Двајца Британци кои не пријавиле пронајдено богатство на Англо-саксонците во вредност од околу 3 милиони фунти, денес се осудени на вкупно 18 и пол години затвор.
Пребарувајќи поле во Лемистер, централна Англија, користејќи метален детектор, 51-годишниот Лејтон Дејвис и 38-годишниот Џорџ Пауел откриле големо богатство, вклучително и монети, за кои се верува дека се од владеењето на кралот Алфред Велики.
Според британскиот закон, ваквите откритија мора да бидат пријавени кај сопственикот на земјиштето и кај локалните власти. Сепак, копачите решиле да ги чуваат за себе и почнале да пуштаат монети во продажба, било речено на судот во Ворчестер.
Пауел е осуден на 10 години затвор, а Дејвис на осум и пол години.
„Пронајдените монети од Дејвис и Пауел се стари повеќе од 1.100 години и на нив е врежан Алфред и Келвулф од периодот на Саксо-Викинзите“, рече обвинителот Лесли Милнер.
„Откритието има огромна историска вредност и требаше да биде пријавено кај властите, но Дејвис и Пауел себично го криеја за своја корист“.
Алфред управувал со јужната област Весекс од 871 до 899 година, додека Келвулф Втори бил крал на Мерсија, северно од Весекс, од 874 до 879 година од н.е.