Пандемијата ќе го продолжи чекањето на аеродромите

Поради новите глобални упатства за физичко растојание, воведени за безбедно активирање на воздушниот сообраќај за време на пандемијата, патниците на некои аеродроми ќе треба да пристигнат два часа пред летот.

„На големите аеродроми со мал обем на сообраќај, патниците нема да треба да пристигнат порано на аеродромот заради социјална оддалеченост“, рече на прес конференцијатаАнгела Гитенс, генерален директор на Меѓународната аеродромска асоцијација (АЦИ).

„На помал аеродром или на преполн аеродром, би рекла дека ќе трае дополнителен час или дури два часа“, изјави Гитенс.

Агенцијата за воздушен сообраќај на ООН издаде упатства за авиокомпаниите, аеродромите и државите да усвојат унифициран пристап поврзан со летањето за време на пандемијата на коронавирус.

Упатствата, усвоени вчера од Организацијата за цивилно воздухопловство (ИЦАО), вклучуваат маски и стоење на растојание од најмалку еден метар.

Упатствата, поддржани од воздухопловната индустрија, се однесуваат на тековната мешаница на правила што се применуваат како резултат на пандемијата на коронавирус, со што воздушниот сообраќај е различен во скоро секоја земја.

Експертите за авијација велат дека уникатен пакет безбедносни практики ќе биде корисен за да се врати довербата на патниците.

„Упатствата треба да се спроведат брзо“, рече Александар де Јуниц, директор на Меѓународното здружение за воздушен транспорт (ИАТА), за време на конференцијата преку интернет.

Филип Бертукс, претставник на ИЦАО од Франција, кој ја предводел работната група, рече дека членовите ќе продолжат да ги исполнуваат и да предлагаат промени со промената на пандемијата.

„Исто така, ќе има додаток на упатствата“, рече Бертукс.

„Тековните инструкции се жив документ што ќе продолжи да се менува“.

Мислел дека зелено Ламборџини секаде се паркира , не поминал добро

Не е познато дали возачот решил намерно да се паркира на тоа место и дали станува збор само за небрежност.

Полицијата во Франкфурт јасно покажа дека нема недопирливи. Возачот на Ламборџини го паркирал својот автомобил неправилно, блокирајќи ја електричната станица за полнење.

Прекршокот бил откриен од полициски службеник на електричен велосипед и тој веднаш реагирал. Бил повикан пајак , по што зелениот Huracan Evo Spyder од милион евра бил отстранет.

Шилегов: Следната година ќе биде готов мостот кој ќе ги поврзува Аеродром и Гази Баба

Градежните активности на новиот мост „АСНОМ" кој треба да ги поврзе општините Аеродром и Гази Баба се одвиваат според предвиденото темпо и очекувањата се дека до средината на следната година ќе биде заокружен овој проект.

Мостот ќе ги поврзува улицата „Васко Карангелевски" во Аеродром со улицата „Индустриска" во населбата Ќерамидница во Гази Баба. Вкупната должина на трасата изнесува 400 метри. Мостот ќе биде долг 150 метри, со шест коловозни ленти, а ќе има и велосипедски и пешачки патеки од двете страни.

Вредноста на договорот за изведба на оваа фаза изнесува 365,6 милиони денари со вклучен ДДВ.

– Денеска вршиме увид на интензивните градежни активности за изградбата на новиот мост на булеварот АСНОМ, односно втората фаза од пробивањето на булеварот. Веќе се поставени темелите, а мостот ќе биде со габарит како мостот Гоце Делчев и ќе овозможиме нов сообраќаен коридор од општина Аеродорм кон општина Гази Баба, изјави градоначалникот на Град Скопје, Петре Шилегов.

Вицепремиерката за економски прашања Мила Царовска, која заедно со Шилегов изврши увид во градежните активности, изрази задоволство што главниот архитект е жена.

-Јас сум сигурна дека градоначалникот ме покани на овој објект, не само да видиме до каде се овие градежни работи, туку заради тоа што главен архитект на овој круцијален мост во нашиот град е жена, главната архитектка којашто го следи и го гради овој објект. Жените во светот и во нашата држава градат мостови, но не само фигуративно, тука имаме и практично прикажување дека жените навистина може да градат вакви објекти, кои се од огромно значење, не само за градот, туку за целата нашата држава. На тој начин ја менуваме перцепцијата за тоа што е машка, што е женска професија, изјави Царовска.

Од Град Скопје посочуваат дека изградбата на ваков мост на реката Вардар во планската документација на Скопје постоела уште од 1965 година, но оти поради осуството на визија за развој на градот и немањето чувство за вистински приоритети, изградбата била одложувања.

По изградбата на мостот, како што посочува Град Скопје, граѓаните од Ново Лисиче до Судската палата со автомобил ќе се стигнуваат за пет минути, со автобус за 10 минути, со велосипед за 18 минути, а со пешачење за 35 минути.

Николовски : На 15 јули изборот е јасен, европска иднина и развој

Уште само пет дена не делат од 15 јули, денот кога конечно ќе расчистиме со остатоците на режимот на Никола Груевски. 

Во среда носиме голема и важна одлука, одлучуваме за сопствената иднина, за иднината на нашите најблиски и за иднината на земјата. Затоа е важно да се гласа.

Одлучуваме дали ќе одиме напред или ќе се враќаме назад!

Дали ќе растат платите за сите или ќе се полнат џебовите на луѓето на Груевски?

Дали ќе се заштитиме од КОВИД или ќе оставиме неодговорни луѓе да донесат хаос, паника и закана за здравјето на сите?

Дали ќе го исчистиме судството од корумпираните или Мицкоски ќе ги спасува Камчев и Груевски?

Дали после НАТО влегуваме во ЕУ или ќе им дозволиме да го поништуваат Договорот од Преспа и да не носат во провалија?

Затоа на 15 јули, на целосно безбедни избори, треба да гласате за СДСМ и за сигурноста што ја носи нашето домаќинско и одговорно работење.

Не смееме да дозволиме влада на ВМРО-ДПМНЕ која носи опасност!

Работата не е завршена!

Затоа треба сите да излеземе на гласање и да ја донесеме големата одлука за европска, безбедна иднина.

Да не дозволиме да ја прокоцкаме шансата што заедно ја создававме овие три години.

Сите оние што на 15 јули ќе останат дома, даваат придонес и шанса на власт да се врати Груевски.

Тоа не смееме да го дозволиме.

Нашата држава, нашите граѓани нема да дозволат ВМРО-ДПМНЕ да се врати на власт. Тоа ќе донесе хаос во државата.

Замислете како ќе изгледаше справувањето со КОВИД ако ДПМНЕ ја водеше владата. Погледнете што се случува низ земјите во регионот и Европа.

На 15 јули вие одлучувате кој ќе ја води борбата со КОВИД.

Подготвени ли сте вашето здравје и здравјето на вашите најблиски да им го доверите на Мицкоски и неговите луѓе?

Затоа, на 15 јули, да дадеме масовна поддршка за Коалицијата Можеме, која носи сигурност и заштита на здравјето на граѓаните.

Ја бараме вашата поддршка, за нов чист мандат за да продолжиме напред уште побрзо, за конечно да станеме држава со вистински европски вредности, европски политики и европски стандард.

Се обврзуваме пред вас дека судскиот систем ќе биде првата работа која ќе биде реформирана во наредниот мандат.

Како што покажавме одлучност и патриотизам во решавањето на отворените прашања и во внесувањето на земјата во НАТО, со истата одлучност, страст и сила ќе донесеме правда и владеење на правото за сите.

Единствената шанса да ја завршиме работата до крај и да донесеме правда, е со нов мандат на Влада предводена од Зоран Заев.

Љупчо Николовски, генерален секретар на СДСМ и носител во ИЕ 3

притисни ентер