Службата за национални паркови во соопштението наведува дека мечката била убиена од страна на персоналот на Националниот парк Јелоустоун по „серија вознемирувачки инциденти во камп во зафрлена природа“ во северниот дел на паркот, објави денес ABC News.

Службениците изјавија дека ова е првата црна мечка убиена во Јелоустоун за пет години, а последниот таков случај бил во јули 2020 година, кога црна мечка била убиена откако повредила кампери и украла човечка храна во камп во зафрлена природа.

„Мечка здроби празен шатор во кампот на 7 јули. Неколку недели подоцна, на 11 јули, мечката се искачи на столб за складирање храна во кампот, ги искина правилно складираните кеси со храна и ја изеде храната на камперите“, соопшти Службата за национални паркови во соопштението.

A female adult black bear in Yellowstone National Park was euthanized on Friday after "concerning incidents" around becoming food-conditioned at a backcountry campsite. https://t.co/VKXbxikXMq

— FOX Weather (@foxweather) July 18, 2025

Во соопштението се вели дека откако мечките ќе почнат да набавуваат човечка храна, „тие можат брзо да станат зависни од храната и може да се однесуваат агресивно или опасно во близина на луѓе, загрозувајќи ги и луѓето и дивиот свет“.

Упатствата на паркот бараат од камперите во оддалечените области да ја закачуваат храната на столб или да ја прицврстуваат во кутија во секое време, освен кога готват или јадат.

Околу 20.000 кубни метри почва собрана за време на работата за деконтаминација во близина на нуклеарната централа Фукушима Даичи ќе биде распослана во слој дебел 60 сантиметри под тревникот на комплексот владини згради, соопшти Министерството за заштита на животната средина, објави Кјодо.

Почвата има ниска радиоактивност, која ќе биде покриена со дополнителен слој почва и постојано ќе се следи за нивоата на зрачење, пренесе Гардијан.

Japan to use slightly radioactive soil from Fukushima on flowerbeds at prime minister's office https://t.co/ukCsn4xl5A

— そもそも☮☕🌳🐱🎶 (@1959Somosomo) May 27, 2025

Ова е прв пат таква почва да се користи надвор од префектурата Фукушима. Владата се надева дека симболичниот чин ќе ја демонстрира безбедноста на користењето контаминирана почва со цел да се отстранат пречките за нејзина употреба низ целата земја - првенствено во инфраструктурни проекти.

Досега, ваквите планови се соочија со силен локален отпор, соопшти агенцијата. По нуклеарната катастрофа во 2011 година предизвикана од земјотрес и цунами, во Фукушима беа собрани вкупно 14,1 милиони кубни метри контаминирана почва.

Владата планира да ја премести почвата надвор од префектурата до март 2045 година. Според сегашните стандарди, почвата со радиоактивен цезиум под 8.000 бекерели на килограм може да се користи за градежни и инфраструктурни работи.

Во моментов, околу 75 проценти од складираната почва во Фукушима ги исполнува овие критериуми.

Автопатот Скопје Тетово заради чадот од пожарот кај желино по краток период повторно беше пуштен за сообраќај. Плаемините јазици и густиот чад од мешаната шума која гори помеѓу Желино Еребино и Грипчин се гаснеше од земја но и од воздух со армискиот хеликоптер.

Пожарот кој попладне во изби кај Желино според информациите од тетовските пожарникари бил подметнат со запалени гуми кои се тркалале од ридот а мвр работи на расветлување на овој случај.

Шуми горат во 4 општини а Хеликоптерот на МВР со направени 60 налети врз пожарот во село Нивичино во струмичката општина Василево, каде што гори нискостеблеста шума. Како што соопшти МВР, хеликоптерскта единица од воздух исфрлила повеќе од 80 тони вода со цел да се спречи ширењето на огнената стихија и да се овозможи полесно гасење од теренот а денес во гаснењето е вклучен и уште еден халикоптер на АРМ. Но и покрај интензивните напори, пожарот сè уште е активен.

Исто така пожари кои што сè уште бараат засилена интервенција се оние во Македонски Брод, Прилеп каде два ер трактора се вклучени денеска во гаснењето. Пожарот кај велешките села Џидимици и Иванковци повторно се разгорел и таму се испратени екипи за гаснење на неколкуте краци од овој пожар.

Изгаснат е пожарот , во Дојран кај село Николиќ, депонијата кај Демир Хисар и оној кај Локвица во Македонски брод. По три пожари се изгаснати во општините Ранковце и Куманово и два во општина Липково.

Изгаснати се пожарите и во општините Старо Нагоричане, Кратово, Јегуновце, Теарце, Тетово, Свети Николе, Битола, Карбинци, Штип, Делчево, Росоман. Во општина Аеродром изгаснат е пожарот на улица „Гаврил Константиновиќ“,во општина Гази Баба – кај стрелиште Камник, во општина Сарај – крај Вардар, а во општина Бутел изгаснат е пожарот во населбата Визбегово. Во општина Ѓорче Петров се изгаснати два пожара, како и пожарот во општина Илинден, кај индустриската зона.

Пожарите продолжуваат да се појавуваат насека низ државата, но засега со брзите интервенции голем дел бргу се гасат.

Според информациите од Центарот за управување со кризи (ЦУК), во изминатото деноноѓие низ целата земја се регистрирани вкупно 30 пожари на отворен простор. Од нив, шест се во активна фаза, а три се под контрола.