Панова: Владата да ја повлече одлуката за враќање на родителите на работа, додека не обезбеди услови во градинките и училиштата

Со последната одлука на владата да ги врати сите родители на работа, без притоа да обезбеди услови за згрижување на децата до 10 години, испраќа порака дека децата и нивната добробит не и се важни! 

Уште повеќе, не им е важна ниту состојбата на мајките со продолжено породилно отсуство или на мајките на деца до 6 години.

Инсистираме, владата да ја повлече оваа избрзана одлука, да отвори јавна дебата и пред носење на нова одлука, се да ги земе предвид барањата и потребите на родителите, и пред се во фокусот да биде грижата за добробитта на децата и семејствата.

Цели 6 месеци, половина година, оваа власт мораше да најде соодветно решение за состојбата. Но напротив, остави работите со епидемијата да се движат вон контрола, за сега, да го одложи почетокот на учебната година, и одеднаш да донесе одлука дека сите родители на деца до 10 години, како и мајки на породилно отсуство, да мора да се вратат на работа! Притоа, државата воопшто не обезбеди услови за нормално функционирање на воспитно- образовните и згрижувачки институции.

Избрзаноста и негрижата, како и целосно отсуство на реална слика на состојбите од страна на членовите на владата, се гледа во тоа што пред да ја донесе одлуката, оваа власт воопшто не водела сметка за бројот на децата до 6 години кои што не се запишани во градинка или згрижувачки центри, ниту пак се водела од вистинскиот капацитет- просторен и од аспект на човечките ресурси во градинките. Едноставно, во градинките нема место. Кратењето на продолженото породилно е и спротивно на предлогот на Комисијата за заразни болести која препорача отсуството да трае до крајот на годинава заради што мајките не ги запишаа децата во градинка.

Притоа, секојдневни се информациите за проблеми во функционирањето на градинките пред предизвиците со епидемијата, која што воопшто не е смирена. А не смее ниту да се исклучи секојдневното најавување од страна на членовите на власта дека есенва се очекува втор бран на ширење на Корона вирусот во комбинација со сезонскиот грип.

Државата е во хаос, а економијата во колапс. Власта колку и да е забегана не смее да и се дозволи веќе зголемениот број на невработени, односно после бројката од над 40 илјади работници кои останаа на улица заради короната; сега и родители- мајки на деца до 10 години, вклучително и мајки на продолжено породилно отсуство, да мораат да го остават работното место за да си ги згрижат децата.

Заев, Филипче, Шахпаска, Царовска! Работата е премногу сериозна, проблемите кои ги креирате се претешки и воопшто непотребни за народот, кој што го оставивте на цедило цели 6 месеци! Повлечете ја оваа избрзана одлука, барањата и потребите на родителите и грижата за добробитта на децата и семејствата мора да бидат пред се!

Ели Панова ВМРО-ДПМНЕ

На Американците ќе им биде забрането да го симнуваат TikTok и WeChat

Пристапот до кинеските апликации TikTok и WeChat ќе биде ограничен во САД од задутре, недела, пренесува CNN.

Одлуката ја донесе Министерството за трговија, имајќи предвид дека извршните наредби на администрацијата на Трамп против овие апликации тогаш ќе стапат во сила.

Луѓето кои веќе ја имаат инсталирано апликацијата, сепак ќе можат да ја користат како и обично, но нема да можат да преземаат нови ажурирања, што наскоро може да доведе до дисфункција на апликацијата, бидејќи програмерите нема да можат да ги поправаат грешките или да прават измени.

Од недела, секоја дистрибуција или одржување на WeChat или TikTok во трговијата за апликации ќе биде забранета.

Понатамошни забрани може да се воведат подоцна, вклучително и оние насочени кон некои други апликации што може да послужат како заобиколувања.

„Денешниот потег уште еднаш докажа дека претседателот Трамп ќе стори се што е во негова моќ за да ја гарантира националната безбедност и да ги заштити Американците од закани од кинеската комунистичка партија, на нашите национални вредности, норми засновани на демократски принципи и агресивно спроведување на законите и регулативите на САД “, изјави државниот секретар за трговија на САД, Вилбур Рос.

Почна раното гласање на претседателските избори во САД (ВИДЕО)

Гласачите денеска излегоа на гласачките места во Минесота во пресрет на предизборните посети на претседателските кандидати.

Републиканскиот кандидат и сегашен претседател Доналд Трамп и неговиот противкандидат од Демократската партија, Џо Бајден, беа во оваа сојузна држава.

Предвремено гласање на изборите за претседател на Соединетите Американски Држави започнува во три земји, според агенцијата Ројтерс.

Четириесет лица гласаа во првите 30 минути по отворањето на единствениот центар за гласање во Минеаполис, а во оваа земја Трамп загуби со мала разлика во 2016 година и посакува подобар исход на овие избори.

Гласачите во Вирџинија, Јужна Дакота и Вајоминг исто така денеска започнаа да гласаат. Некои гласачи од Минесота изјавија дека едвај чекаат да започне изборниот процес и дека сакаат да ги избегнат потенцијалните гужви на денот на изборите.

Пандемијата на коронавирус драстично ги промени изборните традиции во САД, според Ројтерс. Кампањите, патувањата се значително намалени, а голем број гласачи се очекува да гласаат во раните часови или по пошта, бидејќи многу Американци сакаат да го намалат контактот со повеќе луѓе за да спречат ширење на ковид- 19.

„Само сакав да дојдам и да завршам сè“, вели Џејсон Мајлс, 33-годишен сликар, кој чекаше многу пред да се отворат избирачките места за да гласа за Бајден. Тој вели дека не можел повеќе да чека за да гласа против Трамп.

"Бев инспириран за да дојдам првиот ден. Всушност, пред 3,5 години мислев дека ќе дојдам тука на првиот можен ден".

Сите гласачи во Минеаполис стоеја во ред со маски на лицата поради епидемијата.

Трамп беше критикуван за митинзите пред изборите, каде многумина не носеа маски. Републиканскиот претседател според државните анкети заостанува зад Бајден, додава Ројтерс, кој наведува дека Бајден има значителна предност во Минесота (10,2 проценти).

Ролан Гарос ќе се игра пред публика

Пет илјади гледачи дневно ќе можат да ги следат тениските натпревари на грен слем турнирот Ролан Гарос, кој оваа година се одржува од 27 септември до 11 октомври, објавија денеска организаторите.

Квалификациите започнуваат во понеделник.

„Носителите на нумерирани билети за теренот „ Филип-Шатриер “ќе ги задржат своите билети и ќе имаат пристап до целиот стадион од 12 хектари, вклучувајќи ги терените Сузан-Ленглен и Симон-Матје. На сопствениците на билетите за терените Сузан-Ленглен и Симон-Матје ќе им се вратат парите“, напишаа организаторите на Твитер профилот на турнирот.

Пред околу десетина дена, Ролан Гарос воведе опција според која турнирот може да го следат секој ден 11.500 гледачи кои ќе бидат распределени во три независни сектори на три главни полиња: Филип-Шатјер (5000 места), Сузан-Ленглен (5000) и Симон-Матје 1500). Но, вчера тие мораа да ја намалат таа бројка на 5.000.

Разочараните купувачи на билети ќе имаат можност „да купат приоритетни билети“ во 2021 година, додаваат организаторите.

Ролан Гарос вообичаено се одржува кон крајот на мај и почетокот на јуни, но е одложен за есен поради пандемија на коронавирус.

притисни ентер