Свет

Откриено и четврто истекување на гас од „Северен тек“ во Балтичко море

Додека западните сојузници утврдуваат што ги предизвика трите истекувања на гас од подводните гасоводи Северен Тек 1 и 2, Шведска денеска алармираше за ново, четврто напукнување на еден од цевководите кои од Русија водат кон Германија.

Стокхолм соопшти дека новото истекување е детектирано на Северен тек 2, многу блиску до она на Северен тек 1. За шефот на шведската дипломатија веќе нема дилеми дека се работи за активност без преседан, која не е случајна.

-Oна што го знаеме e дека ова е намерно предизвикано, а не несреќа или слично. Сега работиме многу напорно со сите други земји во Европа, особено околу Балтичкото Море, за да ги утврдиме фактите за да можеме да истражиме што се случило овде. , вели Јепе Кофод, министер за надворешни работи во Шведска.

Откако вчера Европската Унија оцени дека се работи за саботажа во Балтичкото море, денеска и НАТО се огласи со идентичен став. Оштетувањата се намерни и непромислени дејства врз критичната инфраструктура на сојузниците, се вели во соопштението. Првичните сомнежи на британските разузнавачи се дека напукнувањата се предизвикани со подводни експлозивни направи детонирани од далечина. Дел од експерти во данската морнарица велат за да се предизвика штета од толкави размери, операцијата би морала да биде изведена од државни служби.

-Вам ви требаат нуркачи со посебна опрема за да преземете такви чекори. Ви требаат и миниподморници, кои ќе работат под море. Повеќето земји ги поседуваат овие работи и не е тешко да се изведе. , вели Андерс Нилсен, командант во данската морнарица.

Иако никој директно не впери прст, сомнежите на сојузниците се дека зад оштетувањата стои Русија, која категорично отфрка каква била инволвираност. Москва денеска порача дека инцидентите се случиле во зона под целосна контрола на американските разузнавачи.

-Активно се преувеличува приказната дека тоа се неутрални води. Се работи за специјална економска зона на Данска и Шведска. Тоа се земји кои се свртени кон НАТО и кои се под целосна контрола на американските разузнавачки служби. , изјави Марија Захарова, портпаролка на руското министерство за надворешни работи.

Германија стравува дека Северен тек 1 може неповратно да биде уништен, ако не бидат санирани оштетувањата, поради морската вода која би предизвикала корозија во внатрешноста на цевките.

Свет

САД распоредуваат трет носач на авиони поблиску до конфликтот на Блискиот Исток

„Ју-Ес-Ес Џералд Р. Форд“ ќе замине за Европа следната недела, изјави официјален претставник на морнарицата, тоа ќе биде трет американски носач на авиони во близина на Блискиот Исток.

„Ударната група на носачот на авиони Џералд Форд ќе замине од Норфолк (Вирџинија) утрото на 24 јуни за редовно распоредување во зоната на одговорност на Европската команда на САД“, изјави официјален претставник на морнарицата.

Американскиот носач Карл Винсон е на Блискиот Исток од почетокот на оваа година, учествува во воздушна кампања против јеменските бунтовници Хути, поддржани од Иран.

И официјален претставник на американската одбрана потврди дека шефот на Пентагон, Пит Хегсет, наредил ударната група на носачот Нимиц да се испрати на Блискиот Исток, нагласувајќи дека тоа е „за да се одржи нашата одбранбена позиција и да се заштити американскиот персонал“.

Трамп изјави вчера изјави дека ќе одлучи дали да се придружи на нападите на Израел врз Иран во следните две недели, наведувајќи ја можноста за преговори за прекин на конфликтот.

Тагови: блискиот исток САД

Свет

Велика Британија го повлекува персоналот од Амбасадата во Иран

Велика Британија го повлекува персоналот од Амбасадата во Техеран поради моменталната безбедносна ситуација, соопшти Канцеларијата за надворешни работи, Комонвелт и развој.

Претходно, Велика Британија најави привремено повлекување на членовите на семејствата на вработените во Амбасадата и во Конзулатот во Израел поради безбедносни причини.

Додека претходно привремено беа затворени Амбасадата на Словачка и Амбасадата на Австралија во Техеран.

Тагови: Велика Британија Иран

Македонија

СДСМ нема да кандидира градоначалници во Сарај, Чаир, Тетово, Гостивар, Дебар, Струга и Желино

Со одлука на Извршниот одбор, СДСМ нема да има кандидати за градоначалници во неколку општини: Сарај, Чаир, Тетово, Гостивар, Дебар, Струга и Желино, само листи за советници, брифираат од партијата.

Претходно на прес-конференција, лидерот на СДСМ, Венко Филипче ги објави имињата на првите 19 кандидати за градоначалници од партијата.

За Општина Центар, актуелниот градоначалник Горан Герасимовски.

За Општина Аеродром, д-р Александар Трајановски.

За Општина Ѓорче Петров – претседателот на општинската организација, Костадин Ацески.

За Општина Чучер Сандево, актуелниот градоначалник Сашо Комненовиќ.

За Општина Берово, актуелниот претседател на општинската организација Илија Рунтевски.

За Општина Крива Паланка, актуелниот градоначалник Сашо Митовски.

За Општина Лозово, Ацо Велковски.

За Општина Чешиново-Облешево, Горанчо Крстев.

Општина Богданци, Блаже Шопов.

Општина Дојран, Ристо Џинев.

Општина Могила - Зоран Ристевски.

Општина Неготино, Петар Мантев.

Општина Новаци, Љубе Кузманоски.

Општина Росоман, Стојанче Николов, актуелниот градоначалник.

Општина Вевчани, претседателот на општинската организација Стефан Радиноски.

Во Крушево, актуелниот градоначалник Томе Христовски.

Во Ресен, претседателот на општинската организација Александар Бузлевски.

Во Штип, исто така, претседателот на општинската организација Павел Иванов.

И претседателот на општинската организација во Општина Гази Баба, Влатко Митовски.