател бидејќи мандатот на Аун истекува на 31 октомври.

Поради поделбата на функциите меѓу религиозно-политичките групи, формирањето влада по избори обично трае со месеци.

Стоилковски: Спасовски да одговори дали за пукачот од Чаир,имало потерница за затвор?

Спасовски да одговори дали за пукачот од Чаир, пулен на ДУИ, ослободен по пукање, имало потерница за затвор?

Дали причина за молкот на МВР на Оливер Спасовски за пукањето во Чаир стои фактот дека лицето коешто пукало и е ослободено по веројатна асистенција на заменикот директор на Бирото за јавна безбедност Ариф Асани, повеќе од една година е осудено за истото дело по член 396 и уште од лани, точно пред една година било испратено барање до СВР Скопје за негово апсење за отслужување на казната?

Оливер Спасовски мора да одговори дали лицето коешто среде булевар во Скопје пред ресторан, околу 20 часот кога има голема френквенција на народ, лице коешто пукало од огнено оружје, лице коешто влегло во конфликт со полиција, лице коешто користело недозволени полициски осветлувања, лице коешто било ослободено по веројатна интервенција од заменик директорот на Бирото за јавна безбедност, е лице за коешто година дена постои документ за негово приведување за отслужување на затворска казна? И истото е пуштено при повторување на делото!

Почитувани,

Наместо извор и гарант за безбедност на граѓаните, МВР стана извор на небезбедност, извор и учесник во каубојски оружени пресметки! Луѓе сведочат како среде булевар, човек пука во присуство полиција заради контрола на возило, а потоа е пуштено заради можна интервенција на Ариф Асани вториот човек задолжен за јавна безбедност, а МВР и Оливер Спасовски молчат!? Дали молкот се должи единствено на можноста за опстојување на власта СДСМ/ДУИ?

Државата и безбедноста на сите луѓе во Македонија не смеат да бидат заложници на подредената улога на СДСМ, на Ковачевски и на Спасовски само и само за гола власт! Владата на СДСМ/ДУИ е извор на криминогени и мафијашки скандали, а неказнивоста е неиздржлива и носи животи! Премногу е! Одговорност и избори веднаш!

Центар за комуникации на ВМРО-ДПМНЕ

За попладне и вечер најава за изолиран развој на пороен дожд, грмежи, ветер

Времето денеска е сончево и многу топло со слаб до умерен ветер од северозападен правец.

Попладне и во вечерните часови ќе има изолиран развој на нестабилна облачност со пороен дожд, грмежи, засилен ветер и услови за појава на град.

Максималната температура ќе биде во интервал од 30 до 35 степени, УВ индексот ќе биде осум.

Во Скопје времето ќе биде сончево и топло со мала до умерена облачност и слаб до умерен северен ветер. Попладне ќе има услови за краткотраен пороен дожд и грмежи. Температурата ќе се движи до 34 степен.

Од УХМР најавуваат дека под влијание на влажна и нестабилна маса утре попладне и за време на викендот времето ќе биде нестабилно со пороен дожд, грмежи и засилен ветер. Локално процесите ќе бидат во форма на невреме со интензивен пороен дожд (за кратко време поголема количина), силни електрични празнења, силен ветер (над 70 км/час) и појава на град.

Во недела дневната температура ќе се намали за неколку степени.

Утре попладне и за време на викендот пороен дожд, грмежи и засилен ветер

Под влијание на влажна и нестабилна маса утре попладне и за време на викендот времето ќе биде нестабилно со пороен дожд, грмежи и засилен ветер.

Локално процесите ќе бидат во форма на невреме со интензивен пороен дожд (за кратко време поголема количина), силни електрични празнења, силен ветер (над 70 км/час) и појава на град.

И во Скопската Котлина за време на викендот времето ќе биде нестабилно со пороен дожд, грмежи и засилен ветер, повремено и во форма на краткотрајно невреме.

Во случај на појава на електрични празнења од УХМР препорачуваат поголема внимателност, да не се престојува на отворен простор и под осамени дрвја.

притисни ентер